يا وزارة الخارجية إنتي .........

**SweeT AngeL** · #1 (**permalink**) 15-02-2007, 10:58 PM

عند تصفحى احد المدونات الالكترونيه غاظنى الخبر ده وحبيت اوريكوا اللى بيخصل للناس اللى مش عارفه

بعد أكاذيب وزارة الداخلية العديدة في كثير من الأمور وآخرها وقائع التعذيب في أقسام الشرطة المصرية
وزارة الخارجية المصرية هي أيضا تتستر على تعذيب الشرطة السودانية لعمال مصريين في الخرطوم وتنفي وقوع تعذيب لهم
ونحن نرد على الخارجية ونقول لها إن كله بالصور أهه

عيني عليك يا مصري ... و انت جوه بلدك رخيص
و قلبي عندك يا مصري.. و انت بره بلدك برضه رخيص
في الهند في السند في أوروبا...حتى في السودان العويص
مش ذنبك يا ولدي ده ذنب داخلية قدرتك بولا حاجه
و خارجية قالت ده مايسواش حتى نستره بقميص
و عجبي

وسوالى
هما ضربوهم ليه؟
ولا يمكن المصريين بقي مكتوب علي قورتهم عذبني أنا مصري؟
ووزارة الخارجية دي شغلتها إيه بالظبط؟
مش حماية المواطنين إللي بره الموكوسة؟

timoo · 15-02-2007, 11:19 PM

للاسف المصرى فعلا فى كل مكان بقى تمنه رخيص قوى...
معلوماتى عن الموضوع ان كان فيه شاب مصرى فى السودان اتخانق مع شاب سودانى وضربه جامد
فطبعا لان السودان حكومه تحترم شعبها...لمت كل المصريين هناك وعلمتهم الادب زى ما احنا شايفين فى الصور
وطبعا رد وزاره الخارجيه هو النفى كالعاده والحرص على العلاقه بين الشعبين الشقيقين..!!!!!!
وعجبى؟؟!؟!؟!؟!؟

**LiMoO** · 17-02-2007, 11:30 PM

لا حول ولا قوة الا بالله

اكيد في سبب يا جماعة يخليهم يعملوا كده فيهم...

ولو طبقنا المعاملة بالمثل ف هنأذي نص السودانيين

حتى السودانيين كمان !!

**Shoshou** · 18-02-2007, 07:29 PM

والله انا معرفش ايه الحاجه اللى الانسان ممكن يعملها ويستحق عليها التعذيب والاهانه الجسديه والنفسيه دى

موضوع التعذيب ده بجد حاجه توجع القلب..
ميرسي يا رونى لموضوعك..

ارق تحياتى..

**GYGY2007** · 18-02-2007, 08:20 PM

والله يا جماعه مهما كان اللي حصل منهم ميوصلش الموضوع للضرب
والاهانه امال فين بقي حقوق الانسان واحترامه واحترام كرامته
واشمعني المصريين اللي بيحصل فيهم كده واحنا ازاي حكومتنا تسكت علي الكلام ده
يعني لو كانوا اللي حصل فيهم كده هما السودانيين كانت حكومتهم هتسكت
لا فعلا عجبييييييييييييييييييييييييييييييييييييييييييييي

شكرا لموضوعك يا روني وفي تقدم مستمر ان شاء الله