هو ليه كان الحب اعمى؟

**Snow White** · #1 (**permalink**) 06-10-2008, 08:35 AM

في قديم الزمان حيث لم يكن على الارض بشر
وكانت الفضائل والرذائل تطوف الارض معا
وتشعر بالملل الشديد
وفي ذات يوم وكحل لمشكلة الملل المستعصيه
اقترح الابداع لعبه واسماها الاستغمايه
احب الجميع الفكره
وصرخ الجنون انا ابدأ انا ابدأ انا ابدأ
انا من سيغمض عينيه ...ويبدأ العد .....ةانتم عليكم الاختفاء
وبدأ الجنون في العد
واحد ....اتنين.....تلاته........
وبدات الفضائل والرذائل بالاختفاء
فوجدت الرقه مكانا لنفسها فوق القمر
واخفت الخيانه نفسها في كومة زباله
واختفى الولع بين الغيوم
ومضى الشوق الى باطن الارض
اما الكذب فقال بصوت عالي :ساخفي نفسي تحت الحجاره .....ثم توجه لقعر البحيره
واستمر الحنون في العد :تسعه وسبعون...... تمانين....... واحد وتمانين......
وفي خلال ذلك اتمت كل الفضائل والرذائل تخفيها ماعدا الحب.....
كعادته لم يكن صاحب قرار وبالتالي لم يقرر اين يختفي
وهذا غير مفاجئ لاحد ...فجميعنا يعلم انه لا يمكن اخفاء الحب
ولكن الجنون متابع في العد:خمسه وتسعين.....سته وتسعين ......
وعندما وصل الجنون في عده الى المائه
قفز الحب في وسط اجمه من الورد واختفى بداخلها
فتح الجنون عينيه وبدا البحث صائحا :ان آت اليكم
فكان الكسل اول من انكشف لانه لم يبذل اي جهد في اخفاء نفسه
ثم ظهرت الرقه المختفيه في القمر
وبعدها خرج الكذب من قاع البحيره مقطوع النفس
واشار الجنون على الشوق الارض ان يرجع من باطن الارض
وجدهم الجنون جميعا واحدا بعد الاخر ......فيما عدا الحب..........
كاد يصاب بالاحباط والياس في بحثه عن الحب الى ان اقترب منه الحسد
وهمس في اذنه :الحب مختفي في شجيرة الورد
التقط الجنون شوكه خشبيه اشبه بالرمح ...
وبدا في طعن شجيرة الورد بشكل طائش
ولم يتوقف الا عندما سمع صوت بكاء يمزق القلب
ظهر الحب .....وهو يحجب عينيه بيده والدم يقطر من بين اصابعه .....
صاح الجنون نادما: يا الهي ماذا فعلت ؟؟!!!
....ماذا افعل كي اصلح غلطتي بعد ان افقدتك البصر ؟
اجابه الحب:لن تستطيع ان تعيد لي النظر ولكن مازال هناك ما تستطيع فعله لاجلي
فقال الجنون:وما هو؟
فاجابه الحب:كن دليلي
وهذا ما حصل من يومها يمضي الحب الاعمى .....يقوده الجنون....

**GYGY2007** · 06-10-2008, 09:11 AM

الله عليكي يا حلوه الحياه كلامك جميل وفعلا الحب مع انه جميل
بس للاسف اعمي ويصاحبه الجنون وللاسف مبنكتشفش ده الا متاخر اوي
ومبنبقاش عارفين نعمل ايه ونكمل ازاي منقدرش نبعد عشان بنحب
ومنقدرش نكمل عشان اكتشفنا الجوانب السيئه في الحبيب
وتبدا الحيره نعمل ايه !!!!!!!!!!!!!!!!!!
ياريت لو حد عنده اجابه علي سؤالي يرد عليه
شكرا لموضوعك يا حلوه تقبلي تحياتي

**اميرة مصريه** · 06-10-2008, 02:25 PM

رائعه فعلا الكلمات والقصه
الحب اعمى يقوده الجنون
صدقت كلمات مقالك
تسلمى سمسمه على موضوعك الرائع
فى انتظار المزيد
تحياتى

**Shoshou** · 06-10-2008, 02:40 PM

قصه جامده اوى يا سمسمه بجد..
تسلم ايدك يا قمر..
واجابه سؤالك يا جيجي.. هى القصه دى.. ان الحب اعمى.. واللى بيحب عمره ما بيحس ان شريك حياته عيوبه مستحيله.. دايما بيحس انه قادر يستحملها.. لحد ما يفيض بيه..

ارق تحياتى..

**Snow White** · 06-10-2008, 03:05 PM

ميرسي ليكم يا بنات على المرور والرد اللي نور الموضوع
وبالنسبه لسؤالك يا جيجي فالانسان لما بيحب ما بيبقاش شايف عيوب حبيبه وبيتغاضى عن معظم الحاجات اللي ما بتبقاش عاجباه في الطرف التاني بس زي ما انتي قولتي فعلا ممكن الواحد ما يستحملهاش وبكده يبئى لازم يتحمل نتيجة اختياره يا اما انه يبعد عن الشخص ده او يجي على نفسه شويه ويستحمله عشان يقدر يحافظ على حبه