لما عاكست استفدت إيه؟!!!

**SweeT AngeL** · #1 (**permalink**) 13-12-2007, 03:18 PM

ينظم المركز المصري لحقوق المرأة حملة لوقف التحرش الجنسي بالشارع المصري تحت عنوان لما عاكست استفدت إيه "مـــن أجـل شـــارع آمــن للـجـمـيــع"

وفي هذا الاطار يقيم المركز يوما توعويا الجمعة المقبل الموافق 14 ديسمبر من الثانية ظهراً وحتى السادسة مساءاً بحديقة الأزهر .

وكان مقررا عقد اليوم بمركز شباب الجزيرة بالزمالك لكن اعتراض الأمن اضطر منظمو الحملة إلى تغير مكانها.

ووجه المركز الدعوة إلى الجميع بالحضور ليتشاركوا لعمل تغيير حقيقي في الشارع المصري؛ عبر مواقف إيجابية.

وقال المركز - انه من المقرر أن يتضمن اليوم مناقشات وعروضا ودروسا حول الدفاع عن النفس، بالإضافة إلي سماع الموسيقى الحية طوال اليوم.

في الثمانيات والتسعانيات مكانش فيه اللى احنا شايفينه ده كان في نخوه وادب واحترام ومع ان فى الزمن دى كان لبسهم زى دلوقتى القصير والعريان وما شابه طيب ليه؟

المشكلة مش فى البنت ولا الشاب المشكلة فى المجتمع اللى احنا عايشين فيه قلة الاخلاق وقله العمل وقلة فرص الزواج كان زمان الواحد يتجوز وهو اقل من ال25 سنة لان المعيشة كانت سهلة على عكس ايامنا دى لو الشاب اشتغل وكون دخل كويس وقدر يتجوز مش هيحتاج انه يعاكس

بس برده ده مش سبب كافى انه يعاكس طيب بس بجد هيستفاد ايه غير قله الاحترام؟

ومحدش يقولى لبس البنات ومش عارفه ايه . كل واحد بتمتع بكل حقوقه فى الحرية الشباب احرار فى تصرفاتهم فى الشوارع لكن فى حدود الادب طبعا والبنات كذالك احرار فى تصرفاتهم فى الشوارع ولكن ايضا فى حدود الادب يعنى احنا بنقلد الغرب فى كل شئ ليه مش عاوزين نقلدهم فى الموضوع ده عند الغرب البنت بتلبس ملابس تكاد ان تكون عاريه ومع ذلك لن تجد نسبة التحرش الجنسى عاليه كما هى فى باقى الدول العربية ياريت زى مبنقلد الغرب فى كل شئ تقليد اعمى نقلدهم فى ان نعطى للمراة حريتها كامله فى ان تبدى رأيها فى كل شئ كما هى الان وايضا فى حريتها فى ارتداء الملابس التى هى تراها مناسبه او تكون هيا مقتنعه انها تريد ان ترتدى تلك الملابس وكل شخص هو الذى سيتحمل وزر نفسه امام ربنا فى النهاية

(البسوا اللى انتو عيزينه بس في حدود الادب)

ارق تحياتى

**العرب للجميع** · 13-12-2007, 08:16 PM

نرجع ونقول برضو الجهل وقلة التعليم هي المشكلة.
التربية ثم التعليم ثم التعليم ثم التعليم.

محدش بيستفاد من المعاكاسات غير البهدلة وقلة الادب واهانة النفس او التجاهل وده بالطبع اذا البنت محترمة ، لكن هو ده الوضع الغالب في شارعنا.

تسلمي يا سويت لموضوعك

**Shoshou** · 14-12-2007, 11:02 AM

المسأله مش مسأله لبس ولا ضيق ولا عريان
والله يا رانيا بيكون اللبس محترم ومعقول ونوعاً ما واسع
وبتسمعى برضو تعليقات ومعاكسات ملهاش اى لزمه

انا رأيي بصراحه انه فراغ
ومتقدريش تحصرى موضوع المعاكسات ده ف فئه معينه
يعنى منقدرش نقول الشباب بتعاكس والكبار لأ
بالعكس والله انا بشوف بعيني رجاله كبار شعرهم شايب وبيعاكسوا برضو

اتمنى والله ان الحمله اللى بتقولى عليها دى تنجح ولو انى اشك

ميرسي كتير لموضوعك يا رونى
ومنتظرين مزيدك ان شاء الله..

