لماذا يتباهي الشباب بتعدد علاقاتهم العاطفيه

Shoshou

تؤتؤ
بتحصل يا محمد.. والا هنسميه بيلعب بيها ازاى ؟
ماهو بيلعب بيها يعنى مش صادق ف مشاعره.. يعنى مكنش بيحبه ام الاول.. وبيقضى يومين

بص يا محمد انا مش فاهمه يعنى.. ازاى تخلى البنت تعجب بيك وهى تخليك تحبها وكل واحد يخلى التانى وحاجات كده ؟!!
اصلا الحب هييجي لوحده..
لا انت هتخليها حاجه ولا هى هتخليك حاجه.. هتلاقوا نفسكوا بتحبوا بعض من غير حاجه.. هتحبوا بعض عشان شخصيتكوا كده..


والله انت كده مضفتش ع اللى انا قولته.. واخيرا اتفقنا على حاجه ف الموضوع ده

والحمد لله انا مأنكرتش ان فيه بنات كده.. بس قولت الحكايه دى منتشره اكتر بين الولاد.. لان البنت بتخاف على سمعتها.. واحنا ف مجتمعنا الكلام ده بيتحسب ع البنت وع الولد.. لأ
ولا كلامى غلط ؟


ههههههههههههههههههه
لا يا محمد.. قصدى انا قولته.. مش اللى انت مقتنع بيه
يا محمد والله يتضحكنى.. 50 % ..احنا هنضحك على بعض ؟
اذا كنت انت قدامك نماذج غلط.. ف خليك عارف ان دول قله قلييييييله والله.. اسال اى حد يعنى مش كلامى ده


انا مش بسأل.. انا المجرب اصلا
يعنى اللى بقوله ده مش من فراغ.. انا بنت.. وبختلط ببنات كتير وشايفه حالات كتير..
اسمع الكلام بقى


حلوووووووو
اديك قولت بلسانك انه مش هيتجوز ولا حتى واحده فيهم.. امال قاعد معاهم ليه ومرتبط بيهم ليه ؟
عشان هو اصلا واحد بيهرج.. يعنى العيب ف البدااااايه منه هو.. هما عادى هما سبايسى مش دى مشكلتنا.. مشكلتنا ان برضو اللى هو بيعمله ده عشان يقول بقى انا جامد وحركات وكده

اقتباس:

المشاركة الأصلية كتبت بواسطة LiMoO [عزيزي الزائر يتوجب عليك التسجيل لمشاهدة الرابط للتسجيل اضغط هنا ] يإما ان الشخص المحاط من الخمسة عقله ممكن يكون فسرله انه اد الكلام ده ووسيم وجذاب بالطريقة الكافية اللي تخليه يقتنع بكده لنفسه ، ولو سألت اي طرف من الاطراف الخمسة المذكورة اكيد راح يكون الرد ازاي يعني ؟! هوا انا عبيطة علشان اقبل حاجة زي كده ولا ايه

والله يا اسلام باشا وجبت من الاخر
موفقاك جدا ف الحكايه دى..

وده رأيي عموما.. ومستنيه اعرف رأبكوا برضو..

ارق تحياتى..

MaestrO

GYGY2007

انا كل اللي هقوله اني معجبه جدا بكلام اسلام وهو كده جاب من الاخر كان فينك من زمااااااااااان بس
يا جماعه انا السبب اللي خلاني اطرح الموضوع ده علشان نعرف العيب منين ونحاول نحله
فياريت باقي الاعضاء يشرفونا بردودهم علشان نلاقي حل ونقفل المشكله دي خالص
وانا خلاص مش هقعد اهاتي مع محمد لاني عارفه انه مش هيقتنع بكلام حد
تقبلوا تحياتي

LiMoO

السلام عليكم ورحمة الله وبركاته

الحمد لله اننا متفقين بالنسبة للموضوع اللي بنتكلم فيه 3 على واحد نسبة كويسة ، فاضل بس شويا حجات احب اعلق عليها يمكن الرأي يتغير للاحسن ، وعموماً اي حد مقتنع بحاجة شخصية لنفسه ف ده برضو لنفسه ، انما احنا هنا بنتكلم في حوار والحمد لله الرأي شبه متفق على الموضوع.

والله يا محمد انا مفتكرش اني اعرف حد بالمنظر ده ، زي ما قولت ... ممكن يكون عقله او تفكيره مهيأله كده ، انما الواقع بيكون غير كده خالص زي ما وضحت.

وعلى اي حال اذا كان حجتك في الاقناع انك تعرف حالات ... "لا داعي لذكر اسماء" زي ما انت موضح في كل ردودك ف من باب اولى اننا مش نتكلم عليهم لاننا هنا بنتكلم في موضوع وقضية عامة.


برضو بنقول اننا بنتكلم في حالات عامة مينفعش يتقاس الكلام فيها على حاجة شخصية ، وعلى كل الاحول انا شايف وشايف ان الغالبية هتأيدني ف ان اذا كان الواحد بينوى الارتباط ف مش هينفع يكون الارتباط الا اذا كان بناء عن حب مش على الاقل ولو حتى اعجاب ممكن يتغير علشان نسبة شك 1 % ، والا ده يبقى اسمه تلكيك وضحك على بنات الناس

لا طبعاً

محدش قال ان الحب بييجي لوحده بس برضو بييجي بسعي من الطرفين ، بطريقة مش هيكون فيها ارادة اوي من الطرفين برضو...
لان دي بتكون مشاعر بتتلاقى ، ومن النادر خصوصاً دلوقتي ان حد يتصرف تصرف يخلي واحدة تحبه ، او واحدة تتصرف تصرف تخلي واحد يحبها ، لانك عمرك ما هتقدم على حاجة تعملها لمجرد انك تخلي واحدة تحبك !!!

