متيجو نتكلم عن التوريث.....تعالو متخافوش

SweeT AngeL

انا بجد برفعلك القبعه وبكل احترام بقولك شكرا تيمو على الموضوع المهم ده

انا راى بقى ان انا فعلا وبجد بحب وبحترم مبارك جدا لانه عمل كتير ولسه بيعمل وهيعمل وفعلا بيشوف مصلحه البلد اولا وبرده فى مشاكل كتير مصر اتعرضت لها وهو بسياسته بيحلها وبيظبط الدنيا واللى ينكر ده يبقى ناكر للجميل ومش عارفه اقول ايه عليه.

محتاجين دم جديد...روح جديده...حد حاسس بهموم البلد..بولاد البلد...عايزين نحس ان اللى بيحكمنا مننا(الله...مهو جمال مبارك مصرى برضه يعنى مننا).....لا ياحلو....جمال مبارك ابن قصور متربى على العز ..تعرف تقولى هيحس بينا ازاى هيتفاعل ازاى مع الشارع المصرى الغلبان؟

اما بالنسبه للتوريث انا هقول لو جمال هو اللى هيمسك فانا موافقه لانه فاهم ودارس وشارب السياسه وواخد برده من ابوه وكلامه فعلا بيعجبنى وبجد انسان محترم. ولو جه حد جديد اكيد هياخد وقت علشان يتعلم ويتقن صح ولكن جمال اصلا فى الموضوع. ولو واحد جديد جه غلبان هياكل البلد ويقول اشوف نفسى الاول بعدين ادى البلد ولكن جمال خلاص عنده ومثلا مبارك خد اللى يكفيه وزياده يعنى عنيه مليانه مش لسه جعان وخته لو خد مش هياخد كتير وتفرف بقى لانه مش هياخد كتير برده.

ده راى يا تيمو وياريت نشوف مشاركات تانيه
ارق تحياتى

timoo

ميرسى جدا على اهتمامك....
انتى كده اول المويدين للموضوع...بس مش عارف ليه حاسك انتى كمان مش مقتنعه اوى!!!!!!

SweeT AngeL

ahmed farag

انا بقي مؤيد تماما لجمال مبارك
بجد والله ده افضل من اي حد بكتيييييييييييييير وبعدين للي بيقولا عايزين دم جديد
هو لما جمال يمسك مش دم جديد برضو؟؟؟؟؟؟؟؟
وبعدين بالبلدي ده اكتر واحد نقول شبعان ماشي نقول ذكي ماشي نقول له علاقات خارجيه محترمه ماشيييييييييييييييييييييييييييييييييييييييييي ييييي
يعني انا مؤيد تماما

GYGY2007

حراااااااااااااااااااااااااااااااااااااااااااااام كفايه
ولا تعليق

Shoshou

LiMoO

برأيي,

لازم نفصل جمال مبارك عن حسني مبارك.

انا مش شايف اي قيمة للتفرقة بينه وبين ابنه غير كأب وابن بس.

غير كده ، ان لم يوجد بديل جدي ومقنع ، له تاريخ سياسي وخبرة بالعمل "السياسي" وبيتمتع بفن وادارة الحكم فده شئ كويس لينا كلنا.

لكن في غياب وجود البديل المقنع - حتى الآن - مقدرش اقول غير جمال مبارك ، لاسباب عديدة انت قولتها يا تامر واللي هيا بصراحة بترضيني فيه كشخص حاكم ، ده غير انه سنه صغير نقدر نقول انه "شاب" في المجال السياسي.

وعلى الاساس ده ف انا معنديش اي سبب يخليني أرفضه لحكم مصر وزي ما قولت في غياب البديل.

الموضوع جميل اوي وياريت نسمع بقية آراء.

وبأكد طبعاً على احترام آراء الجميل ، وياريت نلتزم في المناقشة الاسلوب الحضاري زي منا شايف لدى الغالبية بمناسبة الكلام عن الموضوع ده.

