اصعب سؤال فى الحب؟

**SweeT AngeL** · #1 (**permalink**) 07-10-2008, 04:26 PM

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...
يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....

لكن.....

الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها

ودلوقتى جه وقت اختيارك...اما انا......او اهلك!!!

مش هقول ايه هو الرد الصحيح
بس هقول ايه هى الاجابة المنطقية يا ترى

يا ترى اى بنت فى الموقف دى هتقول ايه؟؟؟
ويا ترى راى الشباب فى الموضوع ده ايه برضه

ردك اية .......؟

ارق تحياتى

**ملكة الثلج** · 07-10-2008, 04:41 PM

سؤال بيحير والله
بس اكيد بحاول اقنع اهلى فيه بستمر وما بتعب بسهولة بس اذا كان رفض من الاهل ما بوافق عليه وبوافق عليه بنفس الوقت بس والله ما عارفة تحيرت الله يعين كل اللى بينحطوا فى هيك مواقف
يسلمو عالطرح وأسفة لانى ما جاوبت بس والله بيحيرررر

**رينو** · 07-10-2008, 05:34 PM

هقولك علي حاجه بس بعد متتاكدي مليون في الميه من شعوره ومن شعورك
والتاكيد الاكبر ان اهلك غلطانين وان اهم حاجه عندهم الماده مش المستويان لان لو دينه كويس واخلاقه كويسه يبقي اوك ومدام انتي بتحبيه اوي كده ومتاكده انه مش طمعان فيكي لاي سبب وانك كمان متاكده منه انا رايي تحاولي مع اهلك بجديه ولو مجبتش محاوله بس بعد التاكد التام اعتقد عقلك قبل قلبك هيقولك تعملي ايه ولو ان محبش حد يخسر اهله ولا حبيبه وممكن تسالي رجل دين بالموضوع ده اعتقد هيفيد اكتر
وبالتوفيق ان شاء الله

**اميرة مصريه** · 07-10-2008, 06:53 PM

فعلا موضوع محير بدرجه كبيرة جدا
وكتير فعلا بيقعوا فى المساله دى
لكن انا تخيلت الموقف وبقول ان الواحد مش يجى والاعصار موجود ويقف قدامه الولد والبنت دول مدام بيحبوا بعض وعايزين يتجمعوا فى شرع ربنا بس الاهل رافضين ممكن يستنوا شويه لحد ما عناد الاهل يخف شويه والبنت تحاول مع اهلها مرة واتنين وتلاته لان ده حب عمرها كله اللى بتتمناه كل حياتها
واستخدام العقل بقى والحيله يعنى العين بالعين هما بيعاندوا وبيرفضوا لاسباب تافهه فى نظرها لو اتقدم لها حد هما عايزينه يترفض عادى جدا وتتمسك بالانسان اللى هى اختارته ولما الاهل بيحسوا ان الوقت بيعدى ممكن يرضخوا لطلب البنت
ولما تظهر تمسكها بيه للنهايه
بس فى نفس الوقت انا مش مع ان البنت تعمل اى حاجه من ورا اهلها نهائيا ويا ريت تصبر واكيد ربنا ان شاء الله يكافئها على صبرها خير

شكرا جزيلا سويت انجل على موضوعك الجميل كالعاده
فى انتظار كل جديدك
تحياتى

**Shoshou** · 07-10-2008, 07:16 PM

بصراحه فعلا سؤال مش صعب بس.. ده استحاله اعرف اجاوب عليه..
المقارنه صعبه ومش موزونه بالمره..
بيقولوا اللى ملوش خير ف اهله ملوش خير ف حد.. بس معنى كده انى اضحى بحبيبي عشان اهلى ؟
ولا اضحى بأهلى عشان حبيبي ؟
اختيار صعب موووت
بص ببساطه عمرى ما هستسلم لو بحبه بجد وزى ما قولتى متعلقين ببعض للدرجه دى.. لأنى لو فرطت فيه هبقى انتهيت..
هدخل اى حد.. هعمل اى حاجه لكن مش هسكت كده وارضى وخلاص..
ميرسي لموضوعك يا رونى.. وعايزه رأيك انتى ف سؤالك..
طباخ السم لازم يدوقه

ارق تحياتى..