ياجماعه بلا اغانى بلا وجع دماغ

**babys_cuteness2** · 31-01-2005, 04:09 AM

اولا شكرا علي موضوعك
ثانيا متعلقش علي الاغاني
لو جيت تحسبها يعني هتلاقي كل حاجة في حياتك غلط
بس اهم حاجة انك تكون قريب من ربنا وشكرا علي اهتمامك وبعد اذنك غير العنوان
مع اطيب ارق التمنيات بالتوفيق لمنتدي عرب فورميوزك المهتم دائما
اخوكم المخلص دائما

محبة الرحمن · 31-01-2005, 04:23 AM

بسم الله الرحمن الرحيم

أخوانى في الله

تابعت المناقشة من بعيد بعد ردى الثانى إلى أن وصلت لهذه المرحلة
ويحزننى جدا ان يكون الحوار بها الشكل بين الأخوة المسلمين
أخوانى خلقنا في الارض لنعمرها بطاعة الله
وأن نكون نحن المسلمون يد واحده امام الكل
ويالا سعادة أعداء الاسلام ونحن ها هنا نختلف في مسألة في الدين
والمؤسف اننا نختلف بشكل غير حضاري

أولا النسبة لعنوان الموضوع :
فهو حرية شخصية لكاتبه .. ويعبر عن شخصية كاتبه وما يريد قوله
فلا نقاش فيه
ولو انى احبذ عامة أن يكون الحديث في المنتدى الاسلامى باللغة العربية الفصحى لغة القرآن الكريم قدر المستطاع خاصة في العنوان وفي الموضوع نفسه .. وللاعضاء مطلق الحرية في الردود .. هذا مجرد رأى .. وكان سبب طلبى لتغير العنوان هو ان يكون باللغة العربية الفصحى ليس أكثر ... وبالطبع الحرية لكاتب الموضوع

ثانيا موضوع الغناء
لا استطيع ان ازيد على كلام الرسول صلى الله عليه وسلم ومن بعده كلام العلماء والفقاء
وليس من حقى ان اشكك في رأيهم لانهم أعلم منى وأجدرمنى ولا وجه للمقارنة
ومالى الا ان اقول صدق رسول الله صلى الله عليه وسلم

ثالثا أخى الفاضل :
NiGhTMarE

لقد تفضلت بذكر ما يلي:
(((وبعدين هيه شايفه ان الاغانى حرام يبقا المنتدى كله حرام بقا ويبقا احنا ناس ماشيه فى الحرام وكل اللى فى المنتدى حنا حرام فى حرام
اختى الفاضله انا كل تعلقى على اسم الموضوع ليس اكثر ولا اقل
لان الاغانى دى احنا بنتعب فيها علشان نحطها فى الموقع هنا وعلشان انتم اعضاء عــرب فـور ميـوزك تسمعوها ومظنش ابدا ان حد يرضى انه يستهين بتعب الاخريــين )))

قال رسول الله صلى الله عليه وآله وسلم:

"أحب الناس إلى الله أنفعهم. وأحب الأعمال إلى الله عز وجل سرور تدخله على مسلم، أو تكشف عنه كربة، أو تقضي عنه دينًا، أو تطرد عنه جوعًا. ولأن أمشي مع أخي المسلم في حاجة أحب إليّ من أن أعتكف في المسجد شهرًا. ومن كف غضبه، ستر الله عورته. ومن كظم غيظًا، ولو شاء أن يمضيه أمضاه، ملأ الله قلبه رضى يوم القيامة. ومن مشى مع أخيه المسلم في حاجته حتى يثبتها له، أثبت الله تعالى قدمه يوم تزل الأقدام. وإن سوء الخلق ليفسد العمل، كما يفسد الخل العسل"

[صحيح الجامع 176]

صراحة ان تعبك هذا كله الذي بذلته في جمع الاغانى لا قيمة له ... انت لم تفيد به اى مسلم .. بل العكس .. اضريته واضريت نفسك .. هو أخذ ذنوب وانت مشترك معه في الذنوب
أخى انا لا استهين بمجهودك او انكره
ولكن ماذا لو كان كل هذا المجهود في طاعة الله
سيكون انفع لك وللاخرين

قال رسول الله صلى الله عليه وسلم : " بلغوا عنى ولو آيه "
ولم يقل عليه الصلاة والسلام : انشروا الاغانى بين عباد الله

يا أخى اعمل في دنياك ما يبقى لك في آخرتك
قال رسول الله صلى الله عليه وسلم : " إذا مات الانسان انقطع عمله الا من ثلاث : إلا من صدقة جاريه , أو علم يتنفع به , أو ولد صالح يدعو له " رواه مسلم

اخى الفاضل ابذل مجهودك في الخير وطاعة الله ... واتقى الشبهات

وانت تقول اذا كانت الاغانى حرام فالمنتدى كله حرام
وانا اقول لك اننا بايدينا نجعل المنتدى حرام وبايدينا نجعله حلال
وكم من منتديات بدأت بنشر الغناء وهاهى الان حذفت الغناء من قائمتها وتدعو الى الخير
واذا كنت تريد امثلة لدى العديد
ونحن هنا بالمنتدى الاسلامى نتواجد لتصحيح الاوضاع الخاطئة والدعوة الى الله بالحكمة والموعظة الحسنة

أما عن موضوع الغناء فالغناء ما هو الا معازف وكلمات لها مفعول السحر على السامعين
اما المعازف فحكمها معروف ولا جدال فيه
نأتى الى الكلمات
فما لدى سوى قول رسول الله صلى الله عليه وسلم
" ألا أخبركم بأحب الكلام إلى الله ؟ إن أحب الكلام الى الله : سبحان الله وبحمده " رواه مسلم

