كان نفسي أطلع ؟؟؟ .. كلمنا عن نفسك

**SweeT AngeL** · #1 (**permalink**) 15-02-2007, 10:03 PM

هاى يا جماعه انا جايبه موضوع مهم لفت نظرى وانا بتصفح شويه منتديات وحبيت انقله لكم واعرف رايكم فيه بصراحه واتمنى انه يعجبكم.

لما كان حد بيسألك زمان و انت صغير ::
نفسك تطلع ايه يا حبيبي؟؟
طبعا كل واحد هيقول أمنيته
حمادة أكيد كان جوابه دكتور.....و سوسو أكيد كان جوابها مدرسة

و روحي يا أيام و تعالي يا أيام
و تعدي السنين
حمادة عدى من عنق الزجاجة و دخل كليته و اتخرج و بقى ((باشمهندس)) أد الدنيا
أما سوسو ...ربنا كرمها و دخلت كليتها و اتخرجت و بقت ((كيميائية زي الفل))
إيه اللي حصل يا ترى؟؟

الأيام بتغير النفوس
و زي ما بتغير النفوس بتغير الأفكار
حمادة لقى ان ميوله مش في جهاز الضغط و السماعة
و سوسو اكتشفت ان تعليم طفل واحد اليومين دول جدول الضرب أصعب بكتير من بنا العمارات
علشان كده غيروا أفكارهم و ميولهم و قرارتهم المصيرية و بقوا حاجة تانية غير اللى كانوا عايزينها

يا ترى الكلام ده صح؟؟
عايزة رأيكم في الحوار ده
و بالمرة كل واحد يملى يملى الفراغات في الجملة دي::
أنا كنت عايز أطلع (.....) علشان كان نفسى أعمل (......) بس طلعت (......) علشان (........)

بالنسبة ليك انت ياللي لسه في الزجاجة ((قصدي الثانوية العامة)) و لسه المصير مش محدد
برضه تقول كان نفسك تطلع إيه؟؟ و لسه على قرارك و لا غيرته؟؟
و بتعمل ايه علشان تحقق حلمك

ترسل الاجابات على ص.ب ارب تو اوول دوت كوم
و تسلم باليد

timoo · 15-02-2007, 10:31 PM

هههههههه فكره جامده جدا.... بصى ياستى....

انا كان نفسى اطلع(صحفى او مزيع اعلامى يعنى)...علشان(فى الاول علشان ابقا مشهور...وبعدين علشان اقول رايىى فى كل حاجه)....وطلعت(طالب فى كليه حقوق).....علشان..(اتخايبت وانا فى الازازه..قصدى الثانويه العامه ومزاكرتش...فاذا بمكتب التنسيق يقذف بى الى كليه الحقوق..يللا نصيب...)

**GYGY2007** · 15-02-2007, 10:41 PM

فكره جميله يا روني بس انتي كده هتقلبي المواجع

انا كان نفسي اطلع مهندسه ديكور لاني بحب الديكور جدا
بس للاسف اللي خلاني محققش حلمي هي الفيزياء
لولاها كان زماني دالوقتي في فنون جميله قسم ديكور
يلا ربنا يسامحها بقي

موضوعك جميل يا روني وتقبلي تحياتي

**SweeT AngeL** · 15-02-2007, 11:06 PM

ميرسى يا تيمو وجى جى على اهتمامكم وردودكم

انا بقى كان نفسى اطلع مهندسه ديكور علشان كان عندى ذوق كده كل اللى اعرفه واقوله رائى فى اى حاجه تعجبه ويقولى فكره جميله بس طلعت (درست كتير مش طلعت) درس برمجه و بيزنس واداره مكتب وفى الاخر قاعده فى البيت بنش الدبان ههههههههه

**Shoshou** · 15-02-2007, 11:31 PM

اقتباس:

المشاركة الأصلية كتبت بواسطة SweeT AngeL [عزيزي الزائر يتوجب عليك التسجيل لمشاهدة الرابط للتسجيل اضغط هنا ]

بالنسبة ليك انت ياللي لسه في الزجاجة ((قصدي الثانوية العامة)) و لسه المصير مش محدد
برضه تقول كان نفسك تطلع إيه؟؟ و لسه على قرارك و لا غيرته؟؟
و بتعمل ايه علشان تحقق حلمك

اهو انا بقى ف الزجاجه اللى بتقولى عليها دى يا رونى

المفترض زى ما انتى عارفه انى خلصت نصها.. او تلت اربعها.. وكنت مشروع علمى.. وفشل

وطبعا زى ما قولتى المصير مش محدد.. وبصراحه لحد دلوقتى مش محدد.. يعنى ايام ما كنت ف علمى كان ليا طموحات جامده وحركات كده :thumbsup:
دلوقتى انا ف تالته.. وخلاص كلها 4 شهور واخلص والمفروووض بقى انى احدد هدخل كليه ايه

وللاسف بقى انا مش حاطه ف دماغى ااااى حاجه.. ولا نفسى ف حاجه معينه.. كل اللى هعمله انى هزاكر وامتحن واستنى النتيجه.. ومش عارفه هعمل ايه بعد كده

صعبت عليكي ولا لسه ؟ :whistlin:
المهم بقى مش هطول عليكي.. الخلاصه كده انى مش عارفه هعمل ايه..
بس خلاص

ارق تحياتى..