- طموح، اتجاه واسلــــوب

**LiMoO** · #1 (**permalink**) 10-09-2007, 01:13 AM

السلام عليكم ورحمة الله وبركاته

ازيكوا يا جماعة ؟ ان شاء الله تكونوا بخير ، وكل سنة وانتوا الى الله اقرب بمناسبة شهر رمضان المبارك..

في الحقيقة انا فكرت اني اكتب الموضوع ده ممكن يكون فضفضة ، او ممكن يكون رأي شخصي عايز اطلعه ... اياً كان المسمى حبيت اني اتكلم معاكوا بخصوص فكرة "المنتدى".

كلنا يا جماعة بندخل المنتدى وبنتعايش جوه ، بنكتب مواضيع وبنرد على مواضيع ، نراسل اعضاء ونتعرف على ناس ، بنكسب خبرات وبنطلع على آراء ، وبنعرض مواضيع وبنشوف رأي الاعضاء فيها ايه.

الفكرة يا جماعة...

اننا بندخل المنتدى هدفنا منه اننا نكون مجتمع خاص بينا ، نتناقش فيه وننخرط جواه بمعنى اننا فعلاً بنوصل لنكون اسرة واحدة ان جاز التعبير.

على سبيل المثال بالنسبة للمنتدى العام بنطرح فيه مواضيع عامة مش بتنضم تحت اي تصنيف من التصنيفات الموجودة فبيكون اغلب المواضيع فيه نقاشات او كلام عام.

او منتدى البرامج بنحط فيه برامج ونعرف اخبار البرامج الجديدة واماكن تحميلها ، ولو في اي استفسار عنها بنكتب فيه اللي احنا عايزينه.

فلان لما بيحط موضوع او رد بيكون حاطه ممكن يكون ما بين عدة اسباب أذكر منها:

- يطلع على رأي الناس بالمنتدى ويشوف ردهم ورأيهم عليه بكل منطقية.

- إما انه بس علشان يحط موضوع او رد لمجرد انه بيبين نفسه.
- بيحاول يزود عدد مواضيعه او مشاركاته.
- بدون اي سبب يذكر يعني اي كلام في اي كلام.

وآخر 3 اسباب متقاربين الى حد كبير...
وطبعاً الكلام ده مش صح ابداً ، انا اللي خلاني اكتب الكلام ده اني فعلاً مقتنع بفكرة وجود منتدى وكلمة منتدى يعني ساحة حوار وقضايا واخبار جديدة في كل المجالات.

مجتمع مفتـــــوح بيكون كل شئ فيه مباح في حدود الأدب العام وعدم إثارة مشاكل بين الانفس او اي جهة ... وربنا يبعدنا عن المشاكل.

لما جيت افكر اني ادخل منتدى ؟ او اني اسجل في منتدى ؟ دخلت علشان افيد واستفيد ، علشان افرض نفسي بالاحترام والادب والمنطق ، وفطرتي كإنسان ، وحقي الاصيل في التعبير عن نفسي ورأيي.

واكيد طبعاً احترامنا للناس بيكون زي احترامنا لنفسنا، واحنا منقلبش اننا منكونش محترمين في حق نفسنا لاننا متربيين وعارفين الاصول.

الكلام ده كله ليه بقوله ؟

لاني عايز اشوف منتدى قايم على الاحترام ، وعدم المجاملة ، يكون التعامل فيه بصدق ومبني على الحب المتبادل...

المجال مفتوح في كل اقسام المنتدى لاي عضو او زائر عايز يعرف / يضيف معلومة يفيد نفسه ويفيد اللي حواليه ، ولو انت بتدور على حاجة قولنا عليها اكيد هتلاقي ناس تفهمك وعندها طلبك.. ولو انت انسان مثقف ادخل واقرى واكتب ورد وشوف رأي الناس وفضفض عن نفسك...

لاننا بني آدمين اجتماعيين بطبيعتنا ، مينفعش نعيش لوحدنا ومينفعش نكون جاحدين ، ومنقلبش ابداً اننا نكون مهمشين لاننا فينا عقل وبنفكر !

اتمنى من كل قلبي انكوا تكونوا وصلتوا للي انا حاسس بيه وعايز اعبر لكم عنه.

اخوكم اسلام

في منتدى العرب للجميع

**Shoshou** · 10-09-2007, 11:53 PM

كلام ف الصميييييم والله يا سمسم..
وللاسف زى ما قولت فيه ناس داخله المنتديات وهى مش فاهمه ايه الهدف منه اصلا.. ودول نوعيه موجوده ف كل المنتديات
بس اتمنى اتمنى اوى اننا نتجه ف اسلوبنا للحوار والنقاش "ف حدود الادب طبعا زى ما قولت" لأن ده من اهم الاسباب اللى بتخلى اى منتدى ينجح ويستمر..
بجد يا اسلام موضوعك عجبنى اوى.. وكلامك مظبوط 100% ويارب كلنا نقدر نطبقه وانا اولكوا عشان نقدر نوصل بالمنتدى للمستوى المطلوب..
ومنتظرين المزيد من ابداعاتك يا سمسم..

