تعيش الطلاق .. قبل أن تعيش معنى الزواج ..

**MaestrO** · #1 (**permalink**) 10-01-2007, 12:37 AM

سألقي بين أعينكم قصة .. وأتمنى أن تشاركوني رأيكم ..
قصة قد تكون بالنسبة للكل أنها معتاده .. وليس هناك مايثير أشجان القلب ..
لكن من تعيش هذه القصة .. تعيش هما كالجبل ..
هما كان ملازمها طوال حياتها .. وظنت بأيام بسيطة أنه قد غادرها ..
قصة فتاة .. تعيش ظلم من وثقت به وكنت له كل معنى الوفاء والتقدير
كل معنى الحب والإخلاص
فتاة كان حلم حياتها .. صدر زوج حنون يتوجها بحبه وحنانه .. زوج تنجب منه طفلا تتمنى من كل قلبها وجوده
تتمنى من كل قلبها سماع كلمة فطرت عليها ( أمي ) ..
تحلم ببسمة تسعدها بقية حياتها .. بعد فيض من الهم والحزن التي تعيشهما ..
قصتها .. أنها طرقت بابا من أبواب كانت تراه أنه طريق سخرها الله لها لتلتقي بفتى أحلامها وقرة عينها ..
باب .. موقع الزواج من خلال الإنترنت ..
اقتحمت عالمه ووجدت من تراه مناسبا .. رجل متزوج بالأربعين من عمره يحمل كل معاني الرجوله . ميزته أنها احترم مشاعرها ولم يبادلها كلمة تثير مشاعرها .. كان نعم الرجل بتعامله الراقي ..
. وبدأت مراسم التقدم للخطبه .. والنظرة الشرعية .. وووو
كانت تتمنى من كل قلبها أن يكون شريك حياتها .. فقد ملك قلبها بخلقه وتفكيره وتعامله الراقي
وخلال فترة الخطوبه .. احب كل واحد منهم الآخر حبا جنونيا خاصة من قبل الفتاة ..
حتى من الله عليهم بأن تمم أمرهم وكانت الملكه .. رباط الزوجية المقدس ..
ومن هنا بدأت معاناة الفتاة .. فقد تخلى عنها في منتصف الطريق ..
أتدرون لماذا ؟
لأنه لم يتحمل ردة فعل زوجته .. التي خيرته بينها وبين من سيتزوجها .. وبالطبع اختار أهون الأمرين ..
ماذنب هذه الفتاة ؟
ماذنب أهلها؟
ماذنب قلبها ؟
ماذنب ثقتها به بأنه سيحفظها ويصونها مهما كانت ظروفه ؟
أيعقل أنه لم يضع أمامه احتمالات ردة فعل زوجته؟
وإذا كان ليس أهلا بأن يتزوج زوجة ثانية لماذا يظلم فتاة لاحول لها ولاقوة ..
ولم تكسب منه سوى كسر قلبها المحطم .. وسمعتها بأنها مطلقه .. حتى ولو لم يمسسها ..
أرجو ان تشاركوني بردودكم ورأيكم ..
فالفتاة تعيش حياة نفسية غاية بالمراره ..
مااشد الظلم .. ماأشده ..

أخواني هذه القصة ليست مسوحاة من نسج الخيال ..بل قصة تحدث لمئات الفتيات في مجمتعا و لا يدفع ثمنها دائما غير الفتاة نتيجة لانانية الرجل و عنجهيته و سوء تقديره للامور.

فأرجو من الجميع الاجابة بمشاعر صادقة عن هذه الاسئلة.

**Travian** · 10-01-2007, 09:59 AM

على ما أعتقد ان الفتاة اللى انت بتتكلم عنها يا محمد هي اللى كانت غلطانه من الأول لانها عارفة انه راجل متزوج
انت بتقول :-
ماذنب هذه الفتاة ؟
ماذنب أهلها؟
ماذنب قلبها ؟
فما ذنب زوجة الرجل الأولى ؟؟؟
فمن رأيي ان الفتاه هي اللى كانت غلطانة و كانت في الأخر لازم تتحمل نتيجة غلطها
و ياريت نشوف راي باقية الأعضاء
و شكرا يا محمد على موضوعك الجميل دة .....

