؟؟؟؟؟؟؟؟؟؟؟؟؟؟؟؟؟؟؟؟؟؟( اتمني اني اسمع الردود )

**ichoo** · #1 (**permalink**) 30-08-2004, 09:55 AM

[color=#FF0033]
كلنا عارفين ان اصلا اللجنه دي تم تشكيلها علشان يطلع قرار اسلام لصالح الاهلي بشكل قانوني وييخلصوا من كل الاخطاء القانونيه السابقه .. دي طريقة عصام عبد المنعم بتاع الاصلاح .. يعني الاول كان بيتكلم علي ان القانون مع الاهلي ولما ظهر ان ملاحق العقود غير معمول بيها رجع كمان شويه يتكلم عن حاجات تانيه .
يا ناس الاتحاد ميوله معروفه يعني بلاش نشتغل بعض ... الحكم معروف وتصريح رئيس اللجنه بيقول كده .. مع ان ده خطأ قانوني اخر بيبين ان النيه مبيته يعني .
بس يمكن تدخل وزير الشباب في الموضوع ده
يغير من الامر شيء مع اني مش متفائل يعني
علي اي حال في حال من الاحوال
الناديين العريقين الاتنين غلطانين .
1_ الزمالك غلطان انه وثق في واحد زي الشاطر اصلا من الاول .. وحاول يساعدوا بعقده مع اتحاد جده علشان يضمن مستقبله .
وكمان انه اصلا كتب ملحق عقد مع انه دلوقتي ملوش لازمه بس لو كان ليه لازمه كان عمل صدمه .
2_ الاهلي .. انا اسف جدا انه طلع منه حاجه زي دي .. يعني انه يعملها قضية انتقام من ان الزمالك اتعاقد مع ابراهيم سعيد يقوم هو متعاقد مع اسلام الشاطر .. حتي لو كان اسلام هو الي طلب .. بس برضه يعني صعبه انها تطلع من نادي يطلق عليه نادي القرن .. ابراهيم سعيد كان معروض للبيع وكانت خلافاته مع الاهلي الكل عارفها .. اشمعنا لما اتعاقد مع الزمالك بقي حيوان وعقوبه ما اتوقعت علي اي لاعب كرة قدم قبل كده .
هتقولي ابراهيم سعيد اتعاقد مع الزمالك وهو في الاهلي .. لان مفيش مكان ليه في الاهلي .. وكمان مرتضي منصور حب يعمل حركه انتخابيه مع واحد مش ممكن الاهلي يعني يفكر يعمل غاغه ليه .. علي فكره صالح سليم لو كان موجود كان قال في 60 داهيه .. متهيألي فاكرين حسام حسن .. صح؟؟؟
يبقي لازمته ايه ؟؟؟؟؟؟؟؟؟؟؟؟؟؟؟
اسلام الشاطر في عقد بينه وبين الزمالك .. وغير معروض للبيع .. ولعب قبل كده مع الزمالك .. وكان هيلعب لولا انه طلب يأمن مستقبله ... بس معلش ديل .... عمره ما يتعدل
المهم في الموضوع ده كله
انه الاهلاويه قبل الزمالكاويه عارفين ان القرار لو طلع للاهلي هيبيقي كوسه لان مش معقول المحكمه هتحكم بان عقده مع الاهلي باطل لان ملحقات العقود غير معمول بيها .. وبعدين تطلع معمول بيها .. صعب يعني هم مش جهلة قانون دول مستشارين قانونين وقضاه مش بقالين
يبقي الحق باين
ومين يعلم مش ممكن اسلام يبيع الاهلي علشان الفلوس تاني ؟؟؟؟؟؟؟؟؟ مين يعلم .
ابراهيم سعيد اصله بان اهه وبدأ يعمل مشاكل مع الزمالك ... يعني دول مش لاعيبه دول حراميه .
ياريت يعني ما نخسرش بعضنا يا ناس احنا مصريين في الاخر .. والمشكله ان جماهير الاهلي والزمالك كان التعصب بينهم كان بدأ يقل بالتدريج ..ز وبعدين طلع المشكلتين دول علشان يرجعوا التعصب من تاني .

Mr Mahmoud · 30-08-2004, 10:25 AM

مع انى مليش فى الكوره وبحب الزمالك بس شكرا اوى على المجهود ايشو