قضية الاختلاط بين الجنسين - ورأي الاسلام

طيب كلنا نعرف أننا في مجتمع شرقي ... سيبك بقي من حكاية الشرق دي شوية بالرغم أنها لها حدوده معانا

طيب كلنا متفقين أن الرسول الكريم سيدنا محمد صلي الله وعليه وسلم ... لم يترك صغيرة او كبيرة

إلا وبينها لكافة المسلمين مهما اختلف الزمن


لانه رسول من عند الله وليس ببشر عادي مثلنا


طبعاً كلنا متفقين

نشوف

بس نصلي الاول علي سيدنا محمد ..... 3 مرات

ما حكم الاختلاط بين النساء والرجال؟


يظهر هذا التساؤل في مجتمعنا ولم يظهر في غيره في المجتمعات لأن المرأة في ديننا لها حكم خاص بها فهي محجبة مما وضع حاجزا بين الرجال والنساء وقيوداً للتعامل بينهما فوضعنا خاص لا يقاس على الآخرين ولذلك فمن الاختلاط ماهو جائز بشروط، ومنه ماهو محرم.




يا شريف أنت هتقرفنا ولا ايه متقول علطول ونخلص

لا .. مينفعش

الموضوع خطير فعلاً لو متكلمتش براحة وبوضوح مش هنوصل للهدف المطلوب


براحة كده وتعاله معايا

نبحر في الموضوع أكتر

فالاختلاط الجائز له شروط


واحنا عندنا 8 شروط تعالوا نشوف الشروط


يلا وحدة واحدة وبعدين نتكلم

الشرط الأول

أن يخلو من تبرج المراة وكشف مالا يجوز لها كشفه لقوله تعالى ((يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ))


ده الشرط الاول .. هو الحجاب

ونلاحظ من خلال الايه

الامر بالحجاب عند الاختلاط

الشرط الثاني

أن يخلو من النظر إلى مالا يجوز النظر إليه والدليل على هذين الشرطين: قوله تعالى: (قُل لِّلْمُؤْمِنِينَ يَغُضُّوا مِنْ أَبْصَارِهِمْ) وقوله – عز وجل: (وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ ))




وهنا نفهم أن النقاب ليس بالضرورة ... ومش معني الست اللي مش منقبة عليها لعنة من الله يوم القيامة

لا طبعاً الكلام ده غير صحيح

لكن يجب أن تكون محجبة والدليل الاية الكريمة إِلَّا مَا ظَهَرَ مِنْهَا ... يعني الوجه واليد من المرافق فقط

كما تم تحديدها والله أعلم

أحياناً بنلاقي بعض البنات تتمايع معك في الحديث

انت عايز الكشكول ليه

طيب أنت هتقعد وتسبني أنا وقفا .. طيب ما تخلي عندك زوق .. طيب ما تخليني اقعد جنبك

بأسلوب تمايع

وأحياناً كثيرة نلاحظ تهريج باليد بين بنت وولد

ينهار ابيض

هي دي الامانه اللي ربنا أهئتمنك عليها

سواء كان الولد او البنت

فهو فرحااااان انه بيكلم بنت ... وهي فرحانة انها بتكلم مع ولد

عايزة تقول لزميلها ... شايفين ده .. ده معجب بي ... علشان انا حلوة وامورة

وهو ... شايفين البنات بتموت فيه

بس أني بنات ... للاسف النوع اللي مش محترم



بس خلي بالك يا شريف أنت دلوقتي بتقول كل البنات اللي بتقف مع الشباب وبيتكلموا معاهم مش محترمين


لالالالالالالالا


أنا مقولتش كده

أنا قولت علي نموذج موجود بكثرة في الجامعة

لكن في نفس الوقت في نموذج تاني موجود برضوا بكثرة بس مش عليه العين

منهم هنا في المنتدي ... ومنهم في الجامعة

ممكن يتكلموا مع شاب بس علشان غرض معين

طيب نكمل ونشوف

الشرط الثالث

أن لا تتكسر المرأة في الكلام وتخضع فيه والدليل: قوله تعالى ((فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا))


تعالوا بقي ننتقل الي الشرط الرابع ... بعد الفاصل

المشاركة الأصلية كتبت بواسطة LiMoO [عزيزي الزائر يتوجب عليك التسجيل لمشاهدة الرابط للتسجيل اضغط هنا ] صلى الله على آله وصحبه وسلم. صلى الله على آله وصحبه وسلم.. صلى الله على آله وصحبه وسلم... مبدئياً الموضوع مثبت يا شريف ، ولي عودة بالموضوع إن شاء الله.. بالمناسبة, ارسل لي بريد المسنجر الخاص بيك في رسالة خاصة بخصوص اشرافكم. دمتم مبدعين وأرق تحية. اسلام

أنت صاحب موضوع يا أسلام .. علي العموم أن شاء الله ارسل الايميل علي رسالة خاصة

وكل سنة وأنت طيب

في نقطة برضوا مهمه جداً البعض بيقول ... ما أختلي رجل وأمرأة إلا وكان الشيطان ثالثهما

طيب جميل فين يا حلوين

ايه ده أنا اعترض علي كلمة حلوين دي

خلاص خلاص

أعتراض مقبول ... بس نرجع برضوا فين

البعض بيقول في اي مكان

انا هقول ؟؟؟؟... تعالوا نشوف الشرط الرابع بيقول ايه وبعدين نتكلم


الشرط الرابع

أن لا يكون مع خلوة فان كان مع خلوة بأن كان رجل وامرأة في مكان لا يراهما فيه أحد حرم الاختلاط لقوله صلى الله عليه وسلم: (( لا يخلون رجل بأمرأة إلا ومعها ذو محرم )) وقوله: (( لا يخلون أحدكم بامرأة فان الشيطان ثالثهما )).


نأتي للحديث

(( لا يخلون رجل بأمرأة إلا ومعها ذو محرم ))

قبل أن نتكلم عن الحديث ... ما معني كلمة خلوة ؟

معناها الانفراد بأمرأة بعيد عن أعين الناس .... مش هي دي معني الخلوة ... طيب لو كان في وسط مجموعة

أذاً الخلوة هنا خلاص بطالة ... لانها مش موجودة

ده أنت في وسط 500 واحد وواحدة

طيب معني الحديث

(( لا يخلون رجل بأمرأة إلا ومعها ذو محرم ))

افتكر أن معني الحديث الان اصبح واضح

والله أعلم


طيب نشوف الشرط الخامس بعد الفاصل