قصــة حــــب

الحبيب الضائع · #1 (**permalink**) 14-02-2007, 09:32 AM

بتقولي احكيها؟ حكايتهم قدامي غريبه
صورتهم على بالي بعيده قصتهم بجد حقيقه
دنيتهم مع بعض سعيده هاحكيها والدمعه قريبه
كان زمان حبيب وحبيبه الحبيب غيور والحبيبه عنيده
ايامهم مع بعض كتيره اوقاتهم مع بعض قليله
بس عاشوها كأنها طويله ليالي حب ليالي جميله
مليانه شوق,مليانه فرح ليالي نسيوا طعم الجرح
كانوا يختلفوا يوم,يتخاصمو يوم,لكن الخصام مايدوم
كانوا يحلفوا مايدوقوا النوم طول ما الحب منهم محروم
وتمر اليالي وتدور السنين وهما على حالهم عاشقين
وفي اليوم الموعــــــــــود يوم ما اختلفت كل الوعود
وانفرطت حبات العقـــــــود واتحولت القطط لاسود
ينجرح قلب الحبيــــــــب وجرح الحبيب ماله طبيب
من كلمه قالتها الحبيبه حولــــــت حياته كئيبه
وهدمت الاماني البعيده وهزمت الامال السعيده
ويكون الفراق النهايه ونقول للجرح البدايه
وتنتهي بكده الحكايه ونقول للمخرج كفايه
ويسدل ستار المسرحيه والحبيب هو الضحيه
وتفضل حكايتهم ذكره ننشغل بيها عن بكره
اسمهم لسه في خيالي صورتهم لسه قدامي
اساميهم في الجرح دائمه الحبيب ضائع,والحبيبه حائره

**amato_allah** · 14-02-2007, 03:35 PM

machkour akhi bijad hilwa wi rabina yikhalik lina tijib lina kasayid aktar wi aktar

**Shoshou** · 14-02-2007, 08:51 PM

هى دى بقى اللى انت سميت نفسك على اسمها ؟

بجد حلوه اوى يا وليد.. ولو انى صعب ان الحب ينتهى بكلمه كده

عموما ميرسي كتير لموضوعك يا وليد.. ومنتظرين المزيد ان شاء الله

ارق تحياتى..

**GYGY2007** · 14-02-2007, 08:57 PM

ايه الجمال ده يا وليد بجد تحفه
هي صحيح نهايتها مش تمام
بس فعلا انت جامده جدا
ومتحرمناش من الحاجات الحلوه دي

الحبيب الضائع · 15-02-2007, 07:36 PM

مشكورة يا سارة على مرورك الكريم

شوشو اشكرك كثيرا لوجودك الدائم معي في قصائدي
واتمنى ان اكون عند حسن ظنك بي
وفعلا بداية من القصيدة دي وانا اخدت الاسم منها

شكرا يا انجي على مرورك وردك الرائع
واتمنى ان تنول كلماتي دائما اعجابك

تقبلوا مني اخواتي الفضليات ارق اواسمى تحياتي ..,