بدء محاكمة معاون المباحث المتهم بتعذيب عماد الكبير

**SweeT AngeL** · #1 (**permalink**) 04-03-2007, 10:58 AM

إسلام نبيه عبدالسلام معاون المباحث المتهم

بدأت يوم السبت محكمة جنايات الجيزة أولي جلساتها لمحاكمة الضابط إسلام نبيه عبدالسلام معاون مباحث قسم بولاق الدكرور ورضا فتحي السيد أمين الشرطة المتهمين باحتجاز وتعذيب عماد محمد علي وشهرته "عماد الكبير" صاحب كليب التعذيب الشهير وأنهما قاما باحتجازه بدون وجه حق داخل وحدة المباحث.

قالت جريدة الوفد ان وقائع الجلسة بدأت في تمام الساعة الحادي عشرة وسط حضور أمني مكثف وحضر المتهمان من محبسهما وسط حراسة أمنية مشددة باشراف المقدم عاطف زايد رئيس الحرس وأودعا قفص الاتهام واكتظت قاعة المحكمة بأهل المتهمين والمجني عليه ووسائل الإعلام.

وفي بداية الجلسة تلا ممثل النيابة أمر الاحالة الذي تضمن قيام المتهمين في يوم 20 يناير الماضي بضبط المجني عليه عماد الكبير بدون وجه حق واحتجزاه بوحدة مباحث بولاق بعد اجراءات الافراج عنه في إحدي القضايا وعذباه بدنيًا بأن أوثقا يديه وقدميه وكشفا عن ملابسه وحاول الضابط ايلاج عصا خشبية بدبره وهتك عرضه بالقوة وقاما بتصوير مشاهد علي التليفون المحمول بالصوت والصورة وظهر فيها المجني عليه.

وشكك دفاع المتهم الأول في مشاهد الفيديو المصورة وأكد أنها غير صحيحة ومفبركة وطلب عرضها علي هيئة المحكمة وأكد أن هناك مشاهد أخري موجودة معه ويوجد بها أوجه اختلاف بين المشهدين. وأضاف الدفاع أن هناك جهات عديدة تقدم صورًا ومشاهد عديدة مفبركة وتقوم ببثها علي شبكة الانترنت لتشويه صورة الأمن المصري.

كما طلب ضم دفتر الخدمة بقسم شرطة ناهيا في وقت ارتكاب الواقعة لأن الضابط المتهم كان بالخدمة هناك وكان المتهم الثاني بأجازة.

وفي نهاية الجلسة طلب الدفاع استدعاء مأمور قسم شرطة بولاق الدكرور في يوم الواقعة الواردة بأمر الاحالة الذي كان يعمل المتهمان معه وأيد دفاع المتهم الثاني طلبات دفاع المتهم الأول.

والتمس الدفاع في نهاية الجلسة اخلاء سبيل المتهمين لانتفاء مبررات الحبس الاحتياطي وعدم الخشية عليهما من الهرب وعدم العبث بأدلة القضية وطلب الدفاع التأجيل لحين الانتهاء من استخراج الشهادات.

بجد مش عارفه اقول ايه اكيد كلكوا شفتوا الفيديو بتاع تعذيب عماد الكبير
إسلام نبيه معاون المباخث ده هو اكيد هيعمل الازم وهيخرج منها زى الشعره من العجين والراجل الغلبان اللى اتهان وانتهك عرضه هيطبطبوا عليه فى الاخر ويقلوله معليش

بلذمه هو ده العدل!!!

حرام والله يا ناس الصغير والضعيف بيوح فى الرجلين
ربنا كبيييير

**babys_cuteness2** · 04-03-2007, 01:41 PM

لا حول ولا قوه الا بالله
ما انا قولتلك يا SweeT AngeL مصر اتباعت
وكل واحد دلوقتي مسك صرصار في مصر بيعمل اي حاجة عايز يعملها
وبعدين الصور بتاعتك انتي بالذات مبتظهرش عندي ليه بقي

افهم والنبي

**SweeT AngeL** · 05-03-2007, 12:14 PM

ههههههههههههههه مش عارفه يا حمدى ليه مبتظهرش عندك يمكن بتخاف من المواضيع ومبتكشفش على رداله ههههههههههه
وبعدين بالنسبه للموضوع قعلا اى حد يعرف فلان بيه ولا عنده السلطه الفلانيه يبهدل الناس اللى حوليه لانه مش هامه غير نفسه واشباع العقد بتاعته
على فكره الناس دى مش طبيعيه دى ميه فى الميه عندها عقد السيطره وعقد نفسيه
ربنا يشفيهم ههههههههه وميطلعوش عقدهم علينا
ميرسى يا حمدى على مرورك وردك الجميل
ارق تحياتى

**Shoshou** · 05-03-2007, 02:00 PM

بعد كل ده هيطلعوها مفبركه ؟
طب هما فاكرين انهم بيضحكوا علي مين بالظبط ؟
يعنى ما كل الناس شافت الفيديو.. وعمر ما فيه حد هيهين نفسه كده عشان يسوأ سمعه حاجه.. وبعدين هما بينهم تار ولا حاجه عشان يسوأوا سمعه جهاز الامن ؟
رونى بجد الاخبار دى بقت بتستفزنى..
ميرسي للخبر.. ومنتظرين مزيد م الاستفزاز..

ارق تحياتى..

**SweeT AngeL** · 05-03-2007, 10:53 PM

ميرسى يا شوشو على مرورك
بس هما ممكن يعملوا اللى ميتعملش علشان يطلعوا منها واكيد هيطلعوا الفيديو مفبرك مش هيغلبوا زى ما طلعوا انهم واحد مكنش شغال والتانى كان فى اجازه واللى هيتكلم ويحاول يعترف عليهم هيروح فى داهيه
بجد الانسان طلع رخيص اوى

ان شاء الله اجيب مزيد من الاستفزاز
ارق تحياتى

**babys_cuteness2** · 06-03-2007, 02:39 PM

اللي يخلي الانسه ولا المدام اسمها ايه دي بتاعت روتانا سينما هاله سرحانه طول عمرها /

يعملوا عبدالرسول وعم عبده بتاع السجاير

بكره يخترغوا اي حاجة تلهي الشعب وخلاص
وبعدين انا حاسس ان الصور عامله معايا مشاكل يا روني
عرفين اني في الغربه اكيد
انتي تشفيلك حل بقي انا مينفعش اشوف حل عندي لان هنا ما شاء الله في حصانه على حاجة

**SweeT AngeL** · 06-03-2007, 10:10 PM

معليش يا حمدى اعملك ايه فى الصور انتوا محجوب عنكوا الهوا ههههههههه
هحاول اشوف سايت تانى ارفع منه ولا يهمك
ومش هاله سرحان بس يا حمدى اى حد معاه قرش وواسطه بيدوس على باقى الخلق والناس الغلابه
ارق تحياتى