¤¤¦‡¦ رمضاااان .. بقلب جامد ¦‡¦¤¤

**Shoshou** · #1 (**permalink**) 04-09-2007, 02:30 PM

رمضاااان .. بقلب جامد
كل سنه بتدخل رمضان بقلب جامد
وتقول هعمل واسوى ..
وكل سنه بتيجى بعد اول اسبوع وتبدء همتك تنزل
واحده... واحده ... واحده
وانت شايفها ومش قادر تعمل حاجه
وكل سنه تقول السنه دى غير كل سنه انا السنه دى هكسر الدنيا
و.........................
ايه رايك بقى ان انت السنه دي هتكسر الدنيا بجد وهتعمل اللى مكنتش قادر تعمله
كل سنه
كل سنه بتقول هاختم القرأن وتقف عند جزء معين منه وتنشغل وتتأخر بره وتخرج
مع اصحابك
والمحصله انك مبتختمش القرأن الا على الحركرك واللى بيشد حيله اوى يدوب بيختمه
مره واحده
السنه دي بقى هنبص للموضوع من منظور مختلف و هنختم القرأن كله ان شاء الله
تعالوا مع بعض اوريكوا الموضوع بسيط جدا اد ايه
شوف يا سيدى
المصحف 600 صفحه ..صح (لو مش مصدقنى روح بص فى المصحف بسرعه وتعالى)
ها طلع كام ..اوك ... تعالى نكمل بقى
المصحف 600 صفحه على 30 يوم بكام يا ريس...
%$#@#%$#@%$ + *^%& - &*%&^% = %^$$%#&
يا عم متعقدهاش الحسبه ابسط من كده 600 / 30 = 20 صفحة
شفت سهله ازاى
طيب يعنى فى اليوم 20 صفحه واحنا عندنا 5 صلوات فى اليوم
يبقى 20 / 5 مظبوط ايوه كده
4 صفحات
يبقى انت لو قريت 4 صفحات بعد كل صلاه يبقى فى اليوم هتخلص 20 صفحه
يعنى فى الشهر هتخلص القرأن مستريح اوى
عايز نصيحتى خاليهم 30 فى اليوم علشان لو جيت انشغلت فى يوم من الايام يتعوض
فى يوم تانى
استنى الموضوع لسه مخلصش
احنا هنـ .... بقى ولا ايه .. انت نسيت اننا داخلين فى رمضان
والدال على الخير كفاعله
شوف بقى لو بعت الموضوع ده لكل اصحابك وختموا القرأن بسببك هيتحسبلك اجر وثواب
اد ايه
ياه ده انت تبقى ختمته كتيييييييييييييير أوى
يالا يا عم شد حيلك عايزين الناس كلها تختم القرأن السنه دى على ايدك
وربنا يعيننا كلنا ونقدر ننفذ الكلام ده..
ارق تحياتى..

**MaestrO** · 04-09-2007, 03:56 PM

اقتباس:

يا عم متعقدهاش الحسبه ابسط من كده 600 / 30 = 20 صفحة

عندك حق والله يا شوشو

ان شاء الله السنه دي فعلاً هتكون غير كل سنه

شكراً يا شوشو لتنبيهك قبلها و بصراحه عندك حق

ان شاء الله السنه دي اقدر اقرأ القرآن كله ..

شكرا للموضوع اللي في معاده ده

**Shoshou** · 04-09-2007, 04:02 PM

ميرسي يا محمد لمرورك وردك.. وربنا يقدرنا كلنا ونقدر نعمل الحكايه دى بجد..
نورت الموضوع بمرورك وردك..

ارق تحياتى..

**babys_cuteness2** · 07-09-2007, 04:09 PM

جزاكي الله الف خير شوشو
بس ياريت يا جماعه اللي يقرأ القرأن ميركزش على العشرين صفحه وبس
للازم تكون مركز وانت بتقرأ وتخليك مع ربنا مش تقرأ وخلاص وعايز تخلص العشرين صفحه
أقرا بقلب خاشع لله وخليك مع ربنا شويه .... في ناس هتقول الحمد لله انا بعرف ربنا كويس ولما بقرأ قرأن بكون مع ربنا
لا خليك مع ربنا على طوووول وخليك فاكره وصدقيني هو عمره ما هينساك وصدقني هيريحك ديما وصدقني طول ما انت فاكره هو فاكرك
وهتلاقيه ديما معاك في ضيق وكل حاجه انت تعبانه منها وهتلاقي قلبك مستريح اوي
واحد يروح لصحبه يقوله انا تعبان اوي ومعرفش حاسس اني مضايق وصحبه يقوله من ايه ... يرد عليه ويقوله معرفش
روح لربنا وأقرا قرآن وصلي وشوف انت هترتاح ازاي
ركز وانت بتقرأ وصدقني هتلاقي نفسك بتخلص اكتر من جزء في يوم واحد واكتر من عشرين صفحه ومن غير ما تحس هتلاقي نفسك مرتاح اوي وعايز تكمل
الموضوع بسيط وسهل ...
وميرسي كتير يا شوشو بجد وان شاء الله كلنا نعمل بيه وان شاء الله كلنا نختمه اكتر من مره وان شاء الله كلنا بنقرأ بردوا بعض رمضان
انت ممكن تخلي السنه كلها رمضان ... افتكر ربنا وان شاء الله هيحسسك ان السنه كلها رمضان
وتقبلي مروري شوشو

**LiMoO** · 07-09-2007, 04:40 PM

تسلمي يا شوشو على التوضيح الجميل ده،

وتسلم يا حمدي على التعقيب الجميل برضو ... جزاكم الله الف خير يا جماعة وربنا يتقبل مننا رمضان كلنا ان شاء الله

**Shoshou** · 08-09-2007, 01:17 AM

حمدى.. بجد كلامك مظبوط جدا..
الموضوع مش مجرد قرايه عشان نخلص القرآن ف رمضان وخلاص..
اكيد لازم نركز ونفهم واحنا بنقرأ
سمسم.. ميرسي لمرورك وردك..
نورتوا الموضوع بمروركوا وردكوا..

ارق تحياتى..