ليه .. ليه ؟؟؟

Elzoghby · #1 (**permalink**) 20-01-2007, 11:51 AM

ليه .. ليه
>
>ليه لما نيجى نمشى فى المطر لظروف إستثنائية بنروح رافعين أكتافنا لفوق ؟
>هاتعمل إيه يعنى
>ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت
>أو راديو السيارة ؟
>ليه لما بتكون بطارية الريموت شبه فاضية ، بنضغط على الزراير جامد ؟
>ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
>ليه بنقول هدية مجانية ..؟ مش المفروض إن الهدية تكون مجانية
>ليه لما نكون جوه المنزل والسماء بتمطر بنسأل هو الجو بيمطر بره ؟ هى عمرها
>مطرت جوه
>ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا
>نتأكد
>؟
>ليه الخدمة بتكون سريعة لما المطعم يكون مزدحم أكتر من لما يكون نص نص ؟
>ليه لما الواحد بيركن السيارة فى موقف فاضى اللى جاى وراك بيركن جنبك ؟
>ليه دايما لما حد بيجري يلحق الأتوبيس تلاقيه مبتسم أو بيضحك ؟
>ليه بنفتكر إن لما ندوس على زرار الأسانسير كتير هاييجى بسرعة ؟ أو مثلا ليه
>لو واحد جه بعديك وأنت مستنى الأسانسير بيدوس على زرار الأسانسير ولا كأنك
>موجود ؟
>ليه وإحنا بنأكل الطفل الصغير فى فمه بالملعقة .. بنفتح فمنا ؟
>ليه دايما عندنا إستعداد تام إننا نصدق أى حد بيكلمنا فى ودانا .. بيوشوشنا ؟
>ليه لما بنتصل بالتليفون .. دايما النمر الغلط مابتكونش مشغولة ؟
>ليه دايما لوحة أرقام التليفون أو الموبايل بتكون عكس لوحة أرقام الآلة
>الحاسبة أو حتى أرقام الكيبورد ؟ وبمناسبة التليفون....
> ليه لما واحد يعطيك رقم تليفونه بيقوله بسرعة ؟
>ليه عمرنا ماإستمتعنا بالموسيقى فى التليفون لما نكون على الإنتظار ؟
>ليه لما بنصحى من النوم دايما بنحس إن كمية النوم ناقصها عشر دقايق ؟
>ليه الشخص اللى بيشخر وهو نايم دايما بينام الأول ؟

**Shoshou** · 20-01-2007, 01:05 PM

بجد اسئله منطقيه اوووى :D
بس ملهاش اجابات للاسف..
لكن كلها كلها كلها صـــح..
ميرسي شريف للموضوع العسول ده.. ومنتظرين مزيدك ان شاء الله..

ارق تحياتى..

smsma · 20-01-2007, 03:30 PM

اسئله جامده موووووووووووت ... بجد حلوه اوى انا فى حاجات انا بعملها واكتشفتها فى الاسئله دى واقعدا اضحك على نفسى ... بس الاسئله دى ملهاش اى اجابه . المفروض ان اجابه اى سؤال فى دول هى ((( عادى))) . ارق تحياتى واتمنى المزيد