انت غير مسجل في منتديات العرب للجميع . للتسجيل في المنتدي ..اضغط هـنـا  | |
| |||||||
| المنتدى الاجتماعي منتدى عام بالقضايا الاجتماعية العامة وسبل حلها. |
 |
| | LinkBack | أدوات الموضوع | طرق مشاهدة الموضوع |
|
#1
29-12-2006, 12:56 PM
| ||||
| ||||
 بسم الله الرحمن الرحيم في الحقيقه انا احترت لو سألت الغالبيه من الاولاد او البنات هاتلاقي الغالبيه بترد بنفس الرد وهوا انا مابحبش جواز الصالونات ولا يمكن اتجوز بالاسلوب دا ...... الخ ودا طبعا جميل وحق للكل طيب عايز تتجوز(ي) ازاي ؟ احب ، اتحب ، اعيش قصه يعني زي بتوع الافلام برضو دا جميل تعالى اسال بقى ولد من نفس الشباب دي قله ترضى تتجوز واحده عرفتها وخرجت معاها او بالبلدي صاحبتها فتره وغالبا الرد هايكون استحاااااااااااااله طيب ترد تتجوز واحده عرفتها من ورا اهلها يعني هيا مش جايب سيره لاهلها عنك خالص ومع كدا بتخرج وبتنزل على انها رايحه الكليه مثلا وتخرج معاك والكلام دا برضو الرد غالبا بالرفض التام طيب هانفرض انها هاتقول لاهلها عندك استعداد تواجهم وتقولهم ان بنتهم انت بتحبها وعايز ترتبط بيها مؤقتا لحد ماربنا يسهل وتخلص كليه وتشتغل؟ الرد بيكون انت مجنون اروح اتقدم لوحده وانا لسه طالب؟ مين دا الي يرضى بيا؟ لا طبعا مش قبل ماخلص دراسه وكمان اشتغل شغلانه تشرف وكمان هاقول لاهلها ايه هاصاحب بنتكو لحد ماربنا يفرجها عشان مش هاينفع نتجوز الا بقصة حب؟ وهانفرض اني مجنون وفعلا قلت لاهلها كدا تفتكر ردهم عليا لما يعرفو اني بحب بنتهم ايه نرجع لنفس النقطه تاني يبقى هاتعرفها من ورا اهلها يبقى هاتيجي بعد فتره تقول ماتجوزش واحده عرفتها وخرجت معاها بالاسلوب دا للاسف دا مالوش تفسير عندي الا سطحية التفكير وان وزن الامور بالشكل الصح من الاهل والشباب في عجز كبير اتمنى اسمع تعليقكم لان الموضوع فعلا مهم ولو ماحدش فينا كان من الشخصيات دي هايبقى اكيد عدى عليه حد من معارفو بيفكر كدا وشكرا  |
| إرتباطات دعائية |
 |
|
#2
29-12-2006, 07:29 PM
| ||||
| ||||
انت موضوعك مقسوم لنقطتين يا احمد حته جواز الصالونات.. وحكايه انك لو مشيت مع واحده ممكن تتجوزها ؟ هما مرتبطين ببعض بس الاجايه على الجزئين ممكن تبقى م الولاد لكن انا هجاوبك على موضوع جواز الصالونات ده.. هو فيه ناس مقتنعه ان جواز الصالونات انجح.. وناس تانيه شايفه ان قصه الحب حاجه ضروريه عشان الجواز ينجح انا بقى رأيي ان لا ده مضمون ولا ده مضمون.. بمعنى.. كلنا عارفين طبعا ان معظم قصص الحب مش بتنتهى بالجواز وبتطلع مشاكل تنهى الحكايه كلها ولا كأنها حصلت.. طيب وبعدين ؟ هو بيتجوز واحده تانيه.. وهى بتتجوز واحد تانى.. يعنى مكنش بينهم قصه حب ولا غيره.. والجواز ممكن ينجح ويكون تمام وممكن اتنين تانيين كانوا بيحبوا بعض وفاكرين ان مينفعوش غير لبعض وكل ده.. ويتجوزوا.. ويتمنوا بعدها انهم ياريتهم ما شافوا بعض اصلاً "وبالمناسبه الحالتين شوفتهم بعيني" ف اللى عايزه اوصله ان ولا قصص الحب مضمونه.. ولا الصالونات مضمونه.. كله بيكون توفيق من عند ربنا ومدى نسبه توافق الشخصيات ده رأيي بإختصار ع الجزء اللى قولت اقدر ارد عليه.. وعايزه اشوف بقى راي بقيه الاعضاء ع الموضوع ده عشان بجد حلو.. وياريت انت كمان تعرفنا رأيك  ميرسي احمد لموضوعك.. ارق تحياتى..
