¤¤¦‡¦ مين ممكن تمنحه ثقتك ؟ طب ولو خانها ؟ ¦‡¦¤¤

**Shoshou** · #1 (**permalink**) 16-01-2007, 01:06 PM

الثقه هى احلى حاجه ف الدنيا.. وخاصه ف الزمن اللى احنا فيه.. اللى مش ممكن ابدا تحط فيه مقياس ثابت لتصرف اى شخص.. ومعندناش غير الاحتمالات..

الثقه شئ كبير بين الناس.. من غيره الدنيا بتبقى وحشه.. مش هيكون فيه علاقات بين البشر.. ومش هنشوف جواز ناجح.. ومش هنشوف مستشفيات مليانه داكتره. ولا صدافه.. ولا محبه.. ولا صدق.. ولا امانه.. ولا.. ولا .. ولا..
بجد الثقه شئ كبير.. الحمد لله على النعمه دى..
وجميل اوى ان شخص معين يثق فيك.. وجميل برضو انك تثق ف نفسك وف الناس اللى حواليك.. تشتكى ليهم ويشتكوا ليك.. وتأتمنهم على اسرارك وهم كمان يأتمنوك على اسرارهم.. وتقولهم على مشاعرك اياً كانت..

جميل انك تلاقى اللى يسمعك ويشاركك.. ممكن ينتقدك وممكن ينصحك.. وممكن يفرح لك

مين بقى اللى ممكن نثق فيه ؟ ومين اللى ممكن نرتاحله ؟ وليه بنختار حد ونقول هو ده ومنختارش غيره ؟
هل هو التوقيت..؟
ولا احساسنا الداخلى من ناحسه الشخص ده ؟
ولا طريقه الشخص نفسه وهو بيسمعنا ؟

احساس حلو لما تسمع ماضى شخص او مشكله او سر او فرحه او حب او حزن..
عشان معاه هتحس انك كسبت ثقته.. اللى كان صعب اى حد يكسبها ف الوقت ده..

ليه بقى فيه ناس بتخون الثقه دى !!

بجد والله يعنى ليه ؟ وليه يكسروا قلب وعقل اللى وثق فيهم ؟

ليه ف لحظه واحده الثقه دى كلها تختفى ؟!

فكروا ف الموضوع بقى وادونى ردودكوا..

وسورى لو طولت عليكوا.. بس بجد عايزه اعرف رأيكوا..

ارق تحياتى..

**GYGY2007** · 16-01-2007, 05:50 PM

بصي يا شوشو اولا انا بشكرك علي موضوعك الجميل ده لان هو فعلا انتشر اوي

ثانيا بقي انا عايزه اقول ان الثقه دي اجمل حاجه في الدنيا وخصوصا لما تكوني بتثقي في شخص قريب منك

وتقدري تحكيلوا مشاكلك من غير احراج او خوف وتلاقيه بيسمعلك وينصحك ويقف جنبك لحد ما تخرجي من

المشكله اللي انتي فيها

وان كان في ناس بتخون الثقه دي فالعيب مش منهم العيب من اللي من الاول وثقوا فيهم

وائتمنوهم علي اسرار ان كانوا اصحاب او ائتمنوهم علي قلبهم لو كانوا بيحبوا بعض

وفعلا الموضوع ده محتاج اراء كتير علشان نعرف ايه السبب في الخيانه وعدم الثقه

**Shoshou** · 16-01-2007, 08:06 PM

اقتباس:

المشاركة الأصلية كتبت بواسطة GYGY2007 [عزيزي الزائر يتوجب عليك التسجيل لمشاهدة الرابط للتسجيل اضغط هنا ]

وان كان في ناس بتخون الثقه دي فالعيب مش منهم العيب من اللي من الاول وثقوا فيهم

ماهو فيه ناس بتعرف تمثل صح يا جيجي

للاسف بنصدقهم وبنثق فيهم وهما ميستاهلوش الثقه دى..

**GYGY2007** · 16-01-2007, 08:30 PM

بس صدقيني يا شوشو بيبان مع الايام

واي اكيد مش اول ما هيعرف حد هيثق فيه

لازم يكون بينهم الاول معرفه وبيبان مفيش حد بيمثل للنهايه

**babys_cuteness2** · 16-01-2007, 08:59 PM

اولا ده موضوع كبييييييييييييييييييييييير اوي فعلا ومنتشر زي ما انجي بتقول
بس انا هقولكوا حاجة بقي .... موضوع الثقة دة وان اتنين يثقوا في بعض ويتكلموا على الماضي وواحد فيهم يكون بيكدب مثلا او بيمثل علشان يضحك على اللي قدامه فده بيصحل مليون المية في النت ... انما في الحياه فده ممكن اقولك خمسين المية لان الاتنين بيكونوا قصاد بعض لو كدب هيتعرف .... في ناس هتقول ممكن يمثل مع احترامي الواحد يقدر يعرف الشخص اللي قدامه بيمثل ولا بيتكلم بجد .

في ناس اضحك عليها في الحقيقة وانجي ممكن تكون عرفه الموضوع ده كويس وبعض من الناس بس بعدها بيتحول الى شخص غير عادي ... قوي ... صعب ان واحد يضحك عليه تاني او يثق في اي حد بسهوله .

ياريت كل الناس تثق مرة ويضحك عليها علشان يتعلموا انهم ازاي يقدروا يفرقوا بين الثقة والضحك .. صدقوني دي حقيقة .

اول حب لكل شخص بيبقي صعب اوي اوي وصعب اي حد يشكك فيه حتى لو اقرب الناس ليه
الاخلاص والثقة في بين سهله اوي وخصوصا لما تتكلم عن الماضي زي ما شوشو قالت والمجتمع والبيئة والاهل دي بتخلي الواحد يثق في اي حد وممكن يتحول الى حب من غير ما يعرف ..

زي ما الناس بتحط فيتامينات في الاكل علشان الامراض والحفاظ على صحتهم وده مثال
في ناس بتحط كلام معبر وحساس علشان تكسب الثقة وتوصل لهدف معين وبعدها تنهي الموضوع ولا اكن يعروفها او تعرفه قبل كده وده بقي اكبر مرض .

ثقة الولد بالنسبة للبنت اقل بكتير بالنسبة لثقة البنت بالنسبة للولد .مع احترامي لكل الرجاله بس فكر في كلامي وانت هتلاقي كلامي صح .

خاين الثقة دة مو انسان ده حيوان بشري مفترس وده نهايته بتكون من شخص بيضحك علية وبيكسبه ثقته ويخونوا بردوا .

كسب الثقة ده بيكون طيبة قلب واحساس بريء وانسان طاهر بيعرف ربنا وده بيترتب على حسب البيئة والناس اللي تعامل معاهم .....

ديما الواحد لما بيتعامل بطبعته بيرتاح صدقوني ... التصنع والله عمروا ما بيوصل لنتيجة مهما كان في يوم من الايام بيحس انوا انسان وحش ومش كويس وبيبقي عارف وبيتصنع بردوا بس دي طبيعة من البشر مينفعش تتغير .. عملين زي النقش على الحجر مينفعش تمسحه الا لو كسرته يعني موته بمعني الاصح

وطولت عليكوا وبجد في كلام كتير بس للاسف محتاج وقت كتير
ومنتظرين مزيد من مواضيعك الشيقة يا شوشو
وللأمام دائما