ايه الي مش عاجبك؟

**klkashndy** · #1 (**permalink**) 12-01-2007, 12:23 PM

بسم الله الرحمن الرحيم

اظننا اننا كلنا طول ماحنا ماشين بنشوف حاجات ماتعجبناش او شايفين انها المفروض ماتكونش بالاسلوب دا او ناقصها حاجه معينه الخ ........

وعشان ساعات فعلا الواحد لما بيشوف حاجه غلط بيبقى متغاظ ومش طايق الي بيحصل

وبدل مالواحد من كتر الغيظ يطق ولا حاجه ياريت كل واحد لما يشوف حاجه ماتعجبوش يدخل يكتبها هنا عشان نقدر كلنا نستفيد من غلطات غيرنا

ياريت ان الي يكتب حاجه شافها ومش عاجباه ماتكونش موقف كبيرررررر اوي محتاج يتخصصله موضوع لوحده انما هنا هانكتب بس المواقف الغلط الي بنشوفها كل يوم ومش محتاجه نقاش جامد فيها

هابتدي انا

شفت ولاد كتيرررر اوي ماعندهاش زووووق خالص تلاقيهم مثلا في مدرج الكليه بتزنق على البنات عشان تدخل هيا الاول او عشان تقعد الاول وفي كتير مايفكروش يقومو لبنت او لراجل عجوز عشان يقعد مكانو وهوا عامل زي الشحط بس فالح كل يوم رايح الجيم وجاي من الجيم

ولو ماكنش كل واحد يقدر حاجات زي دي يبقى هاتترد ليه في امه او اخته او ولده لو كان كبير او ليه هوا شخصيا لما يكبر فايريت نراعي الحاجات دي

**GYGY2007** · 12-01-2007, 10:00 PM

شكرا علي موضوعك هو فعلا موضوع لازم كلنا نهتم بيه علشان نقدر نصلح من نفسنا

وانا شخصيا من اكتر المواقف اللي مبتعجبنيش تعامل الناس مع بعضها

بقي التعامل بعصبيه وهمجيه وبالفاظ مفيش واحد ماشي يحب يسمعها

يا ريت يا جماعه نحاول نحسن من سلوكنا لان ده اكيد هيصلح حاجات كتير

**Devoted** · 13-01-2007, 12:39 AM

موضوعك بجد يا احمد اثار اعجابى فعلا
بس المشكلة انى مش بهتم بحد وانا ماشى فى الشارع او اى حتة يعنى مش بحب اسمع لحد

هى دى مشكلة فعلا بس ان شاء الله هبقى اخد بالى وارد عليك تانى

**klkashndy** · 13-01-2007, 02:53 AM

مرسي للي ردو ويارورو مش لازم يعني تاخد الكلام بالحرف يعني مش لازم تكون ماشي في الشارع تشوف موقف مايعجبكش قول اي حاجه مش عاجباك

اوك انا هاقول كمان حاجه بجد مستفزه اووووووي بالنسبه ليا وهيا اني اوقات ببقى بصلي الجمعه في الجامع من بره وتلاقي واحد معدي وغالبا بيكون مكروباص ومعلي الكاست على اخررررره والخطبه شغاله فابيبقى صوت الاغاني اعلى من صوت الكاست

فيعني لو جنابه اي ديانه تانيه ومش مسلم يعني اقل نوع من الاحترام انك تحترم الناس الي بتصلي دي زي مانت تحب ان الناس دي تحترمك وانت في مكان عبادتك

لو مسلم بقى يبقى بجد لاحول ولا قوة الا بالله
يعني مش عايز تصلي اوك براحتك
مصمم تسمع اغاني وقت الصلاه برضو اوك انت حر
بتسمع الشارع كلو بما فيهم المسجد والشيخ بتاعو عدتك الجامده يبقى بجد حسبي الله ونعم الوكيل

ahmed farag · 13-01-2007, 03:16 AM

بجد موضوع جميل جدا واكتر حاجه بتضايقني بجد واتخنق منها هيا كلام الناس علي بعضها يعني ممكن تلاقي اتنين قاعدين مع بعض وبيتكلموا علي واحد اكيد طبعا مش بالخير خالص تاني واول ما الواحد ده يجيلهم الاتنين يقوموا يبوسوة ويقولوه احنا كنا لسه في سيرتك حالا بكل خير