احلى قصة حب

TITO2010 · #1 (**permalink**) 25-11-2007, 01:36 PM

عارفين ايه هى أحلى قصة حب ؟
مش قصة قيس وليلى ولا روميو و جولييت ولا عنتر و عبلة ولا علاء و منال
عارفين أحلى قصة حب هى قصة مين ؟
أحلى قصة حب هى قصة آدم وحواء ..... قصة الإنسان اللى شاف الجنة بعينه و عاش فيها و شرب من ميتها و شاف سماها و جوها وأكل من فاكهتها و مع ذلك مكانش مبسوط
مكانش مبسوط عشان كان وحيد مفيش حد يخاف عليه و يفكر فيه و يبقى عارف أنه برضه بيخاف عليه و بيحبه

و برضه يتخانق معاه

و يزعل منه و بعدين يصالحه

مظنش كان حيبقى مبسوط لو الحد ده كان راجل تانى زيه

.... متفهمونيش غلط بس قصدى أن لو أن كان معاه واحد صاحبه ... هل كانوا حيبقوا سعدا ؟ و هما بيتناقشوا فى الموقف السياسى لحزب المعارضة الشيطانى

؟؟؟ ولا نتيجة ماتشات الجن و الملايكة و دورى وأخبار تدريبات فريق الشياطين الحمر ؟ و لا و هما بيتكلموا عن جمال الجنة وحلاوتها و الفن اللى فيها ؟؟ ولا و هما قاعدين بيلعبوا طاولة فى القصر بتاعهم ؟؟؟ ... و طبعا طاولة دهب و ألماظ مش أى حاجة

أظن ان آدم بالرغم من كل الجمال و السرور و الهدوء اللى كان فيه كان ناقصه حاجة ..... يمكن هو نفسه مكنش عارف هى ايه ؟؟؟؟؟؟

مكنش ناقصه الأكل ولا الشرب ولا الراحة ......... و متقوليش الجنس لأنه مكانش لسة عرفه ...... هو كان ناقصه الحب ...... المشاركة ..... الألفة
ربنا بس هو اللى ملوش شريك عشان هو بس اللى كامل
كل كائن حى مينفعش يعيش لوحده لازم يبقى معاه حد زيه بس مختلف عنه ..... زيه عشان يحبه و مختلف عنه عشان يكملوا بعض
ده حتى مش بس الكائنات الحية ..... عمرك شفت مغناطيس بقطب واحد أو سلك كهربا موجب من غير سالب ؟؟؟؟؟؟؟ ( طبعا أنا مهندس كهربا فالمثل بيرعش ف ايدى و انا بقوله )
نرجع لقصتنا .... آدم و حوا
الجهلة

... المتعصبين

... الموجودين ف كل الأديان و المجتمعات بيقولوا ان حوا هى اللى خرجت آدم من الجنة ..... مع ان آدم نفسه مكانش حاسس بالجنة دى أصلا من غير حوا
و بعيدا عن المناقشة التاريخية بين اللى يقول ان حوا هى السبب ان آدم خرج من الجنة أو لأ ..... هو مش آدم وافق انه ياكل من الشجرة اللى ربنا قاله انها حرام ( فيه ناس بيقولوا دلوقت ان الشجرة دى هى شجرة المعرفة ) ؟؟
بعدين اللى بيقول ان حوا هى السبب ان آدم خرج من الجنة قصده يعنى ان عدالة ربنا ناقصة ؟؟؟ ... يعنى ربنا عاقب آدم بذنب غيره ؟؟؟؟؟؟
المهم ....... مش حقعد أقول الحب أجمل حاجة و الكلام ده كله ..... لأن اللى محسش بكدة لوحده مش ممكن يحس من كلامى ........ لأن دى نعمة ميحسش بيها غير اللى جاتله عكس مثلا الصحة ميحسش بيها غير اللى راحت منه

ما علينا ... ما علينا
حروح الكورس .......... سلام

**amato_allah** · 25-11-2007, 02:00 PM

اقتباس:

المهم ....... مش حقعد أقول الحب أجمل حاجة و الكلام ده كله ..... لأن اللى محسش بكدة لوحده مش ممكن يحس من كلامى ........ لأن دى نعمة ميحسش بيها غير اللى جاتله عكس مثلا الصحة ميحسش بيها غير اللى راحت منه

tab3an ya tito law makanch hob makanitch ilhayat hatistamir
wi ahla matal ana bakhod mino il3ibra hob irasoul salah 3alih wi salim
likhadija radiya lah 3anha
kan hob kawi awi awi
wana ba3tibir ilhob asas ilhayat
3achan rabina jabna lidonya 3achan nidawar 3ala inisf itani lina
wikolo maktoub 3and rabina
bas an a3tabir ilhob isadik ilkawi howa ili biykoun bin itnin kamilo dinhom witgawizo
bikida rabina biybarik ilhob da
wi mahadich yiedar yifarakhom bibarakit rabina
tislam awi ya tito wi mawadi3ak hilwa wi jamda awi
yarit tikbal morouri

**Shoshou** · 25-11-2007, 05:01 PM

موضوعك جميل يا تيتو
واكيد اكيد الحب اجمل احساس ممكن الواحد يحس بيه.. ومش هيتحس من كلام..
ميرسي كتير يا تيتو لموضوعك
ومنتظرين مزيدك ان شاء الله..

ارق تحياتى..