لما عاكست استفدت إيه؟!!!

**SweeT AngeL** · 14-12-2007, 01:50 PM

اقتباس:

والله يا رانيا بيكون اللبس محترم ومعقول ونوعاً ما واسع
وبتسمعى برضو تعليقات ومعاكسات ملهاش اى لزمه

انت هتقوليلى ما انا عارفه وشايفه وسامعه

اقتباس:

انا رأيي بصراحه انه فراغ

يعنى منقدرش نقول الشباب بتعاكس والكبار لأ
بالعكس والله انا بشوف بعيني رجاله كبار شعرهم شايب وبيعاكسوا برضو

انا شايفه انه ممكن ده يكون سبب الفراغ والبطاله (وهو يقول ادينى بسلى نفسى)

اقتباس:

اتمنى والله ان الحمله اللى بتقولى عليها دى تنجح ولو انى اشك

خليكى متفاءله شوبه وقولى يارب

علشان نقدر ندافع عن نفسنا

شكرا ليكى يا شوشو على مرورك وتعليقك

ارق تحياتى

**SweeT AngeL** · 14-12-2007, 02:57 PM

اقتباس:

المشكلة الأهم مش الدخل الكويس...بدليل معظم مرتادى الكباريهات والمواخير من أصحاب الدخل العالى..والعربيات المليئة بشباب وبنات يعربدون فى حضن المقطم مش أصحاب دخل محدود..

المشكلة الأهم مابقاش فيه حياء ولا دين عند ناس كتير...لو شاب يعرف ربنا كويس مش هيعاكس ولايزنى حتى لو فقير...

اخى الفاضل مفهوم خطأ ان اللى بيروحو الكباريهات والحتت دى مش كويسين ومش محترمين مع ان دخلهم كويس
فى زوجات بتروح مع ازواجهن لتقديه وقت والحديث ولتغير الروتين (وده مش حديثنا)

واللى عربياتهم مليانه شباب وبنات مع بعض دى مش المشكله لانهم بيعملوا كده بارادتهم (اذا كان شاباب او بنات)

احنا بنتكلم عن اللى مشايه فى الشارع وجه واحد عاكسها وهى غير راغبه فى كده

ممكن نقول مبقاش فى حياء ولكن حتت الدين دى مفتكرش

اقتباس:

شباب تافه ليس لديه أى شعور بالثقة فى النفس ولا إحساس بقيمة الذات...بيدور على قيمته فى ضحكة بنت كتفها عريان...!

كل الكلام ده صح بس مش بيدور فى ضحكه ينت كتفها عريان لان فى بنات محترمات وفى بنات محجبات محترمات بيحصلهم كده وبيتعاكسو طيب هو كده دور على قيمته فين؟

اقتباس:

الشئ الأهم...لو تركنا الناس ليتحملوا أوزارهم امام ربنا فى النهاية ....يبقى من حقى أشرب خمر فى الشارع...ومن حق البنت تمشى لابسة شورت وتضع فى شفتها السفلى حلقة ذهبية...والولد يضع روج على شفايفه.......

احنا ملناش دعوه بالناس وبلبسم كل واحد ادرى بمصلحته وكل واحد بيعمل اللى هو شايفه صح انا ولا انت ولا اى حد فى الدنيا يقدر يقول لى اعمل ايه ولا البس ايه الل الواحد شايفه صح من وجهه نظره يعمله وفى النهايه ربنا اللى بيحاسب مش احنا

يا اخى الفاضل احن موضوعنا المعاكسات ولادب وليه الموضوع ده موجود احنا بس اللى نقدر نتكلم فيه فى اى حاجه زادت عن حدها وكل يوم بيكتر الموضوع ده الواحده بتشيل الهم لما تيجى خارجه

اقتباس:

أتمنى أعرف إيه حدود الأدب عندك فى لبس البنت؟

بالنسبه لى حدود الادب فى اللبس انى اه البس اللى على الموضه بس يكون مناسب ليا ويكون محتشم ومناسب للبلد اللى انا عايشه فيها ويكون مناسب لتقاليدى وتقاليد وعادات البلد
لبسى زى لبس اى بنت محتشمه ومحترمه يعنى ميكنش مفتح ومبين كل حته فى جسمى

وعندى سؤال ليك يبقى اساله لوالدتك او اختك وانت عارف انهم اكيد محتشمين ومحترمين اسالهم بجد هل بتتعاكسو؟؟؟؟؟

شكرا ليك اخى على تعليقك ومرورك

ارق تحياتى

**SOSO** · 14-12-2007, 04:40 PM

الحقيقه الموضوع مش موضوع لبس
هو اه لما يكون البنت لابسه مش محترم بتبقي فرصه اكبر لمعاكستها بس برده و بنت لابسه محترم بتتعاكس
انا لابسه ايسدال ومفيش اي مكياج بيتحط وبرده بتعاكس ؟؟؟؟
يبقي ليه ؟؟ يبقي مش موضوع لبس بقي الاساس التربيه وحجات كتير بس اهم شئ التربيه

**Shoshou** · 14-12-2007, 05:53 PM

اقتباس:

المشاركة الأصلية كتبت بواسطة OMAR140 [عزيزي الزائر يتوجب عليك التسجيل لمشاهدة الرابط للتسجيل اضغط هنا ]

شباب تافه ليس لديه أى شعور بالثقة فى النفس ولا إحساس بقيمة الذات...بيدور على قيمته فى ضحكة بنت كتفها عريان...!

على فكره انا معترضه ع الجمله دى برضو
زى ما قولت ف ردى الاول.. المسأله مش مسأله لبس ولا عريان ولا ضيق ولا الحركات دى كلها..
ولو هنتكلم على مثال حى.. انا محجبه والحمد لله.. وبتعاكس برضو

ف بجد مش مسأله لبس خالص..
ومتابعه..

ارق تحياتى..

**Ni9ht** · 14-12-2007, 08:14 PM

الحكاية دى بتدى معنى واحد اننا مش مستوفين حاجاتنا كلها معنى كدا ننا ناقصنا حاجاات و بنحول نجدها على قد ما نقدر فى المعاكس فى العلاقات الغير شريعة كل دا حاجات بتدل على ان اللى عايش بشر و البشر محتاجين حاجات مش متوفرة و ال اية المؤتمر دا هو الحل هههههههههههههههههههههه

فعلا قدمنا كتير على ما نلقى نفسنا بلد متقدمة و كويسة لسة بدرى