¤¤¦‡¦ يهمك ماضى زوجتك/ زوجك ؟ ¦‡¦¤¤

**babys_cuteness2** · 08-11-2007, 08:06 AM

الله ينور عليك اسلام
احنا في مجتمع شرقي فيه كتير من الجهل والعادات والتقاليد المتخلفة
تمام سمسم

**Rashad** · 08-11-2007, 11:00 PM

جماعة احب ائولكم حاجة انتم مش واخدين بالكم منها او.... عاملين مش واخدين بالكم
احنا بلاد مسلمة لينا خطوط حمرا مينفعش نخطيها الكلام دا بره انتا بره ممكن مش تتجوز واحد ليها ماضى انتا ممكن تتجوز واحدة
ليها تاريخ حاياة اسود انما هنا لا
وبعدين خلاصة الكلام اليى يئبل على نفسه كده يتجوز ان شاالله يتجوز فيفى عبده (انتا حر ما لم تضر )
شكرا
rashad

**amato_allah** · 10-11-2007, 11:36 AM

بصراحة ماضي زوجي لو كان حياتر على علاقتنا مستقبلا اكيد يهمني ولازم اعرفو عشان نشوف حل

محمد احمد · 11-11-2007, 03:30 PM

[الموضوع حساس ولكن لو نتكلم عن ماضي زوجة في مجتمعنا الشرقي فهو لن يتعدى ماضي بريء يمكن ان تتعرض له اي فتاة قبل الزواج ومعرفته قد تفيد في التقارب بين الزوجين والمصارحة وانه لا يوجد منطقة مظلمة لا يعرفها احدهما عن الاخر مما يؤدي الى زيادة الثقة والحب اما في حالة تجاوز هذا الماضي للخطوط الحمراء فمعرفة الماضي في هذه الحالة بالتأكيد سيؤدي الى نهاية العلاقة بصورة فورية

**SweeT AngeL** · 12-11-2007, 07:20 PM

انا رائى مع حمدى فى كل اللى قاله

ليه تقبل على نفسك وتقول ماضى البنت متتقبلهوش وفى نفس الوقت انت شايف نفسك برئ ولازم البنت تقبل ماضيك
و الولد معروف ان متاح له اى حاجه يعملها غلط ويعمل بلاوى زرقه ونقول ماهو ولد وشاب لسه طايش والبنت عندها خطوط حمراء طبعا مش بتتعداها وده معروف واول ما تعرف انها عرفت وحبت حد قبلك تبقى الدنيا اتهدت وازاى دى ليها ماضى

لو سالت اى بنت واى ولد هل كان ليك ماضى لو قال ولا قالت لا يبقوا كدابين

كل واحد اه لازم يعرف ماضى الاخر علشان وهما مع بعض لو جه اى حد يعمل نفسه يوقع بين الاتنين فى ماضى اى حد فيهم مش تكون مفاجأه وتحصل مشاكل مش علشان الماضى لا علشان انه كدب ومقالش وخان الثقه

الواحد لا يحاسب على الماضى ولكنه يحاسب من اللحظه اللى عرفوا بعض فيها

والموضوع فى ان كل واحد يقول الماضى بتاعه للتانى دى من اول لحظه للصراحه وللثقه وللحب وهيكون فى احترام متبتدل

اقتباس:

احنا بلاد مسلمة لينا خطوط حمرا مينفعش نخطيها الكلام دا بره انتا بره ممكن مش تتجوز واحد ليها ماضى انتا ممكن تتجوز واحدة
ليها تاريخ حاياة اسود انما هنا لا

يا رشاد احنا بنتكلم على شخص الواحد واللى هو مقتنع بيه وملناش اى صله بكلام بره
شخصيه وافكار الواحد عمرها ما تتغير حتى لو عايش فى المريخ انت ليه كل حاجه بتدخل بلاد بره
ولو الواحده مش كويسه من الاساس انت مش هتعرفها ولا هتحبها من الاول

وزى ما قال اسلام فى جمله واحده

اقتباس:

احنا في مجتمع شرقي فيه كتير من الجهل والعادات والتقاليد المتخلفة

انا بحييك يا اسلام على الجمله دى

لازم نعترف بده لاننا عرفينه ومغمضين عنينا واحنا جيل جديد يرفض الجهل لاننا ينعرف الصح من الغلط

تقبلوا مرورى

ارق تحياتى