__________________  |
|
#3
08-01-2007, 02:31 AM
| ||||
| ||||
بصراحه انا شايفه ان الموضوع ده مهم جدا وانا راى من راى شوشو بس احب اضيف ان فى بعض الناس مقتنعه 100% انها متنفعش تتجوز الا جواز صالونات وانها مش ممكن يبقى ليها علاقه قبل كده بس ده نادر خاصه اليومين دول... بس موجوده الناس دى . وبعض الناس ليها راى تانى وبردو مقتنعه بيه وهى انها مش ممكن تتجوز الا لما تبقى فى قصه حب او على الاقل فى كلام بينهم !!! ده موجود وده موجود بس فى النهايه كل واحد ورأيه .. وكل واحد حر |
|
#4
16-01-2007, 10:34 AM
| ||||
| ||||
حبينا محبناش كل حاجة في الدنيا دي نصيب وموضوعك جميل اوي اوي وفعلا محتاج مناقشات كتير بس انا قولت رايي ان الدنيا دي نصيب وحب واتحب زي ما انت عايز بس كل حاجة نصيب
__________________ No Signature فريق على خطي الحبيب |
|
#5
17-01-2007, 05:11 AM
| |||
| |||
انا مش هتجوز وشكرا ياعم علي الموضوع
__________________  أحمد فرج 我非常爱中国 mahal ko ang pilipinas dahil may mahal akong babae doon |
|
#6
07-02-2007, 10:04 AM
| ||||
| ||||
انا مع حمدي في الموضوع دة. ان الواحد حب او محبش بنرجع لنقطه كل شئ قسمه ونصيب والانسان من حقه يحب ويتحب ويعمل كل الي هو عايزة ويرجع يتجوز الي مكتباله. ملحوظه :في حالات نادرة جدا بيكافح الشاب من اجل الفتاة التي يحبها ويتحدي العالم كله ليصل اليها بس بعتقد ان الموضوع دة في الافلام بس. مرسي علي الموضوع الجميل دة ومنتظرين المزيد.. مع ارق تحياتي.........
__________________ Mizo |
|
#7
09-02-2007, 08:57 PM
| |||
| |||
اولا كل شىء قسمه ونصيب والحب مش من السهل اننا نلاقيه من المره الاولي وانا من رأيى ان الجواز عن حب مفيش فيه اى مشكله بس يكون في الجلال من غير مقابلات ولا كلام فاضى من ده لكن اهم ما فى الموضوع بعد الجواز انه يبقي موجود بعد الحب ويزيد مش يقل وشكرا علي الموضوع الجميل ده |
|
#8
06-09-2007, 02:18 PM
| ||||
| ||||
انا رايي يا جماعة ان الانسان مش بتاع نفسو يعني مش مسؤول على الي مكتوبلو واللي ربنا مقدرو ليه يعني حتى لو حبيت واتواعدتو على الجواز يمكن يحصل حاجة ومتتجوزوش كلو بامر ربنا سبحانه لكن ليس بالعيب ان الناس تتجوز عن حب بس يكون الحب دة مفيهوش خلوة او محرمات ........ واللي بيقول انا مستحيل اتجوز دة عشان خرجت معاها وكدة دة يبقى مش مؤمن ان ربنا قادر وعالم اما جواز الصالونات بالنسبالي دة اللي لازم يتعمل لانو بيكون نقي بس لازم نتوكل على الله ونصلي استخارة لعل ربنا يقدم اللي فيه الخير
__________________  |
|
#9
12-09-2007, 06:54 PM
| ||||
| ||||
