انت غير مسجل في منتديات العرب للجميع. للتسجيل..اضغط هـنـا  |
| |||||||
| التسجيل | التعليمـــات | ضوابط وقوانين | الكلمات الدلالية (Tags) | البحث | مشاركات اليوم | اجعل كافة الأقسام مقروءة |
| المنتدى العام هنا تطرح المواضيع ذات الصلة العامة التي لا تخص أي تنصيف من التنصيفات الموجودة أدناه. |
 |
| | LinkBack | أدوات الموضوع | تقييم الموضوع | طرق مشاهدة الموضوع |
12-04-2005, 09:45 AM
| ||||
| ||||
| الشباب ووهم الحب القاتل....موضوع مهم جدا فى حياتنا لازم تقروه [grade="00BFFF 4169E1 0000FF"] الشباب ووهم الحب القاتل [/grade]الحقيقة بدون رتوش او خداع او ستار او حاجب بسم االرحمن الرحيم بسم الذى جعل بينكم مودة ورحمة بسم الله تعالى ابدا الحديث ياله من عالم ذلك الذى اقحمت نفسى فيه فمن الغرائب ماسمعت وماشاهدت عالم اخر ينعزل عن احداث العالم عالم له قانون خاص به ويالها من فاجعة تلك التى سمعتها من قرارات هذا العالم . انه عالم الشباب والفتيات فى السيبر والطرقات . وبعيد عن اسوار الجامعة اتحدث اليكم لا تعرف من هناك ذكر او انثى الولد زى البنت والبنت مسترجلة وكل اثنين عايشين قصة حب وهمية وهمية وكل واحد يضحك على نفسه او يتسلى يومين وفىالنهاية كل فى طريق ودموع تذرف من عين الحبيب تعالوا نشوف اللى بيحصل : البنات : كبر دماغك – طاسة الحلة فى التقلية والبنت تلاقيها مع كذا شاب عايشة الهيام والعشق فرحانة بالمعجبين بياعة لقلوب المحبين . وهزار بالايد وضرب الصبيان غير طبعا الجري وراهم فى الشارع وصوت الضحكة الرنانة اللى عادة فى الافلام بيجيبوها فى " الكباريهات " وده مستوى عمره مايليق ببنت انثى اولا وفتة جامعية ثانيا وقبلهما واساسا مسلمة . وعلى راى اللى قال : هتلاقيهم على الكورنيش مترصصين كالبغايا وطبعا ده غير مشكلة اللبس خالص والمكياج وحتى نبرة الصوت بحس انى ادام نوع تالت من البشر يجمع فى صورته شكل انثى تغري من امامها بانوثتها وحيويتها وفى طباعها رجولة شديدة وحرية تفقدها حيائها وحياتها . الشباب : اسم الله عليه شرب سجاير وبانجو وسمعت كمان فيه خمرة وبيرة والله اكبر لابس محزق وملزق واللبانة فى بقه وسلسلة الكلب فى ايده وعمال رمش عينه مابيهمدش وطبعا المعجبات فى كل مكان علشان البابا بتاع الهوه جايبله عربية او انه هياخدها ويسافر علشان يعملوا شوبنج فى سويسرا او حتى هو شحات بس ايه واد فتك ومقطع السمكة وديلها او انه شديد الجمال فتتهافت عليه البنات . تللك هى الصورة التى امامنا تعالو نخوض معهم ونشوف اسلوبهم البنت : تاخدى ايميل الواد ده اشتغليه طب يعنى ايه اشتغليه ياضنايا هو مفرش سرير ولا حاجة وكمان هعمل له ايه اه اعيشه قصدك فى قصة حب وحوارات .... اممممم طب لو رفضت انتى بنت بيئة ياى سوفاج الولد : المزة بتاعتى زمانها جاية شوفوا انا هخليها تعملى ايه ويعمل عليها مؤامرات ياولداه ويقول فى النهاية " هو انا كنت ضربتها على ايديها ؟ اللى زى دى عمرى مااتجوزها دى زى السيجارة تكفينى وبعد كده اديلها بالجزمة " ايه رايكم يابنات فى الجزم اللى طالعة دى ؟ مااستفزنى حقا هو ذلك الحوار الذى سمعته من شباب قد شعروا انهم كانوا مخلصين فى حبهم ولكنهم وجدوا المحبوب خائن وياريت واحدة بس انما ماشاء الله كذا واحدة خاينة معاهم يعنى بقت صورة لكل البنات وفى النهاية يقول " والله لو حتى قالو لى انها طالعة من بيت ابوها ومابتخرجش الا للمسجد برضه مش هتجوزها هى مش عندها وصلة النت برضه لا وكفاية عليها الدش " " البنت من دول بتكون محترمة جدا وهادية ومسكينة وبعد كده كله بيطلع كدبة ورا كدبة والمستخبى يبان وينكشف " " انا بلاقى بنات فى السيبر بتعمل شات وهى مخطوبة طب بتعمله ليه كده وبتبقى لابسة خمار ومحترمة اوووى " وفى النهاية يقرر الشاب ان النساء خونة ولن يتزوج منهن جيدة وايها لا لكن من هنا فى مصر فهى تتوارى خلف ستار الاسلام والاحتشام . يابنات اتقوا الله لقد شوهتم صورة المسلمات وكذلك ستتسببن فى فتنة الارض . اخ اخر يقول : انا ماكنتش بكلم بنات قبل اللى كنت بعرفها وهى كانت بتكلم صبيان كتير وانا حاولت اقومها المهم فى النهاية سابتنى وخانتنى وقالت ليا : " انت وحش و... و ... و ... وانا دلوقتى اتخطبت ومش هينفع اكلمك تانى " اولا : ياشباب نحن فى سن حرج علميا تتقلب فيه المشاعر وتتغير ولابد من كبح جماح النفس حتى لاتصير كالحصان الجامح . ثانيا : اتقوا الله واعلموا ان الله لن يترك مسئ او خاطئ " ان من اعمالكم ماسلط عليكم " كما تدين تدان : اى ماتفعله مع البنت او ماتفعلينه مع الولد ثقى تماما بان الله تعالى سينتقم منك اما فى نفسك او زوجك او ولدك وكذلك انت . ثالثا : ارجعى يافتاة الى انوثتك الجميلة الرقيقة المهذبة وصلى واستغفري وودعى ماكان منك من الخطايا والبسى لبس محترم مش لبس ملهوش لازمة وماتقوليش بابا شايفنى بلا هم يبقى يشوف هيقول ايه يوم القيامة وكذلك انت ايها الشاب ارجع الى ربك واسترجل وتذكرى ان لك فى رسول الله اسوة حسنة رابعا : لاتجعلوا شهواتكم تغلبكم ولاتنسوا اننا فى مراقبة العدو وتحت الميكروسكوب واتقوا الله وافيقوا ان الخطر على الابواب وتلك هى الحقيقة التى لابد من مواجهتها مش كل واحد يقولى هو انا اللى وحدى احلها ..لا .. بادر بنفسك وحاول تصلحها وتصلح اقاربك ولو انت صحيح بتحب البنت دى صلحها هى كمان واللى ماترضاهوش لاختك او امك او زوجتك ماترضاهوش عليها وكمان يعنى لو حتى 30 مليون بقوا كويسين يكفونا ولا انتم لازم تصحوا لما تتسكوا على دماغكوا خامسا : " لاتزر وازرة وزر اخري " يعنى مش معنى ايها الشاب ان كذا بنت خانتك يبقى كل البنات خونة لالالالالالالالالالالالالالالالالالالالا وبلاش الفتنة فى الارض يعنى لو بنت مسلمة احسن لك من المشركة اعرف تماما ان البنت اللى محترمة بجد انت اساسا موصلتش ليها معلشى متروحشى عند الطين وتكون عاوز نظافة اغير نظامك غير الصحوبية وماتاخدهاش تسالى . وانتى برضه يااختى غيري وجددى صحباتك البنات يقول ( ص ) : " المرء على دين خليله فلينظر المرء من يخالل " صدقت يارسول الله سادسا : لاتنسوا القرآن ولغتنا العربية وتبادروا الى كلمات ليس لها من الاصل من شيئ سوى انها كلمات دسيسة من الاعداء لمحو ذاكرة اللغة العربية زى اللى حصل فى الجزائر حاول تفكر تانى وتاخد قرارك من تانى واسال راى الدين واستفتى قلبك ولا تتعجل النصيب ولتذكر ان الرسول اوصى بالنساء خيرا وانهن كان منهن الصالحة والكافرة يكفى ان اول شهداء المسلمين