متيجو نتكلم عن التوريث.....تعالو متخافوش

**GYGY2007** · 16-02-2007, 12:41 PM

حراااااااااااااااااااااااااااااااااااااااااااااام كفايه
ولا تعليق

**Shoshou** · 16-02-2007, 12:55 PM

طبعا كل اللى هقوله مجرد كلام.. لا هيقدم ولا هيأخر واللى هما عايزينه هيعملوه برضو.. بس انت طلبت رأينا
وآدى رأيي
انا من ساعه ما وعيت ع الدنيا وحسنى مبارك هو اللى ماسك..
ومحدش قال انه معملش حاجه ف البلد.. لا بصراحه عمل ومسك البلد بعد حرب.. يعنى كانت بلد تعبانه.. تمام كل ده..
بس هل مصر بقى كده بقت تمام ؟
بلاش تمام.. بقت نص تمام حتى ؟
معتقدش

وبقالنا 25 سنه بنسمع عن الاصلاحات اللى هتتعمل.. والوظايف اللى هتتوفر للشباب.. والمساكن اللى باسعار رمزيه.. مش ملاحظ ان كلها وعود للمستقبل والحمد لله الحمد لله مفيش حاجه منها بتحصل ؟
بل بالعكس قيمه الجنيه بقت ف الحضيض والاسعار الله ينور ؟

انا مش ضد مبارك كشخص لان ده ميخصنيش.. انا ضد سياسته وصد اسلوب الاداره اللى مصر ماشيه بيه..
ومعنى كده انى عايزه حد تانى غير مبارك.. نيجي بقى لجمال مبارك..
ليه يبقى جمال مبارك ؟
ليه اصلا يبقى مبدأ ان ابنه هو اللى يمسك الحكم ؟
انا مليش دعوه جمال بيفهم ولا سيايى ليه علاقات خارجيه كويسه ولا الكلام ده كله.. الحاجات دى كلها مش ببصلها..
انا اللى ببصله ليه هو اه.. وباقى الشعب لأ ؟

ليه مش واحد عادى مش ابن حسنى مبارك هو اللى يمسك..
فهمت قصدى ؟
يعنى برضو ان مش ضد جمال لعيب معين فيه.. انا ضد المبدأ نفسه
وسورى لو طولت عليك.. بس ف الاخر انا بقول انى مش موافقه.. وكفايه اوى عليهم كده

ارق تحياتى..

**LiMoO** · 16-02-2007, 02:11 PM

برأيي,

لازم نفصل جمال مبارك عن حسني مبارك.

انا مش شايف اي قيمة للتفرقة بينه وبين ابنه غير كأب وابن بس.

غير كده ، ان لم يوجد بديل جدي ومقنع ، له تاريخ سياسي وخبرة بالعمل "السياسي" وبيتمتع بفن وادارة الحكم فده شئ كويس لينا كلنا.

لكن في غياب وجود البديل المقنع - حتى الآن - مقدرش اقول غير جمال مبارك ، لاسباب عديدة انت قولتها يا تامر واللي هيا بصراحة بترضيني فيه كشخص حاكم ، ده غير انه سنه صغير نقدر نقول انه "شاب" في المجال السياسي.

وعلى الاساس ده ف انا معنديش اي سبب يخليني أرفضه لحكم مصر وزي ما قولت في غياب البديل.

الموضوع جميل اوي وياريت نسمع بقية آراء.

وبأكد طبعاً على احترام آراء الجميل

، وياريت نلتزم في المناقشة الاسلوب الحضاري زي منا شايف لدى الغالبية بمناسبة الكلام عن الموضوع ده.

تسلم يا تامر

**LiMoO** · 16-02-2007, 02:37 PM

لمن لا يعرف جمال مبارك ... هذه نبذه مختصرة عن حياته

جمال محمد حسني مبارك هو الابن الأصغر للرئيس المصري محمد حسنى مبارك. ولد في القاهرة في عام 1963 ووالدته هي سوزان مبارك. يتولى حاليا منصب أمين السياسات في الحزب الوطني الحاكم في مصر.

