¤¤¦‡¦ يهمك ماضى زوجتك/ زوجك ؟ ¦‡¦¤¤

التوقيع

 

Rashad

والله ان من رايى ان ماضى الراجل مش مهم اد ماضى المراة لان لو الزجة كان ماضيها اليم اكيد فيما بعد حتحن لماضيها تانى
وعلى راى المثل الطبع غلاااب وبعدين دى لو خلفت بنت ازاى حتربيهيا اكيد حتسيبها تعمل اليى هيا عملتوا وهيه صغيرة وبعديين
تفول مهيى حتتجوز كدا كدا زى ما امها اتجوزت
مع احترامى لكل بنات المنتدى
rashad

babys_cuteness2

فعلاً كلامك جميل اوي شوشو
تعالى بقى نحلل الموضوع وحده وحده
راجل وعنده ماضي ؟
بنت وعندها ماضي ؟
يعني ايه كلمة ماضي !!! يعني حاجه خلاص راحت مينفعش تفكر فيها
مش من حق اي حد انه يعرف ماضيك الا برضاك
الاهم في الموضوع يا شوشو
اللي بيحب مستحيل يفكر انه يرجع لماضي يا رشاد او يفكر فيه او يحن زي ما بتقول ؟
الماضي يا شوشو له حرمته واي واحد بيتعرف على بنت ميسألهاش على ماضيها علشان يعاقبها بيه او بمعنى الاصح يستخدمه اثناء ضعفه بالعكس يعرفه علشان يحوله الى حب واخلاص ونوع تاني اسمه حياة جديده هي تحبها
اوكي يا شوشو ارمي الماضي ورا طهري بس يكون اتعلمت منه
سواء كان للبنت او الولد
وبعدين انا لما اروح ارتبط ببنت واتقدملها اكيد هكون عارف كل حاجه عنها او بمعني الاصح ( اصلها )
وزي ما انا دورت عليها وعرفت عنها كل حاجه اكيد هي كمان هتعرف عني كل حاجه
ورشاد بيقول ما هي هتتجوز كدا زي ما امها اتجوزت .؟؟؟؟
يعني ايه كلمه زي دي .... بجد كلمه صعبه جدا رشاد وياريت تراجع نفسك فيها !!!
وان الرجل مش مهم ماضيه ....
ليه ديماً نقول الراجل يعمل والبنت متعملش ؟؟؟؟؟؟؟
ونشوف ناس كتير تقول البنت دي اتخطبت اكتر من مره تبقى بنت مش كويسه
لكن الولد عادي .... ليه عادي !!!!!
وليه ماضي المرآه اليم وماضي الراجل عادي ؟؟؟؟؟
بصراحه انا شايف ان الاتنين واحد



ومن وجهة نظري .......
ان الماضي مهواش مهم قد ما المستقبل واللي جي اهم
ان مش من حق اي واحد يعرف ماضي اللي بيحبها بطريقه تجرح البنت او الولد
ولتاني مره بقولها مش من حق اي حد يعرف الماااااااااااااااااااااااااااااااااااااضي
واسف للإطاله شوشو
تقبلي مروري

Rashad

معلش انا مختلف معاك مع احترامى ليك الكلام اليى انتا بتئوله دا كلام افلام ابيض واسود الواقع حاجة تانية انت عن نفسك تقبل تتجوز واحدة ليها ماضى
نتظر الاجابة
rashad

MaestrO

والله يا شوشو
انا شايف ان ماضي الرجل مش هيكون زي الفتاه
يعني لما الراجل يكون عنده ماضي مش هتفرق كتير زي البنت
بس لو البنت ليها ماضي .. هيكون ليا حسابات كتيرر جداً
يعني نوع الماضي ده هيكون ايه .. هل ماضي عادي ولا ماضي مش هينفع اني انساه ؟
لو ماضي عادي ممكن اوافق بس لو ماضي مينفعش اني انساه فصعب اني افكر في الموضوع ده
شكرا يا شوشو علي الموضوع
و موضوع فعلا جميل جداً
تقبلي تحياتي

babys_cuteness2

طبعا تعليق مقبول ...

انت مختلف في كلامك معايا اوكي ... آراء وكل واحد بيقول رأيه .
كلام ابيض واسود بالعكس الابيض والاسود دا اللي انت بتعيشه في حياتك وبتشوفه فالافلام صح ولا انا غلطان علشان كدا بتقول ابيض واسود

انت تقبل تتجوز واحده ليها ماضي ....؟
لو انت ملكش ماضي روح وهتلاقي بنت ملهاش ماضي وهتتجوزك
مش علشان هما بنات ندوس عليهم ونقلل من كرامتهم
انا عندي كرامة البنت زي الولد قولتلك دا رأي الشخصي وكل واحد لتاني مره بيقول رأيه

وتعالى اقولك نقطه صغيره اوي خليك مكان البنت اللي ليها ماضي؟
هتعمل ايه هتتجوز ولا هتقول لا حرام اظلم الشخص اللي هيتجوزني
ولو جه واحد وحبك واحترمك وقدر ماضيك زي ما انت بتقول او مسألش عن الماضي انت هترد تقول ايه ؟
ملاحظه : لازم تنظر للموضوع من جميع الاتجاهات ..... وبلاش العنصريه في الرأي والنظر في اتجاه واحد

Rashad

بص انا حئولك حاجة مفيش راجل يئبل على نفسه انه يرتبط ببنت ليها ماضى ماشى بس ماضى عن ماضى يفرق مثلا لو هيا كانت مرتبطة بواحد قبلى وانفصلت عنه بس علاقتهم كانت علاقة محترمة كدا يبقئا مفيش مانع انما لو كانت علاقتهم مش محترمة بيتهيئلى اننا بقئا كدا على حق ولا ايه
وشكرا على اهتمامك
rashad

babys_cuteness2

طبعاً كلامك منطقي
في نقطه توضحيه عايز اوصلهالك
ان النقاش في الموضوع
مبني على نقط معينه
هل انت من حقك تعرف ماضي الانسانه الا بتحبها ؟؟؟؟؟
.... احنا مدخلناش في الموضوع اللي انت بتتكلم فيه ان بنت محترمه ولا مش محترمه
اكيد اي واحد مرتبط ببنت بيبقي عارف انها محترمه ولا مش محترمه والا اساسا مبيقاش يعرف يعني ايه ارتباط ؟
ولتاني مره بكرر نفس السؤال انت من حقك تعرف ماضي الا بتحبها !!!!!!!!
والسؤال مفتوح النقاش فيه من جميع الاعضاء طبعاً مع احترامي الشديد لصاحبة الموضوع شوشو
واسف لدخول السؤال داخل موضوعك شوشو بس لازم السؤال يوضح للجميع

Rashad

طبعا من حقى اعرف وبعدين انتا متخيل لو هيا ماضيها اليم هيا حتئولك يعنى ايه ياعم مالك احنا بئدمين مش ماليكا خاليك واقعى وبلاش احلام اليفظة دى وخلينا صرحا بلاش الكلام المزؤ اليى محدش بيقتنع بييه دا
rashad

LiMoO

هو موضوع حساس اوي

بس لو هنتكلم في حكاية الماضي دي فماضي الولد غير ماضي البنت أكيد.

مش بيفرق ماضي الولد أد ما بيفرق ماضي البنت لما الواحد بييجي يفكر في الموضوع ده. وعلى أي حال إحنا في مجتمع شرقي ، فيه كتير من الجهل والعادات والتقاليد المتخلفة.