تسلم يا تامر

LiMoO

لمن لا يعرف جمال مبارك ... هذه نبذه مختصرة عن حياته

جمال محمد حسني مبارك هو الابن الأصغر للرئيس المصري محمد حسنى مبارك. ولد في القاهرة في عام 1963 ووالدته هي سوزان مبارك. يتولى حاليا منصب أمين السياسات في الحزب الوطني الحاكم في مصر.

درس جمال في المرحلة الابتدائية بمدرسة مسز وودلى الابتدائية بمصر الجديدة بالقاهرة ثم انتقل إلى مدرسة سان جورج الاعدادية والثانوية وحصل على شهادة الثانوية الانجليزية في عام 1980 ، ثم تخرج من الجامعة الأمريكية بالقاهرة في مجال الأعمال وحصل على ماجستير في إدارة الأعمال من نفس الجامعة. بدأ بالعمل ببنك اوف امريكا فرع القاهرة، ثم انتقل إلى فرع لندن حتى وصل إلى منصب مدير الفرع، وهو يعمل بصفة عامة في مجال الاستثمار البنكي.

وقد حصل جمال على عضوية الروتاري الفخرية في مايو 2001. خطيبة جمال ابن الرئيس المصري مبارك خديجة محمود الجمال ، 24 سنة ، تخرجت من قسم ادارة الاعمال بالجامعة الاميريكية في القاهرة ، وهي الجامعة نفسها التي درس فيها جمال مبارك والتحقت بها خديجة الجمال بعد ان حصلت على الثانوية العامة من المدرسة الالمانية في القاهرة . تهوى خديجة عزف الموسيقى والرياضة وتهتم بالشؤون العامة ويعرف عنها حسن الخلق وخفة الدم ، ويناديها اصدقاءها المقربون بـ "موني" . تعرفت على جمال مبارك اثناء مؤتمر سياسي عقدته الجامعة الاميريكية العام الماضي ، وبعدها التقيا في مناسبات عدة عائلية . وهي ابنة رجل الاعمال المعروف محمود الجمال الذي يعمل في مجال المقاولات وقامت شركته ببناء العديد من المشاريع العمرانية والقرى السياحية ، تمت الخطوبة يوم 3 مارس 2006 في حفل عائلي اقتصر على الاسرتين والاصدقاء المقربين فقط .

الحزب الوطني الديمقراطي
على عكس أخيه علاء مبارك يتواجد جمال بصورة أكبر على الساحة السياسية لمصر. دخل جمال مبارك الحزب الوطني بواسطة الرئيس (والده) سنة 2000 م كأمين لجنة السياسات وأصبح له وجود على الساحة السياسية المصرية وكون جمعية شباب المستقبل يطمح عن طريقها تكوين قاعدة شعبية له من الشباب الذين يتم تدريبهم فيها ومساعدتهم عن طريق التدريب وتقديم فرص العمل المناسبة لهم.

تولى جمال مبارك قيادة الحملة الإنتخابية لوالده في عام 2005 على مقعد الرئاسة، ووضح بها فكر جمال مبارك الذي يختلف عن الحملات الرئاسية السابقة له. و يتولى جمال مبارك موقعين مهمين في الحزب الحاكم وهما: الأمين العام المساعد للحزب الوطني الديموقراطي وأمين السياسات . ويعزى إلى أمانة السياسات العديد من الاصلاحات التي يشهدها الحزب والنظام السياسي بمصر. ويختلف المصريون في نظرتهم إلى اصلاحات جمال مبارك ما بين مؤيد متفائل أو معارض متشائم.

توجه بعض القوى السياسية المعارضة في مصر انتقادات حادة للنظام الحاكم متهمة اياه بالسعي لتوريث جمال مبارك رئاسة الجمهورية خلفا لوالده، بينما ينفي الحزب الحاكم ذلك ويقول بأن دخول جمال إلى سباق الرئاسة سيكون كأي مرشح آخر وأن مصر دولة جمهورية وليست ملكية.

اتمنى انها تكون اضافت لكم جديد

timoo