1:- نعلق علي صدر كل مواطن عداد تنفس وناخد الاستهلاك بشرائح تصاعديه ال 100 نفس الاولاني النفس ببريزة كبيرة والمتين التانين النفس ببريزيتين كبار وهكذا...... واللي مايدفعش نقطع نفسه
2:- نحدد يوم كل اسبوع وليكن يوم جمعة بعد الصلاه ونص الشعب يلبس هدوم مقطعة ويدهن وشة كركم اصفر وحبة يدهنوه اسود ويشحتوا من النص التاني والاسبوع اللي وراه النص اللي ماشحتش ينزل يشحت من اللي شحتم الاسبوع دكهوه بس يغيروا الالوان عشان النص الاولاني مايفقسش الفوله
3:- نستورد بمليار دولار بخور من الهند بس يكون جاوي بتاع الف ليلة وليله ونجيب نسوان و رجال الاعمال ( اللي بيعملوا السحر والشعوذة مش المسثمرين عشان ماحدش يفهمني غلط ) ونجيب 25 مليون قاصعه من بتوع المحارة ونولع ع الفحم ونبخر ونقعد ندعي علي اللي مايتسموش اليورو والدولار الاهي يخفس بيهم الارض ونحضر عفاريتهم عشان العوكوسات ولما شمهورش يحضر نشوف معاه قرشين سلف لحد مانقبض الجمعية
4:- نجيب 80 مليون سنارة ونقعد في العصاري علي شط النيل نصطاد سمك والسمكة اللي تطلع نفتح بطنها وندور علي خاتم سليمان ولما نلاقيه ندعكه بس ندعكه بذمه يقوم ايه ... يقوم المارد يطلع ويقول شبيك لبيك عبدك وملك ايديك تطلب ايييييييه؟؟؟؟
نطلب منه 80 مليون عقد عمل في الخليج .
5:- الحكومة طلعت انصح مني زودت البنزين والسولار قبل ماتدفع الزيادة لهفتها وزيادة بصراحة دول عالم عفاريت وانا اللي تاعب نفسي وقاعد افكر اموللهم ال 30 % منين اهم هما سابقوني ومونوها مش مولوها بصراحة حكومة لازم تتبخر ( م الحسد ) عشان ما حدش يفهمني غلط انا مش قد الحبس والبهدله داانا تبع وانا مالي ياعم
نقلاً عن المحام " مصطفى الكيلاني "
11-05-2008, 04:44 AM
العرض العادي
