هل تبكي عند موت من جرحك يوما ما ؟!

timoo · 01-03-2007, 08:52 PM

بصى ياجيجى..اكيد مفيش حد فى الدنيا محصلوش كده...
انا عن نفسى الموضوع ده حصلى قريب..وقريب جدا كمان..
انا بقا دلوقتى لو جالى خبر موت اللى عمل كده فيا .اكيد هزعل لان مهما حصل كان فيه بينا عشره لان كان فيه بينا اسرار...واكيد هسامحه لانى للاسف مبعرفش ازعل من حد مهما عمل فيا ممكن ارجع بكلمه واحده!!!!!
وده عيب فيا نفسى اتخلص منه.

**SweeT AngeL** · 01-03-2007, 08:57 PM

موضوع جميل يا جى جى يخلى الواحد يفكر شويه مع نفسه

انا عن نفسى مهما عمل الشخص ده فيا (وهو حصل) اكيد لو سمعت عنه حاجه وحشه اكيد هزعل عليه لاسباب كتيره

اولا: انه يوم من الايام كان صديق ليا بغض النظر على اللى عمله
ثانيا: انه انسان وروح
ثالثا: هل هو مستعد انه يواجه ربه؟ وهل كان مستعد وندم على كل الحاجات الوحشه اللى عملها؟ وانا اتمنى انه يكون مستعد علشان مش يكون كسب الدنيا وخسر الاخره لانه اكيد مكنش يعرف ربنا ولا عنده ضمير وخوف الله
رابعا: هدعيله ربنا يسامحه وربنا يصبر اهله واقول الله يرحمه وافتكرله كل اللحظات الحلوه اللى قضناها مع بعض

انا بجد حصلى كتير بس مش بشيل فى قلبى وبنسى وبنسحب بهدوء لان اللى عارفنى مش هيصدقك اى كلام وهيتمسك بيا ويقف جمبى واللى مش مصدق يبقى ملوش مكان معايه لان ده ميكنش صديق.و لان اللى بيعمل كده بيكون مريض وعنده نقص ومش مبسوط فى حياته وانا بدعيله ان ربنا يهديه ويسامحه واكيد مكنش فى وعيه وهو بيعمل الشر ده او بيتجاهل انه عارف بس مش عايز يفكر لانه لو فكر فى الحاجه قبل ما يعملها مش هيعملها لان فى ضمير ممكن يعزبه وبالتمس له العذر

انا لو اتكلمت هتكلم كتير فى الموضوع ده وسورى على الاطاله
ميرسى مره تانيه يا جى جى على الموضوع ده اللى خلانى افكر مع نفسى فيه
ارق تحياتى

**GYGY2007** · 01-03-2007, 08:59 PM

لا يا تامر ده مش عيب بالعكس دي صفه جميله جدا
انك تكون متسامح ومتعرفش تشيل لحد حاجه وحشه في قلبك
وربنا امرنا بالتسامح شكرا لردك يا تامر
ويلا عايزه اشوف اراء اعضاء احلي منتدي
تقبلوا تحياتي

**GYGY2007** · 01-03-2007, 09:02 PM

ردك جميل ياروني انا فعلا اقتنعت بيه
وهو ده الكلام اللي لازم يقوله كل الناس
شكرا لردك يا روني
وتقبلي تحياتي

timoo · 01-03-2007, 09:03 PM

انا معاكى جيجى ان التسامح صفه جميله ولازم كلنا نتحلى بيها...
بس تعملى ايه لو الناس استغلت الصفه دى انها تجرحك اكتر واكتر معتمدين على انك اكيد لو طلبو منك انك تسامحيهم هتسامحيهم بكل سهوله....وده بيوجع قوى لان هنا بييجى على حساب كرامه الانسان المتسامح
ده لانه بيحس سورى يعنى (انه اهبل)...وكل الناس بتعمل معاه اللى هى عايزاه...يبقا هنا التسامح صفه بتضر صاحبها ولا لا؟؟؟؟؟؟؟؟