هل شرط تكون الخيانة خيانة جسدية فقط >> جاوب !!

سؤال يطرح نفسه وسؤال بنسمعه وتعددت تعريفات الخيانة منها والاصح >>>>>

الخيانة هى : أمر مذموم في شريعة الله. تنكرها الفطرة ،وترفضها الطبيعة السوية إن الله لا يحب الخائنين
فلنبدأ بأن
هذه الكلمة صارت لما تقال يذهب فكر السامع إلى أنها فقط في المعاشرة الغير شرعيه وكثير من النساء والرجال يحملونها على أن فلان خان الزوجة وذهب إلى غيرها ، و تركوا أموراً كثيرة معدودة من الخيانة فما هي الخيانة التى حذر منها الشرع....

وأنا هنا وفي هذا الموضوع عندما أتحدث عن هذا الأمر إنني لا أقصد شخصاً بعينه، أو أسرة بذاتها أو مجتمعاً محدداً ولكنني أتحدث عن هذا الموضوع بصفته ظاهرة عالمية في كل الدنيا تحدث وطالما هي كذلك إذاً لا أرى أي ضير أو مشكلة في مناقشتها بأسلوب علمي سليم وإبداء الأسباب والمسببات التي تدعو إلى ذلك وجميعنا يعرف بأن هذه الظاهرة قديمة قدم الحياة نفسها ومنذ وجود الإنسان الأول إذاً هي ليست خافية على أحد من الناس خصوصاً إذا عرفنا بأنها قد جاءت في القرآن الكريم كتاب الله المطهر


هناك بعض الاسئلة اللى ممكن توضح لينا ايه اساس مثلا الخيانة اسبابها كدة يعنى هطرحها عليكوا هنا وممكن نلاقى اجابات مفيدة نستفيد منها

1- تعريف الخيانه من وجهة نظرك؟
2- ما هى الاسباب العامه التي تؤدي الى الخيانه سواء للرجل او المرأة ؟
3- ما هى الدوافع المؤقته لخيانه المرأة .....وما هى الاسباب والدوافع العارضه للخيانه لدى الرجل ؟
4- ما هى علاج جروح الخيانة بمعنى اصح (ازاى تطيب جرح زى جرح الخيانة )
5- هل شرط تكون الخيانة خيانة جسدية فقط ولماذا ؟


ياريت مكنش طولت عليكو


مستنيكو

Shoshou

1- تعريف الخيانه من وجهة نظرك؟
ببساطه كده الخيانه.. هى نقض عهد تم الاتفاق عليه بين شخصين.. واى مخالفه للعهد ده تبقى خيانه..

2- ما هى الاسباب العامه التي تؤدي الى الخيانه سواء للرجل او المرأة ؟
ممكن نقول الاهمال.. او عدم التفاهم.. او اللامبالاه من طرف فيهم.. او وجود العوامل المشجعه على كده.. او اهم حاجه بقى انها ممكن تكون طبع ف الانسان الخاين ده ومن غير اسباب..

3- ما هى الدوافع المؤقته لخيانه المرأة .....وما هى الاسباب والدوافع العارضه للخيانه لدى الرجل ؟
بيتهيألى السؤال ده الولاد هما اللى يجابوا عليه..

4- ما هى علاج جروح الخيانة بمعنى اصح (ازاى تطيب جرح زى جرح الخيانة )
مش بيتعالج.. ومش بيتنسى.. ممكن نسامح اوك.. لكن هننسى خيانه ؟ مفتكرش

5- هل شرط تكون الخيانة خيانة جسدية فقط ولماذا ؟
اكيد لأ..
مجرد التفكير ف حد تانى ف دى خيانه.. او لو كان حتى بس كلام.. برضو خيانه.. المهم اللى جوا الانسان.. واللى هو حاسس بيه

وميرسي كتير يا رؤوف لموضوعك..
وياريت نشوف رأي بقيه الاعضاء..

ارق تحياتى..

