مشاكل الادمان

ميرو · #1 (**permalink**) 09-04-2005, 09:17 AM

سوف اعرض عليكم هذه المشكلة واود ان اسمع رايكم فى هذه المشكلة
تعتبر مشكلة الادمان من اعقد المشاكل التى تواجه مجتمعنا فى وقتنا الحاضر ولا يفلت منها اى مجتمع سواء كان مجتمع متقدم او نامى وهذه المشكلة تمس حياة المدمن الاجتماعية والشخصية من جميع جوانبها فهى تمس علاقته بنفسه من حيث صورته فى نظر نفسه ومن حيث تحديد اتجاهاته واهدافه وتمس الصلة بينه وبين عائلته وادى انتشار الادمان الى زيادة نسبة جرائم العنف فى المجتمع من حيث جرائم السطو المسلح والاغتصاب وغيرها من الجرائم وهنا اسال الشباب

NayerBoNd007 · 09-04-2005, 09:53 AM

بصراحة يا ميرو معاكى حق .. الادمان فى المجتمعات الغربية شئ منتشر للغاية .. واثر لكده وطبعا عشان احنا بنقلد على الفاضى والمليان امتد كمان لمجتمعنا .. رغم انه شئ منبوذ .. بس لانتشار الظاهرة دى بشكل كبير .. اصبح من العادى ان الشباب يكون مدمن .. مش بس كده . ده كمان مش بيخجل من الكلام عن الادمان بصوت عالى وكأنه اصبح فخر للشباب انه يكون مدمن ..

بصراحة لازم يكون لنا وقفة ويا ريت كل واحد يبتدى بنفسه عشان نقدر نسيطر على مجتمعنا من الظاهرة السيئة والضارة دى

مشكورة جدا ميرو لمبادرتك الفعالة و المهمة جدا

تقبلى تحياتى

ميرو · 09-04-2005, 09:59 AM

شكرا لك ناير لمرورك وفعلا زى ماانت قلت المفروض كلنا نقف وقفة ونقضى على الادمان وكل واحد يسيطر على نفسه ويواجه العادة السيئة التى تدمر شباب بلدنا

dr / dandona · 09-04-2005, 03:58 PM

فعلا والله ياميرو معاكى حق
ياريت كل الشباب يقدروا يبطلوا الادمان لانه عاده شيئه جدا جدا جدا
شكرا ميرو لموضوعك

**Shoshou** · 09-04-2005, 08:08 PM

فعلا يا ميرو معاكى حق..
الظاهره دى انتشرت جدا.. حتى ان المدمن بقى مش بيخاف بل بالعكس ده بقى شئ عادى كانه بيقول انا كلت او شربت النهارده
الموضوع ف الاخر راجع لضعف الاراده مش اكتر.. لو واحد عنده اراده قويه هيقدر يمنع نفسه عن الحاجه دى

ميرسي ميرو لمناقشتك الجميله دى
ومنتظرين منك المزيد ان شاء الله

ارق تحياتى..

ميرو · 01-05-2005, 10:38 PM

شكرا جدا لمروركم ياشوشو انتى ودندونة

كاريمان · 02-05-2005, 02:37 PM

الادمان مشكلة ليها اكتر من سبب اولا عدم رقابة الاهل على الشباب
ثانيا ضعف الوازع الدينى
ثالثا مشاكل الشباب من البطالة الى الاحباط من ارتفاع غلى المعيشة مما يؤدى الى معظم الشباب الى الهروب من ذلك الى الادمان

موضوعك حلو اوى ميرو
شكرا لكى

rora · 03-05-2005, 12:01 AM

فعلا ميرو موضوع جميل وكان لازم نتكلم فيه نظرا لاهميته شكرا ميرو

ماكس · 03-05-2005, 12:50 AM

الحمد لله يا شباب انا جربت جميع انواع المكيفات ما عدا البودرة وحاليا الحمد لله بطلت الكلام الفاضى لان بجد ملهاش لازمة فاعيزكم تدعولى ربنا يسبتنى على فكرة المكيفات اللى شربتها
او الادمان هو
(الحشيش-البانجو-الخمرة-والسجاير)
وحاليا الحمد لله يمكن انا علشان كده على طول مش راضى عن نفسى
وياريت كل اخونى الموجودين هنا يحاولو يساعدونى انى انسى حكاية التهاون بنفسى
سعات انا نفسى بقول كلام ملوش لازمة
انا عارف كده بس راعو انى كنت داخل فى مرحلة مفيش منها راجعة بس الحمد لله نجيت

ميرو · 03-05-2005, 10:19 AM

الحمد لله ياماكس انك اتراجعت قبل ماتدخل فى دوامة مالهاش اخر وشكرا على مرورك انت ورورا وكاريمان