سيدة وهى الشهيدة سمية بنت الخياط ودلوقتى الحمد لله الاسلام لسه بخير البنات المحترمين الحافظات لانفسهن موجودات بس انت اللى رحت لمكان غلط من الاول يعنى معلشى برضه البنت اللى خانتك ... من الشارع – السيبر اكيد افعالها من الاول كانت تدل عليها وكمان مش كل البنات خاينة وايضا الشباب مش كلهم رجال خاينين بيلعبوا بقلوب البنات . ولو ربنا كرمك بزوجة او فتاة صالحة مش تقولها اللى قبلك قالتلى نفس الكلام قارن كلامها بفعلها .. شوف سلوكها ..اواسال عنها .. شوف دينها .. ومعلوماتها .. وانظر هل تراقب الله ؟ هل هى غيورة على الاسلام ؟ هل هى متساهلة معك ؟ كذلك طريقة الحديث واسلوبه اكيد كل ده بيظهر ليك وغير كده لاتنسى صلاة الاستخارة يقول ( ص ) : " اظفر بذات الدين تربت يداك " صدقت يارسول الله و " ياايها الذين آمنوا " ........ آمنوا مش اسلموا سابعا : لا تنسوا ان الموت لايعرف سن واننا لانعرف اجلنا ولاتستهينوا بعذاب القبر طب حتى انكثف على دمك واتخيل وانت واقف ادام ربنا هتقوله ايه وانت شايل زنوب كتيرة وعلى فكرة الزنا درجات يعنى العين تزنى وزناها النظر واليد تزنى وزناها اللمس وكذلك الاذن وزناها السمع . وربنا يرحمنى ويرحمكم ويغفر لنا ويعفو عنا ويستر علينا آمين . ثامنا : كثير من الفتيات والشباب يبررن جلوسهن معا وحبهن انه راجع لمشاكل فى البيت .. طيب . هو يعنى كل بيوت مصر اكيد فيها مشاكل على كده حوالى 40 مليون شاب وفتاة بيحيوا بعض فى الشارع . لا ياجماعة لا مش كده خالص صحيح ممكن يكون فيه مشاكل فى البيوت بس تقدروا تحلوها يعنى كونى ايجابية : 1 – واجهى المشكلة وحدديها واعرفى اسبابها . 2 – اذكرى الله دوما وصلى واسالى من هم لديهم الخبرة اى من هم اكبر سنا وليس الشباب . 3 – حاولى تغيري المشاكل بذكاء منك. واتاكدى ان ده هيحللك المشكلة لكن انك تقضى مع شاب لالالا اسمعى بيقول ايه : بساله " ايه اللى هتعمله لو ابو البنت دى شافكوا على الكورنيش ؟ " قالى مع العلم انه عارف ان البنت عندها مشاكل مهو ده المبرر اللى هو عطهولى فى الاول " هقوله ربي بنت " ايه رايكوا ؟؟؟ تاسعا : يااخى اللى خانتك واحدة او اتنين او تلاتة او حتى مية لكن مش كل نوعية البنات فالنساء انواع وصوابعك مش زى بعضها وماتقوليش مش فى الزمن ده .ربنا بيخلق الكويس والوحش الخير والشر لازم الدنيا يبقى فيها توازن . يبقى اكيد العيب فيك لان ده يدل على اختيارك الغلط وكمان قلة الخبرة وكمان الظروف مش صح عاشرا : اتقى الله يااخى وانت تقف اما الفتيات ولاتتحرك وكانك اراجوز وانك تاتى لها بالشبهة وعندما تتحدثين تحدثوا ولكن باحترام ولقد كانت السيدة عائشة رضى الله عنها تعلم المسلمين اصول الدين وتبلغ عن الرسول ( ص ) احاديثه . اخيرا وليس اخرا الف شكر ليكوا على متابعة الموضوع الهام ده لكل الشباب والفتيات منقول ،،،  |
| إرتباطات دعائية |
  |
|
12-04-2005, 01:26 PM
| #2 (permalink) |