انا رايى فى الموضوع انه نسبى .. يعنى الرد على الموضوع دا مش حاجه اكيده يا اه يا لا ..انما دا بيختلف تبعا لطريقه تفكير وتريبه كل واحد سواء الولد ولا البنت فى بنات تفكيرها وتربيتها عادى بالنسبالها لما ترتبط وتعيش قصه حب من ورا اهلها وهتلاقى ان فى شباب تربيتهم وتفكيرهم يخليهم معندهومش اعتراض انهم يتجوزو النوع دا من البنات .. بالعكس انت ممكن تلاقى شاب يقولك انا مش هتجوز الا لما احب وارتبط باللى هتجوزها عشان اعرف شخصيتها وطريقه تفكيرها وفى العكس بنات عمرهم مايقبلو انهم يرتبطو الا اذا كان شئ رسمى ..وبرضه ولاد كتير معندهش استعداد يتجوزو الا بنت عمرها ماعرفت حد ..دا راجع لتربيه وتفكير كل واحد فيهم وهتلاقى الوسط .. بنت نفسها ترتبط وتحب وتتجوز الانسان اللى هى حبته فتمسك العصايه م النص ترتبط وفى نفس الوقت تحط حدود لعلاقتها وبعلم من اهلها .. دا بيبقى راجع لان اهلها ربوها على الثقه م الاول..وبرضه هتلاقى ولد مابيدورش الا على النوع دا من البنات عشان يتجوز وانا مع الحل الوسط دا .... يعنى انا عايزه اقول اننا معتش فى فى حياتنا المبادئ الثابته اللى نمشى عليها دا صح لازم يتعمل ودا غلط عمرنا مانفكر نعمله...انما دلوقتى فى ثقافات وبيئات متفاوته وبالتالى هتلاقى افكار وعقول مختلفه ناس بتفكر بمثاليه ولازم الصح من غير ولا غلطه وناس مش فارقه معاها لا عندها قيم ولا مبادئ تتمسك بيها وناس بدور ع الصح وع المعقول فى نفس الوقت يعنى لو جينا بصينا لاغلب الشباب ( انا مااتجوزش واحده كنت ماشى معاها) طب اما انت مش موافق على المبدا وشايفه غلط عملتله ليه م الاول ولا هى تسليه ببنات الناس وخلاص!!! والبنات ( انا عايزه واحد عمره ما عرف بنات قبل كده) وحضرتك قفلتيهم دسته ولا لسه!!! بجد فى نماذج من دى كتير ... انت بتقول "للاسف دا مالوش تفسير عندي الا سطحية التفكير وان وزن الامور بالشكل الصح من الاهل والشباب في عجز كبير" انا معاك فى الكلام دا ..سطحيه تفكير و لان معتش فى مبادئ الناس ماشيه عليها وانا شايفه كمان لان الواحد بيلاقى نفسه بيطلب المثاليه من اللى قدامه وهو اصلا بيعمل اللى بيقول عليه غلط ومايصحش يتعمل سواء كان ولد ولا بنت........بس هو دا رايئ وميرسى على الموضوع والنقاش الشيق دا لانه موضوع مهم فعلا لانه من اساسيات اللى بنفكر فيها فى حياتنا كشباب
__________________  |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| من علامات يوم القيامة الرجاء الدخول من كل مسلم | TITO2010 | المنتدى العام | 13 | 24-12-2007 10:33 PM |
| المراه تضعف امام 6 انواع من الرجال . ادخلة لتتعرفوا عليهم ! | GYGY2007 | عالم حواء | 5 | 27-02-2007 03:32 PM |
| أشياء يخافها أكثر الرجال من الزواج | ahmed farag | المنتدى العام | 3 | 15-01-2007 03:31 AM |
| مقطع فديو لجريمة قتل ( الرجاء لضعاف القلم عدم الدخول) | hunter_bird_forever | المنتدى العام | 1 | 01-02-2005 06:32 PM |
| الحب عند الرجال | aktar wahed | السادة الرجال | 15 | 04-09-2004 12:18 AM |
الرجاء الدخول وابداء الرأي 
العرض العادي
