ماذا يحدث حين يسقط الرجل من عين زوجته ..والعكس؟!

**SweeT AngeL** · #1 (**permalink**) 25-09-2008, 09:08 AM

"اللي يقول لمراته يا عورة..الناس تلعب بيها الكورة"..

طيب واللي تقول لجوزها يا اعور أو توجه له أي إهانة من أي نوع أمام الآخرين ماذا يحدث لها أو له..؟

وهل يظل رجلا في عينها، حتى وهي تتطاول عليه..؟

ومتى ينكسر الحاجز بين الرجل والمرأة..؟

والى أي درجة لابد أن يكون هناك مسافة بينهما..؟

وما هو الفارق بين الدلع و"التهزيق"..؟

وهل تقبل أن تشتمك زوجتك أو حبيبتك، حتى ولو على سبيل "التهريج والهزار"، وهل تقبلين أن يفعل هو معك نفس الشيء..؟

ومتى يسقط الرجل من عين زوجته..ولماذا تسقط المرأة في عين زوجها..؟

ارجو المناقشه

ارق تحياتى

**اميرة مصريه** · 25-09-2008, 11:22 PM

شكرا جزيلا سويت انجل على موضوعك المهم والرائع

طيب واللي تقول لجوزها يا اعور أو توجه له أي إهانة من أي نوع أمام الآخرين ماذا يحدث لها أو له..؟ا

عتقد ان الرجل اللى يقبل انه يعيش مع ست اهانته لدرجه انها بقت بتشتمه يبقى صراحه مش راجل خالص اساسا
اما الراجل اللى يقول للست بتاعته كده يبقى هو كمان مش راجل لان الراجل المفروض يحمى اهل بيته ويحافظ عليهم حتى لو هى مطلعه عينه ومش كويسه يبقى عليها لانها شايله اسمه وممكن تكون ام ولاده
يكون احساس ولاده ايه لما يسمعوا حد يقول على امهم اى كلام من على لسان ابوهم

وهل يظل رجلا في عينها، حتى وهي تتطاول عليه..؟

غالبا فى ستات اخلاقها بشعه ومش عارفه تفهم يعنى كلمه زوج وان ربنا قال ( لو امرت ان يسجد لاحد غيرى لامرت الزوجه ان تسجد لزوجها

ومتى ينكسر الحاجز بين الرجل والمرأة..؟

الحاجز بينكسر لما بيختفى بينهم العند والرغبه فى اثبت النفس فقط لا غير وان كل واحد يحاول بقدر الامكان انه يتصيد اخطاء لاخر
يعنى الموضوع بيقلب لساحه حرب فى الاخر وكل واحد عايز يفوز واكيد بقى الحب ثم الحب

والى أي درجة لابد أن يكون هناك مسافة بينهما..؟

الزوج والزوجه مش المفروض يكون بينهم اى مسافه تفصل بينهم نهائيا لان التعبير ده مش صح فى رايى الحياة الزوجيه اقوى رابطه فى الوجود يبقى وجود مسافه هايخلى الرابطه تضعف مع الوقت لكن الاولى اننا نقول اسس واولا الحب و الاحترام والتعاون والرغبه ان الحياة تكون سعيده والقدرة على تقبل اخطاء الاخر و حاجات كتيرة

وما هو الفارق بين الدلع و"التهزيق"..؟

اكيد مفيش وجه مقارنه لان ده حاجه وده حاجه تانيه

وهل تقبل أن تشتمك زوجتك أو حبيبتك، حتى ولو على سبيل "التهريج والهزار"، وهل تقبلين أن يفعل هو معك نفس الشيء..؟

هو من حق الزوج ان يهزر مع زوجته باى طريقه يحبها ومش المفروض انها تحسسه بالامتعاض من كده وخاصه اذا كانت دى من عيوبه لكن لو الموضوع بقى اتحول لشتيمه وكلام يزعل ممكن باسلوبها الرقيق وشويه دلع تحسسه انها بتضايق من كده واكيد هو مش هايحب انه يضايقها
بس مش تكون عسكرى وتقول لا انا مش بحب كده اعتقد انه ساعتها هايحس باهانه

ومتى يسقط الرجل من عين زوجته..ولماذا تسقط المرأة في عين زوجها..؟

الرجل بيسقط من عين الزوجه اذا كان مش بيحترمها وبيهنها وبيتصرف تصرفات تافهه لا تليق به كرجل

شكرا جزيلا على موضوعك
واتمنى انك تمتعينا بكل جديدك
تحياتى

**Shoshou** · 26-09-2008, 12:42 AM

طيب واللي تقول لجوزها يا اعور أو توجه له أي إهانة من أي نوع أمام الآخرين ماذا يحدث لها أو له..؟

النوع ده من الزوجات تستاهل اى حاجه بصراحه.. لأن الراجل بطبيعته بيكره الاهانه.. امال لو كانت من زوجته كمان !!

وهل يظل رجلا في عينها، حتى وهي تتطاول عليه..؟

اكيد لأ

ومتى ينكسر الحاجز بين الرجل والمرأة..؟

العشره الحلوه والحب والاحترام اكيد بيكسروا حواجز كتير بين الزوجين..

والى أي درجة لابد أن يكون هناك مسافة بينهما..؟

مش المفروض يكون فيه اى مسافه اصلا.. دول المفروض يندمجوا مع بعض ويحسوا أنهم واحد مش اتنين.. بس فيه فرق بين المسافه وبين الحدود اللى المفروض الزوج والزوجه ميتعدوهاش

وما هو الفارق بين الدلع و"التهزيق"..؟

فرق كبير..
الدلع عمره ما يشمل اهانه.. اكيد الفرق واضح..

وهل تقبل أن تشتمك زوجتك أو حبيبتك، حتى ولو على سبيل "التهريج والهزار"، وهل تقبلين أن يفعل هو معك نفس الشيء..؟

بصى المفروض يكون الهزار بدون اهانه.. والمفروض الزوجه تقدر برضو ان ده تهريج ومش كل حاجه تتاخد قفش..

ومتى يسقط الرجل من عين زوجته..ولماذا تسقط المرأة في عين زوجها..؟

الراجل بيسقط من نظر زوجته يوم ما تعرف انه كداب.. او انه خاين.. او اى صفه مش المفروض تكون ف الراجل..
ساعتها مستحيل يرجع تانى ف نظرها زى الاول..

ميرسي كتير يا رونى ع الموضوع الجامد ده
ومنتظرين مزيدك ان شاء الله..

ارق تحياتى..

**SweeT AngeL** · 26-09-2008, 09:36 AM

شكرا اميره وشوشو على مروركم

وبجد تعليقاتكم مفيده جدا

وشامله كل النقط

فى انتظار باقى الاعضاء

ارق تحياتى