درس جمال في المرحلة الابتدائية بمدرسة مسز وودلى الابتدائية بمصر الجديدة بالقاهرة ثم انتقل إلى مدرسة سان جورج الاعدادية والثانوية وحصل على شهادة الثانوية الانجليزية في عام 1980 ، ثم تخرج من الجامعة الأمريكية بالقاهرة في مجال الأعمال وحصل على ماجستير في إدارة الأعمال من نفس الجامعة. بدأ بالعمل ببنك اوف امريكا فرع القاهرة، ثم انتقل إلى فرع لندن حتى وصل إلى منصب مدير الفرع، وهو يعمل بصفة عامة في مجال الاستثمار البنكي.

وقد حصل جمال على عضوية الروتاري الفخرية في مايو 2001. خطيبة جمال ابن الرئيس المصري مبارك خديجة محمود الجمال ، 24 سنة ، تخرجت من قسم ادارة الاعمال بالجامعة الاميريكية في القاهرة ، وهي الجامعة نفسها التي درس فيها جمال مبارك والتحقت بها خديجة الجمال بعد ان حصلت على الثانوية العامة من المدرسة الالمانية في القاهرة . تهوى خديجة عزف الموسيقى والرياضة وتهتم بالشؤون العامة ويعرف عنها حسن الخلق وخفة الدم ، ويناديها اصدقاءها المقربون بـ "موني" . تعرفت على جمال مبارك اثناء مؤتمر سياسي عقدته الجامعة الاميريكية العام الماضي ، وبعدها التقيا في مناسبات عدة عائلية . وهي ابنة رجل الاعمال المعروف محمود الجمال الذي يعمل في مجال المقاولات وقامت شركته ببناء العديد من المشاريع العمرانية والقرى السياحية ، تمت الخطوبة يوم 3 مارس 2006 في حفل عائلي اقتصر على الاسرتين والاصدقاء المقربين فقط .

الحزب الوطني الديمقراطي
على عكس أخيه علاء مبارك يتواجد جمال بصورة أكبر على الساحة السياسية لمصر. دخل جمال مبارك الحزب الوطني بواسطة الرئيس (والده) سنة 2000 م كأمين لجنة السياسات وأصبح له وجود على الساحة السياسية المصرية وكون جمعية شباب المستقبل يطمح عن طريقها تكوين قاعدة شعبية له من الشباب الذين يتم تدريبهم فيها ومساعدتهم عن طريق التدريب وتقديم فرص العمل المناسبة لهم.

تولى جمال مبارك قيادة الحملة الإنتخابية لوالده في عام 2005 على مقعد الرئاسة، ووضح بها فكر جمال مبارك الذي يختلف عن الحملات الرئاسية السابقة له. و يتولى جمال مبارك موقعين مهمين في الحزب الحاكم وهما: الأمين العام المساعد للحزب الوطني الديموقراطي وأمين السياسات . ويعزى إلى أمانة السياسات العديد من الاصلاحات التي يشهدها الحزب والنظام السياسي بمصر. ويختلف المصريون في نظرتهم إلى اصلاحات جمال مبارك ما بين مؤيد متفائل أو معارض متشائم.

توجه بعض القوى السياسية المعارضة في مصر انتقادات حادة للنظام الحاكم متهمة اياه بالسعي لتوريث جمال مبارك رئاسة الجمهورية خلفا لوالده، بينما ينفي الحزب الحاكم ذلك ويقول بأن دخول جمال إلى سباق الرئاسة سيكون كأي مرشح آخر وأن مصر دولة جمهورية وليست ملكية.

اتمنى انها تكون اضافت لكم جديد

timoo · 18-02-2007, 05:02 PM

بجد ياجماعه انا فرحان جدا ان الموضوع عاجبكم....وشايف ارائكم كلها او معظمها مؤيد
للسيد جمال مبارك....واعتقد ان احنا شريحه مهمه من الشعب ده؟؟مش احنا شباب برضه
بس اللى انا متاكد منه ان راينا ده واخدينه لاننا الى حد ما متعلمين ومتابعين الاحداث..لكن اعتقد ان معظم
الشعب الغلبان نفسه فى تغيير.....
ميرسى جدا ليكم واتمنى اشوف باقى الاراء....
اه...كنت هنسى.....شكرا جدا يا اسلام على اضافتك دى بجد كملت الموضوع ...وواضح انك مش مطنشنى
غير فى الحقيقه بس...لكن على النت انت فى ضهرى...هههههههههه