| قلم من الماس     |  حلو اوى موضوعك وهوا ده فعلا اللى بيحصل بالنسبة للبنات او الصبيان وللاسف بقت حكاية ان البنت تكون مخطوبة وماشية مع ولد او بعتمل شات مع ولد مثلا طب ليه يعنى انا مش فاهمة واحدة زى دى بتستفاد ايه لما بتعمل كده وخصوصا زى ما قلتى لو هيا مختمرة مثلا لا دى بجد تبقى والله كارثة هوا التدين بس بيبقى ظاهرى ولا ايه وعلى فكرة معظم الشباب بيكون تفكيرهم كده وهوا ان البنت اللى بيمشى معاها عمره ما يفكر يتجوزها وزى ما قولتى بتبقى سجارة وده طبعا راجع لعدم ثقته فيها بس هوا بقى لو اعتبر دى اختى عمره ما هيفكر انه يعمل كده موضوعك بجد حلو اوى دندن والواحد عاوز يكتب فيه صفحات وصففحات شكرا لكى |
| |
|
12-04-2005, 03:16 PM
| #3 (permalink) |
| عضو مؤسس | والله موضوع حلو جداااا وكل كلمة فيه يا داندوناااا بتحصل وزي الكلام اللي بتقوليه دااا بالظبط ليسة راجعة من يومين من أركيديااا مول أبقي بصوا كدا وأنتوا ماشيين الكورنيش اللي هناك بيبقي عامل ازاي انا مش عايزة أقول عايزاكوا تروحوا تتفرجوا علي البنات والولاد اللي ماسكين أيد بعض واللي حاطط ايديه علي كتفها وهي حاطا ايدها علي وسطه والله العظيم شوفت منظر علي الكورنيش اللي متجوزين ميعملوش كدا في الشارع مبالك دول بقي مفيش حاجة بتربطهم ببعض غير انه بيضحك عليها ويقولها انا بحبك وهي مصدقااااه وزي مقولتش يا دينا بالظبط البيئة اللي بيضحكوا بصوت عالي وبتكلم بصوت عالي في الشارع أناااااا عاااااايزة أعرف بس حاااااجة في الكلية ازاي بنت كدا في الكلية وماسكاا كشكول ولا كتاب وبتجري ورا الولد عشان تضربه و ساعات والله بيكون لابسين خمار وعبايات أنا مش عارفة أيه اللي جوا دماغ أي بنت من دول تخليها تعمل كداااا البنات دي فاكرة أنها كدا بتلفت النظر والولاد هيعجبواا بيهاااا وبردو يا دينا الولاد مظلومين من اللي هما شايفينوااا داااا أنا لو مكانهم مش هثق في بنت واحدة من اللي بشوفه بس كل واحد بقي يدعي أن يلاقي البنت الكويسة اللي في باله وكل بنت تدعي تلاقي الولد الكويس اللي في بالهااا وصح يا كاري زي مقولتش عمر ما في ولد هيخرج مع بنت أو يقولها انا بحبك وعايز يخرج معاكي ولو هي خرجت معاه وصدقته زي الــ....... أبقوا قابلوني لو فكر يرتبط بيهااااا ويا دينا والله حكاية أنك تحبي ولد وتمشي معاه دي وتعيشي القصة داا كله كلام فارغ ومبقاش دلوقتي في حد بيحب حد دلوقتي بجد او حب طاهر ثاااانكس يا داندونااااا علي موضوعك التحفة وبجد انا مش عارفة أقولك ايه علي موضوعك الهااااايل دااااا ويارب بقي اي بنت تاخد بالها أن مفيش ولد هيمشي معاها ويقضي معااهااا يكونوا مقضينها مع بعض وفي الأخر هيجي يرتبط بيهااا يتجوزهاا يعني أبقوا قابلوني |
|
| |
|
15-04-2005, 12:21 AM
| #7 (permalink) | |
| قلم من الماس  | اقتباس:
يعطيكى العافيه دندونه على موضوعك الاكثر من رائع والله وانك طرحتى مشكله من واقعنا المؤسف حاليا تحياتى حنان | |
|
| |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | تقييم هذا الموضوع |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أقوال في الحب | Elzoghby | المنتدى العام | 4 | 16-01-2007 09:11 AM |
| اقوال العظماء في الحب | dr / dandona | المنتدى العام | 9 | 15-04-2005 07:12 PM |
| كلمات ومعانى في الحب | karem | فيض القلم | 2 | 01-03-2005 03:49 PM |
| معانى الحب............................ | Vito.corleone | المنتدى العام | 4 | 10-09-2004 06:15 AM |
العرض العادي
