فيديو جديد - على قفاه يا عبد الرسول

**SweeT AngeL** · #1 (**permalink**) 04-03-2007, 11:22 AM

عند تصفحى احدى المدونات الالكترونيه لقيد الفيديو الجديد ده ونقلتهاكوا

إديله على قفاه يا عبد الرسول

عبد الرسول أمين شرطة مطيع بيسمع كلام حضرة الظابط بس أداء عبد الرسول ضعف والظابط عاوزه يحسن الأداء مع إن مساعد الوزير بيقول إنها حالات فردية محدودة وإنها مش ممارسة منظمة في أقسام الشرطة لكن برضه مافيش مانع من إن عبد الرسول يتمرن في خلق الله ويحسن الأداء وحظابط قاعد ورا الكاميرا وخبير الإذاعة والتلفزيون ها يكشف تطابق صوته مع الفيديو لكن برضه مش ها يتحبس لأن عبد الرسول أمين شرطة مطيع مش ممكن يكشف ستر سيده واحنا دلوقتي في عصر من اذا سرق فيهم القوي تركوه واذا سرق فيهم الضعيف أقاموا عليه الحد يا عبد الرسول

بس ها تعمل ايه يا عبد الرسول
لازم تطيع الاوامر يا عبد الرسول
لانك لو ما اطعتهاش يا عبد الرسول
تتحاكم زي زميلك محمد خلف يا عبد الرسول
وتتبهدل إنت وعيلتك آخر بهدلة يا عبد الرسول
وبعدين هو إنت اتخبطت في عقلك يا عبد الرسول
برضه العين ما تعلاش عن الحاجب يا عبد الرسول
ده سيدك الباشا خريج أكاديمية الشرطة يا عبد الرسول
ودي ما بيخشهاش الا الاكابر يا عبد الرسول
وبرشاوي كبيرة جوي جوي يا عبد الرسول
ايش جاب لجاب يا عبد الرسول
تفتكر اهل الباشا الظابط يسيبوه يتحبس يا عبد الرسول
ده حتى انت ما ترضاش بكده للباشا الكوبارة يا عبد الرسول
الباشا مش وش بهدلة ومرمطة يا عبد الرسول
الباشا ايده ناعمة يا عبد الرسول
انت وعيلتك والمتهم اللي في أيدك فدا الباشا الظابط يا عبد الرسول
علشان كده يا عبد الرسول لما الباشا يقولك على وشه يا عبد الرسول
تديله على وشه يا عبد الرسول
ولما يقولك على قفاه يا عبد الرسول
تديله بعزم ما عندك على قفاه يا عبد الرسول
وكمان تبتسم في وش الباشا يا عبد الرسول
أومال إيه يا عبد الرسول
هي دي الأصول يا عبد الرسول !!!

شاهدوا الفيديو[عزيزي الزائر يتوجب عليك التسجيل لمشاهدة الرابط للتسجيل اضغط هنا ]

انا مش لاقيه كلام اقوله بعد اللى اتكتب فوق ده
ونفسى واحد بس يتحكم عليه بجد من الناس اللى مش شايفه غير نفسها ان هيا فوق كل حاجه دى علشان الكل يبطل ويحرموا بس مفتكرش لانهم هيطلعوا من كل ده زى الشعره من العجين

**babys_cuteness2** · 04-03-2007, 01:37 PM

ههههههههههههههههه
عبدالرسول جامد صراحه
للاسف الشديد ده موجود حاليا وبكتير اوي
وربنا مع كل غلبان وفقير حكم البلد خلاص اتباعت من زمان

**SweeT AngeL** · 05-03-2007, 12:32 PM

ما هو عبد الرسول ده ما عليه غير انه ينفز ويقول امين لانه لو معملش كده هيتخرب بيته ويروح فى داهيه ولو اتكلم عيلته هتتبهدل معاه ومش هيطول اى حاجه وهيلبسهاله من اولها لانه مايسواش
وكمان الظابط ده زكى مصور الراجل الغلبان ده وهو مش ظاهر علشان اى حاجه يقولوا عبد الرسول اللى عمل وسوى
انا مش عارقه همى بيتمنظروا بكده؟ فاكرين هى دى الرجوله؟

والله هقول حاجه سيرتنا بقت على كل لسان وكل العالم عرف فضايحنا لانى شفت فى ال BBC news جايبين الموضوع ده بتاع عماد الكبير والفيديو كمان وقعدوا يتكلموا ان فى مصر بيعذبوا المتهمين من غير حق ليهم اصلا
قضيحتنا بقت على كل لسان علشان نكون مبسوطين لما العالم كله بيتكلم عنها ده اللى اى حد يسالى انتى من فين بكون فخوره وانا بقولوا من مصر وهو بيكون مبسوط وبيقول انا نفسى اروح وكده
دلوقتى بقى والله اتكسف لو قلت كده مع انى هفضل فخوره بس مش عارفه رد الفل بتاعهم بعد اللى شافوة ده هيقولوا ايه

وشكرا يا حمدى على ردك واتمنى من باقى الاعضاء الاهتمام
ارق تحياتى

**Shoshou** · 05-03-2007, 01:53 PM

والله يا رونى اقل حاجه تتقال ع الناس دى انهم معقدين وبيطلعوا عقدهم ع الغلابه..
زى ما قولت قبل كده برضو.. البنى ادم مهما عمل ليه حساب يتحاكم ويتحبس زيه زي خلق ربنا.. بس ده لما يكون عنده كرامه الاول..
لكن دلوقتى بقينا ناخد على قفانا ووشنا واى حته تانيه يطولوها..
والله يا رونى موضوع التعذيب ده محسسنى بمدى القهر والذل اللى وصلناله.. وكمان اتفضحنا..
ميرسي يا رونى ع الفيديو
ومنتظرين مزيدك ان شاء الله..

ارق تحياتى..

**SweeT AngeL** · 05-03-2007, 11:00 PM

ميرسى يا شوشو على مرورك
بس هو فعلا بناخد على قفانا ووشنا واى حته يطولوها طيب ليه التعذيب ده ؟ هو هيتحاسب اه بس بالقانون مش بانسان زيه

والفرق اللى بينا وبين الغرب انهم برده فى حقوق للانسان وممكن يودى االظابط فى داهيه لو مد ايده عليه من غير حق ولا ضربه ولو كان ممسوك كليه بيدولوا سجاير لو عايز ويجيبولوا حاجه يشربها شوفوا الانسان ليه قيمه ازاى وناس محترمه ازاى
مش زى عندنا بالضرب والاهانه والشتيمه ويعاملوه زى الكلب (اسفه على هذا اللفز)

نفسى نتغير وتبقى مصر بلد امان فعلا
ارق تخياتى