طيب افرض هيا مش قابلة بكده حتى لو انت اتصرف كده ، هيكون حب من طرف واحد وعواقبه وخيمة ... وممكن تكتشف بعد كده او تبرر لنفسك انه كان مجرد اعجاب ، او حتى اعجاب شديد شويا وراح لحاله بعد ما لقيت الرفض ...

نفس الحال بالنسبة للبنت في السطرين اللي فوق ... وعلى كل حال محدش هيستمر في تصرفات زي الا لو كان حاسس ان في على الاقل اعجاب من الطرف التاني ... الا اذا كان بقا شخص خدوم بطبعه ، او عنده وقت بيضيعه لحاجة معينة في دماغه.

والحب برضو مش هييجي بمقابلة ولا بتليفون .... زي ما هو عمره ما هييجي برضو بالشعبطة في العربيات او الجري في النوادي ورا البنات ... وكون ما الواحد حاطط في دماغه فكرة " يمكن الاقي واحدة احبها وتحبني دي" ف عمره ما هيوصل لنتيجة ترضيه ... وعلى اي حال لما بيكون حد شايف ان في حد بيحبه ومقتنع بكده بدون تصريح من الطرف التاني بأي طريقة ف ده بيكون غرور مش اي حاجة تانية.

حد بيحب حد والحد ده بيحبه ، لما بيسأل نفسه بيلاقي مليون سبب وسبب يخليهم يحبوا بعض ... مش علشان هوا عمل حاجة او هيا عملت حاجة ونتيجة لده حبوا بعض

الحب عمره ما بيكون نتيجة لواقعة يا محمد

الحمد لله ... وانا حقيقي مبسوط ان كلامك بيرد على نفسه

طبعاً في وفي محدش قال غير كده ... لا البنات ملائكة ولا الولاد كمان

حاجة كمان اخيرة بالنسبة لجيجي ... انا مبسوط جداً انك مقتنعة بالكلام وهو موجود والله يا جيجي وبحاول اوصله لكل واحد قريب مني لان العند بيولد عند ولازم يكون في حوار طبعاً..

بالنسبة بقا لمسألة العيب ف انا مش شايف اننا نقدر نرمي العيب على حد ... بحسب كل حالة والله يا جيجي نقدر نحدد العيب فين ... وزي ما قولت لا البنات ملائكة ولا الولاد كمان..

ما شاء الله يا جيجي واول موضوع يثبت في القسم

بشكركم كلكم يا جماعة على سعة صدركم.. واتمنى الاقي القبول من الغالبية

timoo

GYGY2007

اولا انا بشكرك يا اسلام علي تثبيت الموضوع وعلي ردك اللي بجد رائع
وثانيا بقي انت يا تيمو بتقول ان لما الولد بيضحك علي البنت بيبان من اول لحظه
احب اقولك ان ده مش في كل الاحوال ساعات بيكون في بنات غارفه ان الولد ده
زي ما بيقولوا كده بيغني عليها بس دي بتكون هي كمان مش ولخده الموضوع جد
يعني واحده فاضيه وبتتسلي وطبعا زي ما قلت قبل كده ان دول حالات شاذه ومش كتيره
واحنا هنا بنناقش مشكله عامه يعني ملناش دعوه هنا باشواذ
لكن اغلب الولاد اللي بيكونوا عايزين يضحكوا علي بنت باسم الحب
بيكونوا ممثلين بارعين وبيعرفوا يوصلوا لقلبها باسرع وقت ولو حتي هي مسكت عليه حاجه
او شافته مع بنت في الشارع او اي حاجه من الحاجات اللي احنا عارفينها دي بيعرف كويس اوي
يخترع اي حكايه ويخليها تصدقه وهي طبعا بتصدقه هو طبعا ده هبل منها بس هي مش ممكن هتطلع
الانسان اللي بتحبه كذاب قدامها
وبجد الموضوع ده حصل لواحده من المقربين ليه اوي وبيحصل كتيييييييييييييييييير جدا

ومستنيه باقي الاراء وتقبلوا تحياتي

Shoshou

MaestrO

LiMoO

كويس والله اننا اخدنا خطوة ايجابية في المناقشة

وعلى اي حال اختلاف الرأي لا يفسد للود قضية برضو

mizo11

انا اسف علي تاخري علي الموضوع الشيق دة وانا كان نفسي ابدء المشاركه معاكم.
بس انا زعلان علشان محمد انسحب من المناقشه واكيد حس ان مفيش حد فاهمه.
انا بطلب امام جميع الاعضاء عودة محمد للمناقشه وانا هسبتلكم وجهه نظرة .
وبعلق رائي لحد ما محمد يرجع للمناقشه علشان نعرف نتمكن من الموضوع ونصل لحل لهذة القضيه الهامه.
اسف يا جماعه بس بجد المناقشه مش هتكمل الا مع الاستاذة جي جي والبروفسيرة شوشو والزعيم اسلام واكيد هيكمل المايسترو محمد.
انتظروا ردي علي الموضوع بعودة محمد للمناقشه .
مع ارق تحياتي......