ارق تحياتى..

OMAR140 · 14-12-2007, 12:26 PM

اقتباس:

المشاركة الأصلية كتبت بواسطة SweeT AngeL [عزيزي الزائر يتوجب عليك التسجيل لمشاهدة الرابط للتسجيل اضغط هنا ]

[center]

في الثمانيات والتسعانيات مكانش فيه اللى احنا شايفينه ده كان في نخوه وادب واحترام ومع ان فى الزمن دى كان لبسهم زى دلوقتى القصير والعريان وما شابه طيب ليه؟

على عكس ايامنا دى لو الشاب اشتغل وكون دخل كويس وقدر يتجوز مش هيحتاج انه يعاكس

المشكلة الأهم مش الدخل الكويس...بدليل معظم مرتادى الكباريهات والمواخير من أصحاب الدخل العالى..والعربيات المليئة بشباب وبنات يعربدون فى حضن المقطم مش أصحاب دخل محدود..

ا

لمشكلة الأهم مابقاش فيه حياء ولا دين عند ناس كتير...لو شاب يعرف ربنا كويس مش هيعاكس ولايزنى حتى لو فقير...[/CENTER

]بس برده ده مش سبب كافى انه يعاكس طيب بس بجد هيستفاد ايه غير قله الاحترام؟

شباب تافه ليس لديه أى شعور بالثقة فى النفس ولا إحساس بقيمة الذات...بيدور على قيمته فى ضحكة بنت كتفها عريان...!

ومحدش يقولى لبس البنات ومش عارفه ايه . كل واحد بتمتع بكل حقوقه فى الحرية الشباب احرار فى تصرفاتهم فى الشوارع لكن فى حدود الادب طبعا والبنات كذالك احرار فى تصرفاتهم فى الشوارع ولكن ايضا فى حدود الادب يعنى احنا بنقلد الغرب فى كل شئ ليه مش عاوزين نقلدهم فى الموضوع ده عند الغرب البنت بتلبس ملابس تكاد ان تكون عاريه ومع ذلك لن تجد نسبة التحرش الجنسى عاليه كما هى فى باقى الدول العربية ياريت زى مبنقلد الغرب فى كل شئ تقليد اعمى نقلدهم فى ان نعطى للمراة حريتها كامله فى ان تبدى رأيها فى كل شئ كما هى الان وايضا فى حريتها فى ارتداء الملابس التى هى تراها مناسبه او تكون هيا مقتنعه انها تريد ان ترتدى تلك الملابس وكل شخص هو الذى سيتحمل وزر نفسه امام ربنا فى النهاية

المشكلة ياصديقتى انك ماقولتيش إيه حدود الأدب اللى تقصديها؟....
الشئ الأهم...لو تركنا الناس ليتحملوا أوزارهم امام ربنا فى النهاية ....يبقى من حقى أشرب خمر فى الشارع...ومن حق البنت تمشى لابسة شورت وتضع فى شفتها السفلى حلقة ذهبية...والولد يضع روج على شفايفه.......

(البسوا اللى انتو عيزينه بس في حدود الادب)

ارق تحياتى

أتمنى أعرف إيه حدود الأدب عندك فى لبس البنت؟

تحياتى لك

**SweeT AngeL** · 14-12-2007, 01:42 PM

شكرا يا العرب للجميع على تعليقك

اقتباس:

نرجع ونقول برضو الجهل وقلة التعليم هي المشكلة.
التربية ثم التعليم ثم التعليم ثم التعليم.

محدش بيستفاد من المعاكاسات غير البهدلة وقلة الادب واهانة النفس او التجاهل وده بالطبع اذا البنت محترمة ، لكن هو ده الوضع الغالب في شارعنا.

انت لخصت وقلت الجهل وقله التعليم والتربيه هم المشكله ولكن الحقيقه غير كده فى ناس متعلمه كويس واهلهم ريوهم كويس وبرده بيعاكسو البنات بس برده ايه السبب؟ عايزين ايه؟

وفى برده ولاد بقى غير محترمين بالمره بيعاكسو البنت بالفاظ تخدش حياء البنت (وبرده البنت كانت محترمه)

وبرده مش هيستفادوا غير البهدلة وقلة الادب واهانة النفس او التجاهل وهو ده الوضع اللى فى الشارع عندنا

شكرا ليك مره تانيه على مرورك

ارق تحياتى