بدون موضوع إدخلوا وأعرفوا الموضوع

**o.v.o** · #1 (**permalink**) 21-06-2008, 05:56 PM

السلام عليكم جميعا
إنشاء الله تكونوا بخييييييير وعافية

بدخل على طول في صلب الموضوع
كل واحد يكتب أحداث مخيفة(مرعبة) حصلتلوا في حياتة... واذا مافي احداث مخيفة اكتبوا أحداث مضحكة

وببدأ أنا بحكاية مرعبة حصلتلي وعمري 12 سنة

في يوم من الأيام سافرنا لبلد عربي كالعادة عشان نزور عائلة ماما
كنا لما نروح هناك على طول من المطار على بيت جدي اذا ماكان عندهم أحد
بس في هذيك السنة كان عند جدي خالاتي وخلاني والبيت مايكفي لكل العيلة فقررنا نروح فندق نزلنا من الليموزين ودخلنا الفندق كان الفندق فية ثلاث غرف وصالة.. غرفة فيها سرير مزدوج والغرفتين كل غرفة فيها سريرين طبعا أخواني الأولاد في ذاك الوقت كان عددهم أربعة
وانا بنت وحدة كل واحد منهم اختار سرير ومحسوبتكم ما عندها سرير جلست اصرخ عليهم ابغى سرير قالو نامي على الكنبة (نذااااالة) قلت: لا.. أبغى سرير قال اخويا الكبير(أحمد) روحي نامي في الصالة مع الشغالة انتي بنت ماتنامي مع اولاد (يحبوا يرفعولي ضغطي لحد اليوم ) المهم في النهاية قال أحمد خلاص خذي سريري وأنا بأنام على الكنبة قلت: لا.. أبغى السرير الثاني ..لأني ماأحب انام عند النافذة (أخاف يطلعلي حاجة منها ) قالي لا وتتشرطي بعد.. قام قال لأخويا (مؤيد)خلاص قوم وخليها عندك مارضي اول مرة ولاثاني مرة حتى وشوشلوا أخويا أحمد في إذنوا

(ماني عارفة إيش قالوا حتى يومكم هذا ماأدري) المهم اني استوليت على السرير وهذا أهم حاجة

(إن كيدهن لعظيم)المهم فقمت ادخل رجولي (الله يكرمكم) داخل البطانية فحسيت حاجة داخلها .... سويت إني عادي ماحسيت شي .... لأني تذكرت لما وشوش أحمد في إذن مؤيد قلت أكيد إنهم حطوا حاجة عشان أخاف (مسوية ذكية على غفلة ) خليتهم حتى دخلوا جو مع التلفزيون

وقمت نظرت ايش عند رجولي .......... طلعت حاجة الله لا يوريكم مكروة اول ماشفتها صرخت صرخة عمري في حياتي ماصرخت زيها

.. أخواني نطوا عليه كل واحد يقرأ آية قرآنية عليه ويسألوني ايش فيكي وبابا وماما صحيتهم من النوم والعمارة كلها صحيت وجلسوا يدقون الجرس يبغوا يشوفوا ايه الي حاصل وأنا ماعندي إلا حرف ث ث ث ث ثث ث ثثثثثثثثثثثثثثثثثثثثثث ثث ماني عارفة انطق اسموا إلي ما يتسماش انشل لساني وقتها وماما تبكي وتقرا علية وترش علية موية وطوووووووول الوقت أبغى أقولهم كلمة ثعبان مارضية تطلع كل الي سويت إني أأشر بيدي عند الدولاب لأنوا لما صرخت هرب ورى الدولاب حتى لقيوه وقتلوه وبعدها إنفك لساني ورجعت سليمة الحمد لله .

ومن بعد ماحصلتلي هذه القصة بطلت أصر على أخذ حاجة مهما كنت أبغاها وأرضى بالنصيب
هذي قصتي المرعبة أتمنى إنها نالت على رضاكم

لاتنسوا تكتبوا قصصكم

ودمتم بحفظ الله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)