انت غير مسجل في منتديات العرب للجميع. للتسجيل..اضغط هـنـا  |
| |||||||
| التسجيل | التعليمـــات | ضوابط وقوانين | الكلمات الدلالية (Tags) | البحث | مشاركات اليوم | اجعل كافة الأقسام مقروءة |
| المنتدى العام هنا تطرح المواضيع ذات الصلة العامة التي لا تخص أي تنصيف من التنصيفات الموجودة أدناه. |
 |
| | LinkBack | أدوات الموضوع | تقييم الموضوع | طرق مشاهدة الموضوع |
15-02-2007, 08:47 PM
| ||||
| ||||
| لو بتتعامل مع واحد عصبي تعمل ايه ؟؟؟  لو بتتعامل مع واحد عصبي.. هاديك هنا شوية ملاحظات ممكن تساعدك في التعامل معاه.. :thumbsup: طيب.. بدل ما أزود عليك في الكلام.. خد الخلاصة:  لو إنت –مثلا– بائع في مكتبة.. وواحد جالك بيزعق وبيقول إنه عايز يرجع الكتاب لأنه مقطوع.. فتحت الكتاب لاقيت متشخبط فيه.. يعني غالبا الراجل هو اللي مبوظه.. تعمل إيه؟  فكر في الموقف ده.. الراجل مندفع وبيزعق ومتنرفز.. وإنت عارف العصبية بقى.. نتعامل ازاي في هذه الحالة؟ عموما.. لو بتتعامل مع واحد عصبي، خد عندك الملاحظات دي: 1- الموافقة: "ريتشارد باندلر" بيقول لك إيه بقى.. بيقول لك لو عايز تتواصل مع حد وتقدر تسيطر على تصرفاته وحركاته.. لازم تبدأ بالخطوة دي: الموافقة.. وافق على كل اللي بيقوله.. ماتحاولش تصطدم برأيه وهو في الحالة دي.. ده هيخليه يهدأ.. ماتستغربش.. لو قريت الحلقتين بتوع الخرائط 1، والخرائط 2 هتلاقي إن أي حد ممكن يكون في تفكيره جزء من الصح.. أو بمعنى آخر: كل واحد بيكون صح من وجهة نظره هو! حاول تفهمه وتجنب الاصطدام.. 2- صوتك.. هاحكي لك حاجة ظريفة قوي.. جرب اللعبة دي: كلم واحد صاحبك في التليفون.. كلمه بصوت عالي.. هتلاقيه بيرد عليك بصوت عالي! كلمه بقلق... هيرد بقلق!! فاهم حاجة؟ لو عايز تتحكم في مشاعر اللي قدامك، فأحد الأساليب اللي ممكن تتبعها هي: نبرة صوتك! لما تلاقي العصبي بيزعق.. اتكلم معاه عادي وبانفعال.. وتدريجيا: اهدا بنبرة صوتك واوصل إنك تبقى بتتكلم في هدوووووء.. ملحوظة: بلاش تبدأ الكلام بهدوء.. ماتحسسوش إنك بارد ومستفز ومش حاسس بيه أساسا!.. ابدأ الكلام بنبرة عادية عشان ماتكسرش الخطوة الأولى (الموافقة).. خليك منفعل قليلا وانخفض شوية شوية بنبرة صوتك.. تدريجيا اوصل لمرحلة الهدوء.. هتخليه يبدأ يهدا معاك.. 3- أعصابك في تلاجة! لو حد قرا في موضوع (إدارة الأزمات) هتلاقي أهم حاجة بيأكدوا عليها هي: اعزل نفسك عن المشكلة.. ولا كأنك في المشكلة.. إنت بتتفرج على فيلم!! المعنى: ماتحاولش تتفاعل مع الشخص وهو في حالة الثورة.. ماتاخدش على كلامه يعني.. لما تلاقي حد عصبي بيزعق لك وإنت مضطر تتعامل معه.. اعتبر دي لعبة بينك وبينه.. هو بيحاول يأثر على أحاسيسك وإنت مش عايز تتأثر.. فكر فيها كده.. مجرد لعبة.. أنا بارد ومش هاتأثر بكلامك.. هتصعبها عليّ؟ ولا هيهمني!! ومفيش مانع تدي نفسك درجة من عشرة في الآخر! لو معترض على كلام الشخص ده.. خليك بارد برضه.. واعرف إن ده مش الوقت المثالي إنك تعرض وجهة نظرك.. لأنها هتزيد الطين بلة! 4- ماحدش غلطان! هناك صفة غريبة غتيتة يتصف بها كل بني الإنسان! هذه الصفة اللعينة هي: حين تنتهي المشكلة.. يحاول الجميع مناقشة: مين الغلطان؟ هذه الفكرة البلهاء تعقد المشاكل أيا كإنت وتعوق حلها.. وتستغرق أطراف الخلاف وقتا أطول من اللازم في هذه النقطة التي لا داعي لها والتي لن تنتهي.. والتي -إن انتهت- فأحد الأطراف سيحمل مشاعر سلبية! حين تنتهي المشكلة لا تلم الشخص العصبي.. لا تدافع عن وجهة نظرك على حسابه.. لا تؤكد فكرة: أنا صح... إذن إنت غلطان! يقولون للمتزوجين الذين يعانون من هذه المشكلة تحديدا: هل تريد أن تكون –دائما– على صواب؟؟ أم تريد أن تكون متزوجا؟؟ دعك من الرغبة الطفولية في أن تثبت أنك على صواب طيلة الوقت.. يكفيك أنك قد حللت الخلاف.. كفاية دي! الخلاصة: لو إنت –مثلا– بائع في مكتبة.. وواحد جالك بيزعق وبيقول إنه عايز يرجع الكتاب لأنه مقطوع.. فتحت الكتاب لاقيت متشخبط فيه.. يعني غالبا الراجل هو اللي مبوظه.. الرجل: ماينفعش الكلام ده.. ده تهريج.. إنت (في قلق): خير يا فندم؟ (القلق = موافقة) الرجل: الكتاب مقطوع ولازم أرجعه.. إنت (صوتك بيهدأ): يا خبر!! ازاي ده يحصل؟ وريني كده (موافقة).. الرجل: إنتم حرامية ولصوص ودي سرقة..  إنت (وأعصابك في ثلاجة): فعلا مش ممكن تشتري كتاب مقطوع.. ده مايصحش وأنا هاساعدك ومش هاسمح بده.. (موافقة قوي!)  الرجل (وقد هدأ): طيب.. بدل لي الكتاب بقى.. إنت: بس فيه مشكلة.. الظاهر إن فيه حد عند حضرتك شخبط غلط على الكتاب.. (لا أنا ولا إنت غلطان!) عايز أساعدك فعلا بس نعمل إيه؟ (أشركته في المشكلة وحسسته إن إنتم في قارب واحد ومش ضد بعض)..  الرجل (في حرج): ياه.. معاك حق فعلا.. طيب مش مشكلة.. هابقى أتصرف في القطع ده..   |
| إرتباطات دعائية |
  |
|
15-02-2007, 09:04 PM
| #2 (permalink) | |
| don't ask me who i am       |  رد: لو بتتعامل مع واحد عصبي تعمل ايه ؟؟؟ اقتباس:
 اقولك حاجه يا جيجي انا احيانا بكون بارد جدااً طبعاً ده بسبب طبيعه شغلي لاني بشوف الحلو و الوحش و الغبي و .... الخ فلازم اتعامل مع كل الاشخاص و اعرف اتعامل مع كله يعني من كذا يوم دخلي واحد تقريباً " عبيط " فلازم اتعامل معاه بالعبط و البرود و في النهايه شكرا جيجي و فعلا استفدت حجات هبقي اعملها  و هجربها  | |
| |
|
15-02-2007, 09:31 PM
| #4 (permalink) |
