اصعب سؤال فى الحب؟

**SweeT AngeL** · 08-10-2008, 10:52 AM

شكرا يا ملكه الثلج لتعليقك
انتى قلتى

اقتباس:

بس اكيد بحاول اقنع اهلى فيه بستمر وما بتعب بسهولة

فى اهل بيكونى متمسكين برايهم ومش بيحبوا اى مناقشات وممكن تكون اسبابهم للرفض غير مقنعه اصلا ومش بيستسلموا ويحاولوا يعملوا اى حاجه لابعاد هذا الشخص من بنتهم ويغصبوا البنت على رجل تانى تعيش معاه وهما عارفين ان قلبها مع شخص تانى وبالتالى دمروا حياه بنتهم لان زواجها هيكون فاشل

شكرا رينو على تعليقك

اقتباس:

وان اهم حاجه عندهم الماده مش المستويان

فى اهل يا رينو بيرفضوا تسلط مش اكتر عايزين التحكم

اقتباس:

لو دينه كويس واخلاقه كويسه يبقي اوك ومدام انتي بتحبيه اوي كده ومتاكده انه مش طمعان فيكي لاي سبب وانك كمان متاكده منه

مهو اكيد دينه واخلاقه كويسين والا اكيد مكنتش البنت اختارته وحبته وهو راح يتقدملها ومحاولات كثيره

اقتباس:

انا رايي تحاولي مع اهلك بجديه ولو مجبتش محاوله بس بعد التاكد التام اعتقد عقلك قبل قلبك هيقولك تعملي ايه ولو ان محبش حد يخسر اهله ولا حبيبه

طيب نقول هى حاولت كتير وهو حاول اكتر ولكن لو سبتها لعقلها تختار هتحتار ومن الماكد انها تختار من تحب وعايزه تعيش معاه باقى عمرها ولكن ازاى هتسيب اهلها؟ بكده الاهل بيدفعوا البنت تعمل حاجات من وارء اهلها علشان متخسرش ده ولا ده وبرده كده حياتها وسعادتها اتدمرت وهتكون فاشله. الاهل ممكن يتسببوا بحاجات وهما مش عارفين.

اقتباس:

وممكن تسالي رجل دين بالموضوع

اكيد رجل الدين هيقولها تحاول تانى ولو مفيش فايده يبقى تضحى بحبيبها لارضاء اهلها وبكده هتكون تعيسه باقى حياتها لانه مش هيقولها خالفى اهلك!!

شكرا اميره على مرورك

اقتباس:

الولد والبنت دول مدام بيحبوا بعض وعايزين يتجمعوا فى شرع ربنا بس الاهل رافضين ممكن يستنوا شويه لحد ما عناد الاهل يخف شويه والبنت تحاول مع اهلها مرة واتنين وتلاته لان ده حب عمرها كله اللى بتتمناه كل حياتها
واستخدام العقل بقى والحيله يعنى العين بالعين هما بيعاندوا وبيرفضوا لاسباب تافهه فى نظرها لو اتقدم لها حد هما عايزينه يترفض عادى جدا وتتمسك بالانسان اللى هى اختارته ولما الاهل بيحسوا ان الوقت بيعدى ممكن يرضخوا لطلب البنت

فى اهل زى ما قلت متعصب جدا وبيحب التحكم فى حياه بنتهم وبيحبوا التسلط والبنت حاولت عشششرين مره والولد كمان واترفض واتطرد واتهزق وهما متمسكين برايهم والبنت كمان!!! وفى اهل لو واحد تانى جالها وبجبروا البنت انها تتجوزه ومن غير ما يحسوا بيدمروا حياه بنتهم ولو حاولت الصمود والرفض برده ممكن مش هيرضخوا لطلبها ويحطوها فى خانه العند وممكن معندهمش اسباب مقنعه للرفض. وممكن يخلوا البنت تغلط لان مفيش حد مبيضعفش!!!

شوشو حبى شكرا على تعليقيك وانا هدوق السم اهو

اقتباس:

المقارنه صعبه ومش موزونه بالمره..
بيقولوا اللى ملوش خير ف اهله ملوش خير ف حد.. بس معنى كده انى اضحى بحبيبي عشان اهلى ؟
ولا اضحى بأهلى عشان حبيبي ؟

فعلا اختار ومقارنه صعبه وزى ما قلتى اللى ملوش خير ف اهله ملوش خير ف حد

اقتباس:

هدخل اى حد.. هعمل اى حاجه لكن مش هسكت كده وارضى وخلاص

كلام مظبوط ندخل اى حد قريب وممكن اهلى يسمعله وتستمرى على كده والمحاوله

وانا رائى نقعد قعده مع اللى رايهم ممكن يفرق ومع اهلى ونحطها نقط رافضين ليه علشان واحد اتنين تلاته والميزات ايه واحد اتنين تلاته ونشوف مين اكتر وايه اللى ممكن يتغير وايه اللى لازم المعايشه معاه ومش هيضر
ويا تقنعنى يا اقنعك ومش نخلص القاعده الا وكل الطراف راضيه ومقتنعه و يتفهم الاهل وميقفوش فى سعاده بنتهم وهى اللى هتتحمل اى نتيجه
علشان ربنا يبارك

شكرا على كل الاراء وعلى ردكم المفيد ومروركم المتميز

ارق تحياتى

**كريم موسي** · 08-10-2008, 12:14 PM

صح الى مالوش خير فى مالوش خير فى حد
انا من راى ان هيا لازم الاول تقنع الاهل و طبعا الاهلمش هيتعوضوا لان ما فى زى الاهل هما الى عارفين مصلحتك فين
لكن الحبييت هيتعوض
لكن انا عاوز اقولك حاجه عمر ما حد بيحب حد يجى و يقولها اهلك ولا انا
طبعا الى هتقول انت يبقى بجد مش عندها دم ولله
بس انا برده بقول ان هيا تقعد مع الاهل و تتكلم معاهم
و بجد شكرا على الموضوع

**Snow White** · 08-10-2008, 03:21 PM

سؤال صعب جدا والاختيار كمان اصعب واصعب
بس فعلا الواحد لازم يحاول مره واتنين وتلاته وعشره وبالنسبه لراي الاهل فده ممكن يتغير لان الاراء مش دايما بتقضل على حالها
كمان هو لازم يشوف السبب اللي هما رفضوه عشانه ويحاول يصلح من نفسه فيه ده لو كان فعلا بيحبها
شكرا ليك على الموضوع ويارب ما يحط حد في الموقف د ابدا