انت غير مسجل في منتديات العرب للجميع. للتسجيل..اضغط هـنـا  |
| |||||||
| التسجيل | التعليمـــات | ضوابط وقوانين | الكلمات الدلالية (Tags) | البحث | مشاركات اليوم | اجعل كافة الأقسام مقروءة |
| المنتدى العام هنا تطرح المواضيع ذات الصلة العامة التي لا تخص أي تنصيف من التنصيفات الموجودة أدناه. |
 |
| | LinkBack | أدوات الموضوع | تقييم الموضوع | طرق مشاهدة الموضوع |
31-01-2007, 09:30 PM
| ||||
| ||||
| ¤¤¦‡¦ إعاده التأطير ¦‡¦¤¤  إيه العنوان الغلس ده؟ لكن أعمل إيه بقى؟؟ ازاي أقول على (إعادة التأطير) غير إنها (إعادة تأطير) ؟؟ مالهاش حل يعني.. ده مبدأ مهم قوي في البرمجة اللغوية العصبية.. وبيها ممكن نحل مشاكل كتير جدا بتواجهنا في حياتنا العملية ********* معنى إعادة التأطير إعادة التأطير أو REFRAMING يعني لغويا إننا نحط اللوحة بتاعتنا في برواز جديد علشان نشوفها بشكل مختلف يعني نشوف الحاجة اللي عندنا (في ضوء مختلف) علشان نشوفها بطريقة مختلفة احنا اللي بنحكم على الأشياء.. احنا اللي بنحط المعاني للأشياء.. لو اتنين بصوا لدبلة مثلاً.. إيه أحاسيسهم ناحية الدبلة دي؟؟ لو واحد ناجح في خطوبته هتفكره الدبلة بالسعادة.. لو واحد فسخ خطوبته هتفكره بالألم والحزن مع إن الدبلة هي الدبلة.. لكن نظرتنا ليها هي اللي خلتها تأثر فينا بطريقة مختلفة إعادة التأطير بقى هي إننا نغيّر النظرة لأي شيء أو موقف أو شخص.. علشان نستثير في داخلنا الشعور الإيجابي اللي احنا محتاجينه في حياتنا إيه ده.. هو ينفع؟؟ أيوه طبعا ينفع.. مش قلت لكم برمجة دماغ؟؟ ********* تطبيقات إعادة التأطير إعادة التأطير -زي ما قلنا- هي إننا ننظر لأي حاجة بشكل مختلف.. وبكده نقدر نشوفها أفضل ونتخلص من الطاقة السلبية اللي جوانا ناحيتها واحد صاحبنا خطيبته لم تتصل به اليوم.. أكيد فيه أفكار كتير ممكن تدور في ذهنه ساعتها أكيد بتحضر لي مفاجأة دي بطلت تحبني أكيد حصل لها حاجة بيتهم ولّع حماتي في المستشفى دي أمثلة من الأفكار اللي ممكن تيجي على بال صاحبنا ده.. طيب.. كل فكرة من دول عملت فيه إيه؟؟ أكيد بتحضر لي مفاجأة فكرة أصابته بالسعادة دي بطلت تحبني فكرة أصابته بالإحباط أكيد حصل لها حاجة فكرة أصابته بالقلق بيتهم ولّع فكرة أصابته بالخوف حماتي في المستشفى فكرة أصابته بالحزن أو الفرح.. حسب ********* عايزه أقول إيه هنا؟؟ عايزه أقول إن القلق والمشاعر السلبية اللي بنشعر بيها.. بيكون سببها مش الظروف الخارجية المحيطة.. لكن سببها هي الطريقة السلبية اللي بنفكر بيها طول الوقت يعني موقف زي اللي فات ده.. هو نفس الموقف لكن الأحاسيس الناتجة عنه بتختلف حسب طريقة تفكيرك: سعادة، إحباط، قلق، خوف، حزن، فرح.. مع إن هو نفس الموقف صح؟؟ يبقى زي ما اتفقنا قبل كده: السعادة مالهاش علاقة بالظروف المحيطة خالص.. ليها علاقة بطريقة تفكيرنا ونظرتنا لهذه الظروف الأفكار ليها قوة بتتحكم فينا عشان كده لازم نراقب أفكارنا إعادة التأطير بقى هي إننا ننظر للموقف بطريقة أخرى تقضي على مشاعرنا السلبية دي طب مثال.. رئيسك في الشغل دايما بيتعمد التقليل من شأنك قدام الزملاء.. لازم تتحمله طبعا ولا يوجد ما يمكن عمله هترد عليه يعني؟؟ وفي كل مرة بيعمل كده بيخليك متضايق طبعا.. ما الحل؟؟؟ الحل هو إعادة التأطير.. وهو واقف بيزعق لك فكر في الموقف بطريقة مختلفة أكيد عنده عقد نقص بيطلعها عليك أكيد مراته بتضربه في البيت عشان كده جاي متضايق أكيد عنده مرض خطير وهيموت خلال أيام.. يا حرام عانى من طفولة بائسة عشان كده عايز يثبت نفسه أكيد الراجل ده بيحبك ومابينامش الليل من حبك.. لكن بيحاول يداري مشاعره بالزعيق ده الراجل ده عنده ديل مخبيه تحت البنطلون، وهو بيهزه دلوقتي عنده مرض عقلي وعلاجه إنه يزعق لك إنت من حين لآخر زي ما إنت شايف في المثال ده.. مش لازم إعادة التأطير يبقى حاجة منطقية أو عقلية... ممكن تكون خيالية ولا تخضع للمنطق أصلا.. لكن إيه الإحساس اللي أثارته فيك؟؟ ********* نفس الموقف اللي بيحصل لك كل يوم.. المدير بيزعق لك.. لكن مع إعادة التأطير بدل ما تشعر بالضيق والقلق واللي هينعكسوا على شغلك.. قدرت إنك تتحكم في القلق وتستبدله بمشاعر إيجابية لطيفة زي: الشفقة، السخرية، السعادة، المرح، تقدير الذات....... إلخ اتدرب على الموضوع ده في أي موقف بيخليك تشعر بالقلق والضيق... عشان تستبدله بمشاعر تخلي حياتك أسعد.. وتخليك تقدر تواصل مهامك في الحياة ********* القلق مالوش علاقة بالظروف المحيطة.. القلق له علاقه بمخنا اللي شغال ليل نهار يفكر في بلاوي!! يا ترى الأولاد اتأخروا ليه؟؟ يا ترى نتيجة الامتحان إيه؟؟ يا ترى.. يا ترى... شفت؟؟ يبقى لما نتحكم في طريقة تفكيرنا السلبية هنقدر نخلي حياتنا أسعد.. مهما كانت الظروف اللي حوالينا فيه ناس أغنياء تعساء وفيه ناس فقراء سعداء إذن المقياس هو إنت نفسك وطريقة نظرتك للأشياء.. مش الظروف اللي حواليك ولا انتوا ايه رأيكوا ؟  ارق تحياتى ..  |
| إرتباطات دعائية |
  |
|
31-01-2007, 09:43 PM
| #2 (permalink) |
| مؤسس الموقع        |  رد: ¤¤¦‡¦ إعاده التأطير ¦‡¦¤¤ اكيد يا شوشو الانسان كون انه متفائل او متشائم بتختلف نظرته لكذا حاجة. لو انك جبتي كباية ميا ومليتي نصها وقولتي لحد الكباية دي مالها ... ممكن يقول نصها فاضي وده بيكون تعبير عن التشائم ، وممكن حد تاني يقول دي نصها مليان وده بيكون تعبير عن التفاؤل. خلاصة القول زي منا شوفت ان ممكن يغير الانسان من نظرته للحاجة "برمجة دماغ" بس بيكون افضل طبعاً لما بيكون حد جنبه يعني اوقات قليلة لما بيكون لوحده وبيمارس الكلام ده ، او ممكن مثلاً مواقف تحصله بتغير نظرته للحاجة. موضوع جميل اوي يا شوشو ومستني رأي باقي الاعضاء بالتوفيق للجميع |
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | تقييم هذا الموضوع |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ¤¤¦‡¦ Keira Knightley ¦‡¦¤¤ | Shoshou | صور الفنانين والفنانات | 0 | 08-11-2007 09:00 PM |
| ¤¤¦‡¦ الجزء الثالث : كـن نجــما في ســماء الزكـــــــاة ¦‡¦¤¤ | محبة الرحمن | الساحة الاسلامية | 10 | 08-05-2005 11:44 PM |
| ¤¤¦‡¦ الجزء الثانى : كـن نجــما في ســماء الصــــلاة ¦‡¦¤¤ | محبة الرحمن | الساحة الاسلامية | 22 | 03-05-2005 01:44 AM |
| ¤¤¦‡¦ الجزء الاول : كـن نجــما في ســماء الطــهارة ¦‡¦¤¤ | محبة الرحمن | الساحة الاسلامية | 13 | 03-05-2005 01:34 AM |
| ¤¤¦‡¦ مفــاجـــــــأة الســــــاحة الإســــــلاميـــة ¦‡¦¤¤ | محبة الرحمن | الساحة الاسلامية | 22 | 02-05-2005 08:26 AM |
العرض العادي
