| |||||||
| التسجيل | ضوابط المنتدى | الكلمات الدلالية (Tags) | التعليمـــات | البحث | مشاركات اليوم | اجعل كافة الأقسام مقروءة |
| المنتدى العام هنا تطرح المواضيع ذات الصلة العامة التي لا تخص أي تنصيف من التنصيفات الموجودة أدناه. |
¤¤¦‡¦ بتتكلم ازاى مع الناس ؟ (2) ¦‡¦¤¤
تصفح موضوع ¤¤¦‡¦ بتتكلم ازاى مع الناس ؟ (2) ¦‡¦¤¤ في المنتدى العام; عنوان غريب مش كده؟؟ ده الجزء التانى اللى وعدت انى هنزله بعد موضوع [عزيزي الزائر يتوجب عليك التسجيل لمشاهدة الرابط للتسجيل اضغط هنا ] عمرك لقيت إنك مش عارف تتواصل ...
 |
| | LinkBack | أدوات الموضوع | تقييم الموضوع | انواع عرض الموضوع |
20-01-2007, 01:36 PM
| ||||
| ||||
| ¤¤¦‡¦ بتتكلم ازاى مع الناس ؟ (2) ¦‡¦¤¤  عنوان غريب مش كده؟؟ ده الجزء التانى اللى وعدت انى هنزله بعد موضوع [عزيزي الزائر يتوجب عليك التسجيل لمشاهدة الرابط للتسجيل اضغط هنا ] عمرك لقيت إنك مش عارف تتواصل مع حد معين؟؟ رغم إنك فعلا عايز تكلمه؟ لقيت مرة واحد مابتحبّش تتكلم معاه خالص؟؟ كده لله في لله؟؟ هل مرة لقيت إنك مش عارف تبيع سلعتك للزبون بتاعك رغم إنك حاولت بكل إخلاص؟ أكيد أيوه.. مش كده؟ طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها (التحدث بإيجابية) ********* في البداية عايزه أوضح لك حاجة مهمة جدا عن عقلنا اللاواعي هنعرفها من المثال الصغير ده : هاقول لك جملتين عايزاك تركز فيهم اوي وتنفّذ اللي فيهم ماتفكرش في وردة حمراء اممم.. ينفع؟ طيب خد دي كده ماتتخيّلش سيارة سوداء ها؟ خدت بالك من اللي حصل ده؟؟ أكيد أكيد فكرت لا إراديا في الوردة الحمراء وفي السيارة السوداء كمان ********* إيه اللي حصل ده؟ اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعلشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء يعني إيه؟؟ يعني لو أنا عايزه أأثر على العقل اللاواعي للشخص اللي باتكلم معاه, ومش عايزاه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟ ********* طبعا المسألة مش مسألة وردة حمراء وسيارة سوداء عشان تفهم قصدي اقرا الأمثلة دي البائع: الأسعار بتاعتنا مش غالية.. احنا مش حرامية ونصابين الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية ونصابين) هيفهم منها إنهم (حرامية ونصابين).. ده أكيد يبقى المفروض البائع يقول مثلا: أسعارنا مناسبة جداً.. احنا يهمنا ثقة العملاء ********* نفهم من كده إيه؟؟ نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض الطبيب: ماتخافش.. الحقنة مش بتوجع خالص ها.. إيه رأيك في المثال ده؟؟ يلاّ نطلع الكلمات السلبية : أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف ثاني كلمة سلبية هي: (مش بتوجع).. دي هتخليه يتخيل الألم والوجع يبقى المفروض يقولها ازاي؟؟ الطبيب: اطمئن.. هتحس براحة بعد ثواني (ملاحظ إننا ماذكرناش كلمة "حقنة" أصلا؟) تجنب الكلمات السلبية زي: ماتخافش، ماتقلقش، زي شكة الدبوس كلّمه يا دكتور عن الراحة والشفاء وإن حقنة البنج مريحة لأنها حقنة بنج أساساً ********* خدت بالك؟ ببساطة لأن هي دي الحقيقة, بس المهم هنوصلها له بأي طريقة؟ البنت لخطيبها: ماتقلقش يا حبيبي.. عمري ما هاخونك أو أكرهك طبعا كلنا حسينا بصدمة من الكلام ده.. لكن احنا عرفنا ليه.. عشان الكلمات السلبية زي: ماتقلقش- هاخونك – أكرهك المفروض الجملة دي تتقال كده البنت لخطيبها: اطمئن يا حبيبي.. أنا مخلصة لحبنا وهافضل أحبك على طول شايف الجمال اللي في المعنى؟؟ مع إننا ممكن نلاحظ ببساطة إن الجملتين لهم نفس المعنى ********* نستفيد من الكلام ده إيه بقى؟؟ نخش ع المفيد.. مهم جدا معنى الكلام الذي نقوله.. والأهم هو: كيف نقول هذا المعنى استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس..واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات السلبية على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهوّن على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات الإيجابية ********* قبل ما نختم بقى تعالوا نلعب لعبة اختار الجمل والكلمات الإيجابية اللي توصل المعنى بصورة صحيحة, وحط قدامها علامه: صح أنا مش عبيط.. أنا فاهم كل حاجة صح غلط خليك ذكي وركز معايا صح غلط الجو النهارده كويس صح غلط ياباشا البضاعة بتاعتي مش بتعفن بسرعة صح غلط ماتقلقش.. الموضوع بسيط صح غلط هابطّل السجاير, واكون إنسان جديد صح غلط البارفان ده ريحته مش وحشة خالص.. بالعكس صح غلط ماتفتكرش إن صحتي راحت.. أنا زي الفل صح غلط مش هاخذلك يا معلّم صح غلط أنا إرادتي قوية جدا.. ثق في كده صح غلط ماتبقاش غبي يا بني آدم.. فتّح مخك معايا صح غلط بحبك صح غلط طبعا حلّيت الواجب كله لوحدي..إنت فاكرني باكدب؟ صح غلط ********* حلها بقى بروقان واعرف إنت بقيت متحدث إيجابي ولاّ لأ مرّن نفسك من النهارده على إن كلامك يكون إيجابي.. ولاحظ الفرق اللي هيحصل في حياتك ماشي يا جماعة.. حط بقى مرادفات (إيجابية) للجمل (السلبية) اللي فاتت لو حبيت.... وظبط نفسك وطريقه كلامك من دلوقتى.. "منقول مع بعض التعديلات" ارق تحياتى..  |
| إرتباطات دعائية |
رد: ¤¤¦‡¦ بتتكلم ازاى مع الناس ؟ (2) ¦‡¦¤¤ 
رد: ¤¤¦‡¦ بتتكلم ازاى مع الناس ؟ (2) ¦‡¦¤¤ 
|
| مواقع النشر (المفضلة) |
| أدوات الموضوع | |
| انواع عرض الموضوع | تقييم هذا الموضوع |
العرض العادي
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ¤¤¦‡¦ عرفت طريق المنتـــدى ازاى ؟ ¦‡¦¤¤ | Shoshou | الترحيب والاهداءات | 79 | 28-09-2008 02:12 AM |
| ¤¤¦‡¦ للناس اللى بتعانى م النحافه.. ازاى تزود من وزنك ؟ ¦‡¦¤¤ | Shoshou | منتدى الطب والصحة | 5 | 07-09-2007 12:50 AM |
| ¤¤¦‡¦ بتسخن العيش ازاى ؟ ¦‡¦¤¤ | Shoshou | منتدى الطب والصحة | 12 | 06-03-2007 09:28 PM |
| ¤¤¦‡¦ احنا بس بالهيروغليفي (2) ¦‡¦¤¤ | Shoshou | المنتدى العام | 16 | 24-02-2007 09:26 AM |
| ¤¤¦‡¦ تعرف تعمل زى الناس دى ؟ ¦‡¦¤¤ | Shoshou | ألبوم صور المنتدى | 14 | 19-02-2007 12:14 PM |
الساعة الآن 05:44 PM.