ارق تحياتى..

ahmed farag · 12-09-2007, 02:03 AM

اقتباس:

- إما انه بس علشان يحط موضوع او رد لمجرد انه بيبين نفسه.
- بيحاول يزود عدد مواضيعه او مشاركاته.
- بدون اي سبب يذكر يعني اي كلام في اي كلام.

والله سمسم معاك حق وعلي فكرة الكلام ده زهقني قبل كده من منتديات كتييييييييييييييير حسيت ان كلها رياء ونفاق فقط
ياريت فعلا سمسم نكون كلنا اسرة واحده اللي يغيب نسأل عنه واللي عنده مناسبه سعيده نهنيه والعكس
ميرسي سمسم

**LiMoO** · 13-09-2007, 02:34 AM

- ان شاء الله يا شوشو كلنا نحاول نرتقي بأنفسنا للوصول لمستوى عالي من الوعي والالتزام ، وتسلمي لمرورك بالموضوع وردك اكتر من رائع.

- اكيد يا احمد الكلام ده بيضايق جداً ، بس عندي عمل في ان الوضع يتغير ،، وان شاء الله اكيد احنا اسرة واحدة.

De La VeGa · 24-09-2007, 12:11 AM

اقتباس:

لما جيت افكر اني ادخل منتدى ؟ او اني اسجل في منتدى ؟ دخلت علشان افيد واستفيد ، علشان افرض نفسي بالاحترام والادب والمنطق ، وفطرتي كإنسان ، وحقي الاصيل في التعبير عن نفسي ورأيي.

هو ده اللى المفروض يحصل اصلا

فى ناس بتدخل المنتدى بغرض انه يكون معروف ومشهور باى موضوع واى كلام

مايعرفش ان المنتدى شئ جامد للتتخاطب والتعرف على الثقافات الاخرى للشعوب

مجرد انه يزود مشاركات وخلاص ده انا مش بحبها

والله موضوع كويس ياسلام

وياريت الناس تاخد بيه

تقبل مروررى

**LiMoO** · 24-09-2007, 12:23 AM

اقتباس:

المشاركة الأصلية كتبت بواسطة De La VeGa [عزيزي الزائر يتوجب عليك التسجيل لمشاهدة الرابط للتسجيل اضغط هنا ]

هو ده اللى المفروض يحصل اصلا

فى ناس بتدخل المنتدى بغرض انه يكون معروف ومشهور باى موضوع واى كلام

مايعرفش ان المنتدى شئ جامد للتتخاطب والتعرف على الثقافات الاخرى للشعوب

مجرد انه يزود مشاركات وخلاص ده انا مش بحبها

والله موضوع كويس ياسلام

وياريت الناس تاخد بيه

تقبل مروررى

تسلم يا محمد لمرورك وتفاعلك الجاد بالموضوع

وان شاء الله تكون الفكرة موصولة

أرق تحية

**MaestrO** · 24-09-2007, 12:28 AM

اقتباس:

فلان لما بيحط موضوع او رد بيكون حاطه ممكن يكون ما بين عدة اسباب أذكر منها:

- يطلع على رأي الناس بالمنتدى ويشوف ردهم ورأيهم عليه بكل منطقية.

- إما انه بس علشان يحط موضوع او رد لمجرد انه بيبين نفسه.
- بيحاول يزود عدد مواضيعه او مشاركاته.
- بدون اي سبب يذكر يعني اي كلام في اي كلام.

فعلا يا اسلام .. بيحصل الموضوع ده و كان حصل معايا في بدايتي في المنتديات من حوالي 5 سنين تقريباً
و دي كانت اول مشكله تواجهني في المنتديات و مكنتش عارف ايه مضمونها ولا ايه اساسها لدرجه اني اول ما دخلت المنتديات حسيت اني بقضي وقت علي الفاضي اي معني " بضيع وقتي و بس "

اقتباس:

لما جيت افكر اني ادخل منتدى ؟ او اني اسجل في منتدى ؟ دخلت علشان افيد واستفيد ، علشان افرض نفسي بالاحترام والادب والمنطق ، وفطرتي كإنسان ، وحقي الاصيل في التعبير عن نفسي ورأيي.

ده اللي فهمته بعد كده في المنتديات يا اسلام .. و لدرجه اني مفهمتش منتديات الا ايام Arab4Music - A4Mu
و بأت اني افهم منتديات اكتر ..

-----------------------------------
ده حبيت اعلق عليه الاول يا اسلام لانه كان عليا في الاول

بصراحه يا اسلام ان كل شخص فينا المفروض يفهم كلمه منتدي صح

كلمه منتدي ذي منتي وضحت بالظبط

و اهم شيء لينا اننا نعرفه ان المنتديات عباره عن ساحه حوار او نقاش

كل واحد مننا بيدي رأيه و بيعبر عن نفسه + بيعبر عن هواياته

و بصراحه يا اسلام [ اكتر حاجه عجباني في المنتدي هيه اسرته ]

بتفرق كتير اني ادخل منتدي بحس اني تايه فيه و اني ادخل منتدي حاسس ان كل اللي جوه اخواتي و اصحابي

----------

موضوع مهم و في معاده يا اسلام .. اشكرك علي الفته الجميله دي و يا رب الناس كلها تاخد بالها من الموضوع ده .

تقبل مروري ...