__________________

GYGY2007

1- تعريف الخيانه من وجهة نظرك؟
الخيانه دي ابشع شئ ممكن الواحد يتعرضله وهي الشئ الوحيد اللي مش ممكن يتسامح فيها

2- ما هى الاسباب العامه التي تؤدي الى الخيانه سواء للرجل او المرأة ؟
والله يا رؤوف مهما كانت الاسباب المفروض ميبقاش في خيانه انا من رايي المواجهه والانفصال احسن
من الخيانه بس برضه احنا مش في مجتمع ملايكه فللاسف اللي بيخون بيقول ان السبب في الخيانه دي
انه مش عارف يعيش مع الشخص اللي معاه نتيجه عدم الاهتمام والاهمال وعدم وجود الحب

3- ما هى الدوافع المؤقته لخيانه المرأة .....وما هى الاسباب والدوافع العارضه للخيانه لدى الرجل ؟
الدوافع اللي بتخلي المراه تخون هي عدم شعورها بالامان والحب والرجل برضه بيخون نتيجه لعدم الاهتمام
وممكن نشوف بقي اراء الرجال

4- ما هى علاج جروح الخيانة بمعنى اصح (ازاى تطيب جرح زى جرح الخيانة )؟
الخيانه عمرها ما بتطيب او بتتنسي وزي ما قولت قبل كده ان الخيانه اكتر حاجه مش ممكن تغفر ولا تتنسي

5- هل شرط تكون الخيانة خيانة جسدية فقط ولماذا ؟
لا طبعا الخيانه ممكن تكون برضه حسيه او زي ماشوشو قالت بالكلام او لما واحد من الطرفين يعمل حاجه من وراء
الطرف الاخر وهو عارف ان الحاجه دي بتدايقه

شكرا لموضوعك اللي بجد مهم يا رؤوف وللاسف بقي منتشر اوي
ومنتظرين باقي اراء الاعضاء
تقبل تحياتي

__________________

Devoted

3- ما هى الدوافع المؤقته لخيانه المرأة .....وما هى الاسباب والدوافع العارضه للخيانه لدى الرجل ؟
بيتهيألى السؤال ده الولاد هما اللى يجابوا عليه..

مش الولاد بس اللى بيخونو يا شوشو البنات بردو كدة كل جنس وفى الحلو و الوحش
مستنى ردك

شكرا لموضوعك اللي بجد مهم يا رؤوف وللاسف بقي منتشر اوي

اولا شكرا لردك الجميل واجابات الرائعة
ثانيا هو فعلا للاسف يا انحى بقى منتشر اوى فاحبيت انى اعرضه هنا علشان الناس تقول رأيها

شكرا لمروركم وارأكم الرائعة

babys_cuteness2

جميل اوي موضوعك رؤوف بجد
محتاج نقاش عالي

1- تعريف الخيانه من وجهة نظرك؟
الخيانه بالنسبالي هي ضعف في مباديء الانسان واخلاقه.واي انسان ضعيف الشخصية مستحيل يكون فيه عهد معاه

2- ما هى الاسباب العامه التي تؤدي الى الخيانه سواء للرجل او المرأة ؟
نقص شيء في واحد من الاتنين يا اما الزوجه يا اما الرجل
وفي مثل بيقول بس مثل جامد اوي بصراحه ( الطبع لا يغلب التطبع ) بمعني فلاحي شوية لو جيت تعدل عود حطب مثلا هتكسره صح لانه اتبني كده ومينفعش تغير فيه لكن من هو لسه اخضر ممكن تظبطه شوية يمين شوية شمال لعند لما يكبر ويبقي مستقيم معلشي على حسب تعبيري بقي

3- ما هى الدوافع المؤقته لخيانه المرأة .....وما هى الاسباب والدوافع العارضه للخيانه لدى الرجل ؟
بيتهيلي مفيش حاجة اسمها مؤقته ومستمرة
الخيانه ما هي اللي مبدأ ... وفي ناس مبدئها الخيانه وفي ناس مبدئها الصدق والامانة وكل واحد وله مبدء بيمشي علية من وهو صغير

4- ما هى علاج جروح الخيانة بمعنى اصح (ازاى تطيب جرح زى جرح الخيانة )
جرح الخيانه علشان تعالجه مفيش غير حل واحد الموت زي ما احنا عرفين
لان مفيش علاج للخيانه الا اذا كان الطرف التاني مسامح بس بردوا هتفضل للخيانه اثار مينفعش تتنسي

5- هل شرط تكون الخيانة خيانة جسدية فقط ولماذا ؟
الخيانه بتشمل كل شيء وحش مبتفرقش ان كانت خيانه جسدية او خيانه من نوع تاني
بس من اقوي انواع الخيانه ( الجسد - الوطن - الصديق )