| قلم فعال   | رد: لو بتتعامل مع واحد عصبي تعمل ايه ؟؟؟ انجي انت بجد متشكر اووي علي الموضوع الجامد دة . علي فكرة انا زي محمد في نفس المجال يعني بشوف كل الشخصيات الغبي والعصبي والمغرور وكل الصفات دي . ميرسي كتير علي الموضوع يا جي جي ومنتظرين المزيد.. مع ارق تحياتي......... |
|
| |
|
15-02-2007, 10:35 PM
| #6 (permalink) |
| قلم نشيط جداً  | رد: لو بتتعامل مع واحد عصبي تعمل ايه ؟؟؟ لو بتتعامل مع واحد عصبي.. هاديك هنا شوية ملاحظات ممكن تساعدك في التعامل معاه.. :thumbsup: ] اعتقد هنا مش متحدد اذا كانت نصيحه للعصبى او لاى حد!!!!!1 على العموم عادى يعنى الاختلاف فى الراى لايفسد للود قضيه شكرا على اهتمامك بالتوضيح يا ميزو |
|
| |
|
15-02-2007, 10:47 PM
| #7 (permalink) |
| قلم ذهبي  | رد: لو بتتعامل مع واحد عصبي تعمل ايه ؟؟؟ شكرا يا جماعه لاهتمامكوا بالموضوع ومعلش يا ميدو الواحد لازم يستحمل مش بيقولوا اكل العيش مر وشكرا كمان ليك يا ميزو وشكرا لتوضيحك اما بالنسبه ليك بقي يا تيمو فالعصبيه مش كويسه خالص فانت حاول تبقي هادي وتتعامل مع الامور بشكل عادي ولو لاقيت واحد مستفز واستفزك اعمل زي مالموضوع بيقول وتعالي علي نفسك شويه واتعامل معاه وتقبلوا خالص تحياتي |
|
| |
|
15-02-2007, 11:14 PM
| #8 (permalink) | ||
| بـ وحيده ـدونك  | رد: لو بتتعامل مع واحد عصبي تعمل ايه ؟؟؟ كلام جميـــــــــل يا جيجي فعلا.. وفعلا زى ما تيمو قال.. هيبقى فيه مشكله لو اصلا الشخص العصبى هو انتى  وللاسف فيه طبيعه شغل بتفرض عليكي تتعاملى مع كل الناس بكل الشخصيات.. وتتحمليها ومش بمزاجك.. بس فيه سؤال يا جيجي انتى قولتى ف الموضوع اقتباس:
اقتباس:
 وميرسي كتييييير لموضوعك بجد حلو اوى وخفيف مووت.. ومنتظرين مزيدك ان شاء الله.. ارق تحياتى.. | ||
| |
|
16-02-2007, 02:26 AM
| #9 (permalink) |
| قلم نشيط    | رد: لو بتتعامل مع واحد عصبي تعمل ايه ؟؟؟ شكراً يا جىجى على الموضوع الجميل و انا برضو حاطط اعصابى فى تلاجة زى ما انتى بتقولى و احب اوضحلك ان المحل اللى ميزو شغال فيه جنب المحل اللى ميدو شغال فيه و المحل اللى انا شغال فيه جنب المحل اللى ميزو شغال فيه يعنى الزبون بيعدى علينا على التوالى  |
|
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | تقييم هذا الموضوع |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| موسوعه نكت مصريه 100 فى الميه | SOSO | المنتدى الترفيهى | 8 | 07-06-2008 04:35 AM |
| هل تعلم ... | Elzoghby | الساحة الاسلامية | 5 | 17-01-2007 06:05 AM |
| اجدع نكت مصرية | كاريمان | المنتدى الترفيهى | 5 | 13-04-2005 10:21 PM |
| جتلكم بشويه نكت على كفيكم ؟؟؟ | Mr Mahmoud | المنتدى الترفيهى | 4 | 31-01-2005 04:37 PM |
| فاصل من الفكاهه | رولا | المنتدى الترفيهى | 4 | 08-09-2004 08:24 PM |
العرض العادي
