جربتي تعكسي ولد موقف لو انتو مكاني هتعملوا اية

Ahmed Mido · #1 (**permalink**) 04-12-2007, 11:25 PM

مشاركة #1

المهم حصل حاجه غريبه اوى وانا ماشى فى الشارع
هيا بينى وبينكو حصلت كتير بس مجتش الفكره انى اكلمكو فى الموضوع دا .
بس النهارده وانا ماشى لوحدى فى الشارع لقيت صوت بيعمل بسسسسسسسسسسسسسسسسس
المهم بصيت ورايا اشوف يمكن واحد صاحبى ولا حاجه
المهم جيت ابص وياريتنى ما بصيت
لقيت خمس بنات جامدين وشكلهم زى مايكونو شاربين حاجه
والبت تقول ايه ياعسل والتانيه ترد عليها وتقولها العسل عند البقال وشويه كلام كدا
والناس ماشين يتفرجو ويضحكو وانا فى نص هدومى .
وبينى وبينكو انا كنت قلقان اوى قولت شكلهم بيرسمو على جواز ولا ايه .
المهم عدت على خير ما اصل انا عديت على سنترال واحد صا حبى ودخلت اعدت معاه لغايه مهما مشيو.

المهم قولت نشوف الموضوع دا بيحصل كتير معاكو ولا ايه .
وليه البنات بقت بتعمل كدا انا عاوز تفسير
ايه السبب ان بنت تعاكس ولد .
وهل من الممكن ان فى ولد يجذب بنت لدرجه انها تعاكسه .

انا عاوز الصراحه فى الموضوع دا ومن غير كسووووووووف .

**رئيس التحرير** · 06-12-2007, 12:56 PM

السبب بسيط ... لانهم مش متربيين

**العرب للجميع** · 06-12-2007, 01:07 PM

هههههههههههههههههههههه
لا بجد ؟

أقولك حاجة يا احمد ...

للأسف الموضوع ده بقا من علامات يوم القيامة ، البنات اصبحت اكتر من الولاد خلاص ، وعلى رأي المثل البلدي "الرجالة ماتت في الحرب

"

عموماً هيا التربية زي ما قالك رئيس التحرير "ابقا قولنا على اسمك يا رئيس التحرير

" ناقصة والأخلاق بقت في الأرض.\
ولسه ياما هتشوف في الجيل الجديد اللي لسه طالع هيعمل ايه ، بس ايه الولاد هيبقوا عملة نادرة كمان كام سنة لو عشنا

تسلم يا احمد على موضوعك

**رئيس التحرير** · 06-12-2007, 01:44 PM

ولا والله ... في ناس كتييير محترمة جداً ... بس أحنا دائماً ننظر الي الجزء الفارغ من الكوب ... بالمناسبة أسمي شريف

**العرب للجميع** · 06-12-2007, 01:50 PM

طيب يا احمد الموضوع مش مسألة نظرة للجزء الفارغ من الكوب ، بس الموضوع فعلاً ان الجزء الظاهر من البنات بقا " قليل الأدب ".

بص حواليك في الشوارع .. في الجامعات .. في النوادي .. في المولات .. في الأماكن العامة وهتلاحظ كلامي ، انا مقولتش ان مفيش بنات محترمة ، بس للأسف البنات دلوقتي تجاوزت كل الخطوط الحمرا

تسلم لمرورك ومتابعتك