أخوانى ليس العيب في ان يخطأ المرء عن جهل .. وانما العيب ان يستمر على خطأه بعد العلم
فاذا كنا نسمع الاغانى .. والان نشتبه في كونها حرام .. فالاولى ان نتقى الشبهات ونجاهد انفسنا ونبتعد عنها
لنقترب من الله وجنته
أخوانى : الحلال بين والحرام بين وبينهما أمور مشتبهات .. فاتقوا الشبهات

وللحديث بقية ان شاء الله

والسلام عليكم ورحمة الله وبركاته

**NiGhTMarE** · 31-01-2005, 07:49 AM

طيب ولا تزعلو نفسكم نايت مير مش داخل المنتدى تانى
تحياتى

dr / dandona · 31-01-2005, 12:10 PM

ياجماعه انا والله مكنتش اعرف ان عنوان الموضوع هايسبب كل ده بجد والله انا مكنش اصدى حاجه انا قبل كده وضحت اصدى من عنوان الموضوع انه ليه بالظبط
وانا مكنتش اعرف انه هايسبب كل المشاكل ده ويااستاذ nightmare انا مش اصدى وجع دماغ على المنتدى كله بالعكس المنتدى جميل جدا وكل الاعضاء يعترفوا بكده انا اصدى على وجع الدماغ اللى بتسببه ليا الاغانى بس مش اكتر
وكلامى ده مايمعنش حضرتك من دخول المنتدى او انك تقول رايك فى اى موضوع لا طبعا انت مشرف على المنتدى ومن حقك انك تدخل وتقول رايك فى اى وقت وفى اى موضوع
ثانيا مش معنى ان الاغانى حرام يبقى كل المنتدى حرام فى حرام والعيذ بالله والا كان فيه ناس كتير مادخلوش
بس انا كاتبه فى المنتدى الاسلامى والموضوع يختص بالقسم الاسلامى مااتكمتشعن باقى الاقسام دى حريه شخصيه لاى حد يحب يدخل اى قسم هوا عاوزه بس انا اردت اكتب العنوان كده علشان اخلى اى حد يدخل ويشوف ان الكلام بجد وان الاغانى حرام فعلا وانا فعلا كنت بسمعها مش هانكر بس دلوقتى والحمد لله بقيت ابطلها لانى حسيت بالذنب اللى كنت برتكبه وانا بسمعها وانى طبعا بضيع وقتى فى سمعاها
وبالنسبه للاخ اللى قال انه مش متاكد من المصدر انا جايبه احاديث من علماء ومن الرسول وبتاهيالى زى ماقالت الاخت محبه الرحمن الكريمه ان محدش يقدر ينكر كلامهم
ومره تانيه بعتذر لكل الاعضاء انى تسببت فى كل اللى حصل ده واسفه مره تانيه ومش مشكله ياجماعه عنوان الموضوع المهم الموضوع نفسه
وشكرا لكل الاعضاء اللى شاركو بالرد جزاكو الله خيرا وارجو ان محدش يزعل منى
والسلام عليكم

الفهد الابيض · 31-01-2005, 12:41 PM

اولا ياجماعه انا عجبنى موضوع الدكتورة دندونه وهو موضوع يستحق المناقشه وانا بصراحه مش عارف انتو بتتخانقوا على ايه ؟؟
يعنى ديه حاجه فى الدين وكلنا بما اننا مسلمين لازم نقراها ونعرف ديننا كويس ونعرف ايه الصح وايه الغلط , وانا شايف ان الكلام ده صح .
وفى حاجه تانيه يعنى جزء من الردود بيتخانق على العنوان , وانا مش عارف العنوان ماله , العنوان مش مهم المهم الموضوع ذاته , والعنوان مجرد وسيله لجذب انتباه القراء , وطالما قدر يجذب كل هذا القدر فاكيد انه عنوان صح وفى مكانه الصحيح
والحاجه التالته ان مش معقول يعنى واحد يعترض على كلام وهو عارف انه صح يعنى هو هيضحك على نفسه ولا على مين يعنى؟؟ والكلام ان المنتدى ده للاغانى ومش المفروض موضوع زى ده يتحط فيه كلام غلط جدا لانه بقى من الاساس مكنش يحط قسم للمواضيع الاسلاميه .
وكمان كلام نايت مير ( الاغانى مش وجع دماغ ولا حاجه وبعدين لما الناس تبطل تسمع اغانى نقفل احنا بقا الموقع ونسرح بحرنكش وبعدين الاغانى دى احساس قبل اى حاجه والدنيا كلها بتسمع اغانى وبعدين سورى مفيش حد مبيسمعش اغانى وصدقينى انتى نفسك بتسمعى اغانى دا تعلقيى على كلام dr / dandona )
انا يعنى واحد من الناس اللى داخل المنتدى عشان ابقى مع اصحابى ونتكلم ونتحوار ومش داخل علشان الاغانى والموسيقى ماهو اى واحد عايز اغانى فى مليون موقع للاغانى ممكن يحملها منه لكن المنتدى عشان بيتجمع فيه الناس ويبقوا مع بعض...
وفى الاخر انا عجبنى الموضوع اوى وبجد لازم كل واحد ينظر للاغانى من منظور تانى و ومناخدش الكلام ده على اساس انه موضوع حلو وهيعدى, وبالنسبه لنايت مير انا اتمنى انه ميسيبش المنتدى علشان موضوع , يعنى هو الموضوع كان مجال للحوار والتناقش وعرض الاراء واذا كان رايه فيه غلط او حاجه وتعارض مع الاراء الاخرى فياريت ميزعلش ويفضل معانا ...
وشكرا لكل واحد تناقش فى الموضوع ده...