لعبه جميله بس المره دي في الطبخ

**SOSO** · #1 (**permalink**) 19-12-2007, 02:57 PM

دي فكره شوفتها في كذا منتدي وعجبتنى جداا ويارب تعجبكم
بصوا يا جماعه كل يوم هروح السوق اجيب صنف واحد من هناك

عليكم بقى تعملو بكذا طريقه

يعنى المره دى هجيب فرخه وعايزه اشوف كذا طريقه للفراخ

وياريت الموضوع ميتنقلش قسم الالعاب لانه مفيد جدا للطبخ

واللى هيكتب طريقه الطبخ يكتبها بطريقه بسيطه جدا زى ما يكون بيعلم ناس فى حضانه

عشان الكل يستفاد

يلا يا جماعه عايزين نشوف الفرخه فى ابهى اشكالها

[/quote]

**Shoshou** · 19-12-2007, 05:35 PM

فكره حلوه اوى يا سوسو وانا هكون اول واحده طبعا بما انك اخترتى الفراخ وانا بموت ف حاجه اسمها فراخ

بس قوليلي لو ينفع اقول اكتر من طريقه ولا كل واحد ليه طريقه واحده ف كل صنف ولا ايه النظام بالظبط..
هنبتدى بـ فراخ بالخلطه

المقادير :
دجاجه مقطعه قطع متوسطه - بصله شرايح - ثوم مفروم

الخلطه :
نقطع ربع حزمه بقدونس ونضيف 3 ملاعق مايونيز و 3 ملاعق جبنه سايله و ملعقتين زبادى وشويه كركم وشويه بهارات مشكله -وكل ما البهارات زادت كل ما الطعم يبقى احلى- وفص ثوم وشويه ملح وملعقه طحينه
طبعا كل ده هنخلطه مع بعضه بس بشرط ان الخليط يكون متجانس كده ومفيهوش قطع كبيره من اى حاجه

الطريقه :
نحمر البصل والثوم ف الزيت وبعد كده نضيف الفراخ ونقلب على نار هاديه لحد لما تستوى.. وبعدين نضيف الملح والبهارات وبعدين لما تستوى خالص نحطها ف صينيه فرن ونصب الخلطه على السطح ونزعها كويس لحد ما السطح كله يكون متغطى بالخلطه وبعدين نسيبها ربع ساعه ف الفرن.. بس نشغل الفرن على النار من فوق بس عشان الخلطه مش اكتر.. وبعدين كده تكون جاهزه للتقديم
ويستحسن لو تتقدم مع سلطه
وبالهنا والشفا

ارق تحياتى..

**SOSO** · 20-12-2007, 08:56 AM

لا ممكن يا شوشو تقولي كذا طريقه لصنف واحد يعنى ممكن تقولي مثلا كذا طريقه لعمل الفراخ وهكذا
واللي بعدك ياما يقول طريقه صنف جديد او يقول نفس الصنف السابق بطريقه تانيه
يارب تكون الفكره وصلت

**SOSO** · 20-12-2007, 09:02 AM

طريقه عمل شاورمه الفراخ
المقادير :-
نصف كيلو فراخ بانيه ( صدور فراخ مخليه ) عدد 4 وحدات طماطم - عدد 2 فلفل اخضر + فلفل حامى حسب الرغبه - حزمه بقدونس عدد 2 بصله - ملح - فلفل اسود- بهارات -

الطريقه
تقطع صدور الفراخ قطع صغيره جداً
تبشر البصل او تقطع حلقات حسب الرغبه ونضع عليها الملح والفلفل الاسود والبهارات ويقلب جيدا بالبصله ثم نضعهم على الفراخ ويقلب جيداً ونتركها فى الثلاجه لمده ساعتان حتى يتم تدبيلهم جيدا
ثم نجيب حله ونضع فيها 2 ملعقه سمن او ليه حسب الرغبه ونضيف عليها الفراخ ويقلب جيدا فى السمن لمده 5 دقائق ثم يضاف الفلفل الاخضر بعد تقطيعه قطع صغيره جدا ونستمر فى التقليب حتى تصفر الفراخ ثم نضيف الطماطم بعد تقطيعها قطع صغيره جدا ونستمر فى التقليب ثم نضع البقدونس بعد تقطيعه قطع صغيره ونقلب لمده 2 دقيقه ونرفع الشاورمه من على النار
وتقدم سندوتشات
وبالهنا والشفاء

**SOSO** · 20-12-2007, 06:31 PM

ايه يا جماعه محدش ناوي يكمل ولا ايه ؟؟؟ الموضوع مش عاجبكم ؟!!