**klkashndy** · 10-01-2007, 02:53 PM

مرسي يامحمد على الموضوع

يعني لو هانتكلم على البنت
يبقى ذنبها انها اولا بعدت عن الطريق الطبيعي للزواج وابتدت قصتها من بدايه _غالبا_ بتنتهي نهايه فاشله
ذنبها انها زي مافهمت من القصه لسه صغيره وفكرت في واحد فرق السن الي بينهم واضح انو كبير
ذنبها انها ابتدت بتنازل وهوا انها تتجوز واحد متجوز اساسا وعنده عيله

لكن واضح انها مش هاتشيل الليله لوحدها
بيخنقني اوي اني الاقي راجل المفروض وصل مرحلة النضوج وولادو بقو طوله ولسه بيبص بره وبيفكر في انه يتجوز وبدل مايركز انه يربي ولادو كويس لا لسه عايز يبتدي حياه جديده وكانه شاب مراهق
فعلا رجاله كتير بيتجننو لما بيكبرو
وبيخنقنني اكتر ان الراجل دا يدور على واحده صغيره قد ولادو بكل انانيه ويستغل بقى انها محتاجه ماديا او عاطفيا او مخها مش ناضج كفايه عشان تحكم صح

يمكن كمان انا مش شايف اي دور في القصه دي لاهلها ولو فعلا ماكنوش حاولو يفهمومها ان دا غلط وان مش هوا دا الراجل المناسب يبقى اساس الغلط عندهم

باقي مراته الاولى الي ذنبها انها ماعرفتش تحتوي جوزها وماتخليهوش يفكر يبص بره ودا مش بس بانها تكون ست بيت كويسه او مربيه ولادها احسن تربيه وتنسى انها لازم تفضل جميله دايما في عين جوزها

وبصراحه ماعنديش كلام للبنت دي لانها هيا الي اختارت طريقها وافتكر انها المفروض تكون متحمله نتيجته الي طبيعي جدا تبقى فاشله

وشكرا

**Shoshou** · 11-01-2007, 09:55 PM

موضوع حلو يا محمد
هحاول اقول رأيي بإختصار ف الحكايه دى عشان انا عندى كلام كتير..
اولا بالنسبه للبنت فهى غلط بنسبه كبيره جدااااا
اساسا الطريقه اللى عرفته بيها غلط.. انها تدخل على سايت تعرف وجواز وكده دى فكره فاشله فاشله فاشله يعنى..
ازاى ادخل ع النت يعنى ادور على عريس ؟؟!
فكره مش مقبوله بيتهيألى..
تانى حاجه انها كانت عارفه انه متجوز.. ودى بنت صغيره ودى اول تجربه ليها..
ايه معنى انها تتجوز واحد متجوز وانها تتسرع ف قرار مهم زى ده.. ويمكن كمان اهم قرار هتاخده ف حياتها..
طبعا انا عارفه ان محدش فينا كل قراراته صح.. بس ده جواز.. مش تهريج يعنى..
ده الغلط اللى انا شيفاه ع البنت..
تانى حاجه.. بالنسبه لاهلها ف برضو عليهم جزء م الغلط..
يعنى ليه يقبلوا بواحد جاى من طريق السايت ده ؟
بصراحه واضح ان الموضوع كله غلط يعنى.. سواء منها او من اهلها
بالنسبه بقى للراجل.. ف حسبى الله ونعم الوكيل فيه..
اولا ده تصرف قمه ف الانانيه.. مفكرش غير ف نفسه وازاى يكون هو راضى..
مفكرش ف مراته الاولانيه.. ولا ف رد فعلها هيكون عامل ازاى لما تعرف..
ولا فكر ف البنت التانيه.. ولا هيجرحها اد ايه ولا هيعملها سمعه عامله ازاى..
بصراحه يعنى.. موقف وحش اوى..
عموما ميرسي يا محمد لموضوعك.. ومنتظرين جديدك ان شاء الله

ارق تحياتى..

**GYGY2007** · 11-01-2007, 09:56 PM

بص يا محمد انا رايي في الموضوع ان طبعا الغلط الاول من الفتاه لان انا اصلا ارفض الزواج من الانترنت

لانه بيكون مبني علي الكذب ده اولا وثانيا ذنبها وذنب اهلها ان هم كانوا عارفين ان الرجل متزوج واكبر منها

ووافقوا علي الزواج

هي ممكن كانت تلاقي الحب اللي بتدور عليه مع شاب في سنها وعلي الاقل مش هيكون متزوج

بس عموما خلاص اللي حصل حصل ويجب كل فتاه ان تتعظ من هذه القصه بس هذه الفتاه لازم متخسرش كل حاجه

ولازم تاخد منه حقها كله

وشكرا يا محمد علي الموضوع الجميل ده ويارب تفيد البنات ومحدش منهم يكرر القصه دي

ومستنيين المزيد من مواضيعك الحلوه