انت غير مسجل في منتديات العرب للجميع. للتسجيل..اضغط هـنـا  |
| |||||||
| التسجيل | التعليمـــات | ضوابط وقوانين | الكلمات الدلالية (Tags) | البحث | مشاركات اليوم | اجعل كافة الأقسام مقروءة |
| المنتدى العام هنا تطرح المواضيع ذات الصلة العامة التي لا تخص أي تنصيف من التنصيفات الموجودة أدناه. |
 |
| | LinkBack | أدوات الموضوع | تقييم الموضوع | طرق مشاهدة الموضوع |
11-11-2007, 08:47 PM
| ||||
| ||||
| ¤¤¦‡¦ فاعل ولا مفعول به ؟ ¦‡¦¤¤  فاكرين يا جماعة دروس العربي؟؟ الفاعل مرفوع بالضمة والمفعول به منصوب بالفتحة.. فاكرين الكلام ده؟ أيام ما كنت في المدرسة لفت نظري حاجة ظريفة اوي.. هي العلاقة بين الفاعل والمفعول به  ملاحظين إن دايما الفاعل هو اللي بيكون متفوق على المفعول به ؟؟ الفاعل دايما بيكون مسيطر والمفعول به غلبان وبيقع عليه الفعل وبس.. يا حرام  لاحظ كده مثلا الجمل دي : أكل "أحمد" التفاحة أحمد هو اللي ماسك التفاحة الغلبانة وبياكلها مين المسيطر هنا؟؟ كمان مثال : ذاكر "أحمد" الدرس طبعا المسيطر هنا هو أحمد.. هو اللي ماسك الدرس وقاعد يقراه.. مين فيهم متفوق على التاني؟ إنتى عايز تقولى إيه بالضبط؟؟ هي حصة عربي يا آنسه إنتى ؟؟؟  لا مش حصة عربي.. دي مقدمة بس للكلام اللي عايزه أقوله ليكم النهارده يا ترى إنت فاعل ولا مفعول به ؟؟ ******* هل أنت فاعل ؟ عشان تكون ناجح في حياتك لازم تكون (فاعل) وليس (مفعولا به).. كده بكل بساطة فيه ناس بتعتبر نفسها دايما: مفعول به.. طول الوقت.. وناس تانية بتعتبر نفسها: فاعل.. مهما حصل والنوع التاني ده هم اللي بيكونوا ناجحين في حياتهم.. عايزين توضيح أكتر؟  ******* الشخص المفعول به هو الشخص الذي لا يذهب لعمله لأن الدنيا بتمطر هو الشخص الذي يظن أنه دائما ضحية الظروف.. وأن من حوله وما حوله هم سبب شقائه وبؤسه أمثلة من مقولاته : أنا لو كنت في بلد تانية كان زماني نجحت المدير بتاعي هو سبب تعبي أنا رسبت في الامتحان عشان المدرس ما بيعرفش يشرح وغالبا الشخص ده بيكون فاشل.. لأنه مجرد مفعول به ******* الشخص الفاعل هو الشخص الذي يحضر مظلة ليذهب لعمله لو الدنيا مطرتهو الشخص الذي لا تتحكم فيه الظروف، بل هو الذي يتحكم بها.. وأن أي عقبة في طريقه هي مجرد تحدٍ آخر له يجب أن يواجهه ليصل لهدفه أمثلة من مقولاته : أنا هانجح رغم كل الظروف سأصلح علاقتي بالمدير الجديد أو أجد وظيفة أفضل المدرس لا يشرح جيدا.. هذا يعني أن أهتم بالمذاكرة أكثر لأفهم الدرس ودايما الشخص الفاعل ده بيكون ناجح في حياته وبيصل لكل اللي هو عايزه ******* يجب أن تؤمن دائما أن حياتك من صنعك أنت وليست من صنع الظروف التي حولك.. وأن العقبات وجدت في طريقك كي تواجهها وتتخطاها لا لتستسلم عشان كده لازم تؤمن تماما أن حياتك دي إنت المسيطر عليها تماما.. وإن إنت سبب نجاحك أو فشلك فكر في الموضوع من الزاوية دي: كل اللي بيحصل لك بسببك إنت, مش بسبب أي حاجة أو حد تاني إنت اللي بتصنع حياتك مش الظروف كفاية كلام عن الظروف والبلد والأقدار.. إنت اللي بتصنع حياتك وإنت اللي لازم تواجه مشاكلك وتحلها.. لأن ماحدش هيحلها ليك غيرك إنت لأنها –ببساطة– حياتك إنت مش حياة حد تاني علشان كده في أي موقف أو مشكلة تواجهك في حياتك اسأل نفسك السؤال ده : أنا فاعل ولاّ مفعول به ؟؟ ******* ارق تحياتى..  |
| إرتباطات دعائية |
  |
|
11-11-2007, 09:24 PM
| #2 (permalink) |
| قلم نشيط جداً     |  رد: ¤¤¦‡¦ فاعل ولا مفعول به ؟ ¦‡¦¤¤ الله عبيكى ياشوشو...بجد الموضوع فى وقته... وباختصار انتى كده عملتى تعريفين ....(الاول) للانسان الفاشل اللى بيرجع كل اسباب فشله وتخبطه على الظروف وعلى الغير... و(التانى)..للانسان الناجح...اللى يقدر بمجهوده يتحدى الظروف واللى يقدر بعقله اللى ربنا مديهوله انه يطوع الظروف دى ويتماشى معاها.... وبكده السوال ممكن يتغير...بدل انت فاعل ولا مفعول به؟.....ممكن يكون...(انت انسان ناجح ولا فاشل؟)... ميرسى ياشوشو على الموضوع الجامد والمهم ودى حاجه متعودين عليها منك من زماااان...والى الامااااام |
| |
|
13-12-2007, 01:45 PM
| #10 (permalink) |
| مشرفة منتدى عالم حواء    | رد: ¤¤¦‡¦ فاعل ولا مفعول به ؟ ¦‡¦¤¤ موضوع اكثر من رائع احييكي علي يا شوشو بجد بس الحقيقه الواحد سعات يكون فاعل وسعات يكون مفعول به بجد فعلا فيه ناس كتيره كده انا فعلا كده ممكن انجح في شئ وافشل في شئ تانى بس حقيقي سؤا صعب وعايز الانسان يكون صريح مع نفسه الاول قبل ما يجاوب |
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | تقييم هذا الموضوع |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ¤¤¦‡¦ جارة القمر فيروز... ¦‡¦¤¤ | Shoshou | اخبار الفن والفنانين | 3 | 07-07-2008 10:04 PM |
| ¤¤¦‡¦ الجزء الثالث : كـن نجــما في ســماء الزكـــــــاة ¦‡¦¤¤ | محبة الرحمن | الساحة الاسلامية | 10 | 08-05-2005 11:44 PM |
| ¤¤¦‡¦ الجزء الثانى : كـن نجــما في ســماء الصــــلاة ¦‡¦¤¤ | محبة الرحمن | الساحة الاسلامية | 22 | 03-05-2005 01:44 AM |
| ¤¤¦‡¦ الجزء الاول : كـن نجــما في ســماء الطــهارة ¦‡¦¤¤ | محبة الرحمن | الساحة الاسلامية | 13 | 03-05-2005 01:34 AM |
| ¤¤¦‡¦ مفــاجـــــــأة الســــــاحة الإســــــلاميـــة ¦‡¦¤¤ | محبة الرحمن | الساحة الاسلامية | 22 | 02-05-2005 08:26 AM |
العرض العادي
