الرئيس يجول في المحروسة بنفسه

لو رأي الرئيس ما يدور فيها بنفسه لتغير وجه الحياة في مصر


فيها إيه فعلاً لو الرئيس مبارك عمل زي الفنان خالد زكي ما عمل في فيلم طباخ الريس؟ فيها إيه لو السيد الرئيس جلس علي أي مقهي شعبي لتلتقط أذناه مقدار الدعوات الصادرة (من أعماق القلوب العليلة) للنظام الحاكم ولحزب الأغلبية الحاكمة نظير ما وفراه من معاناة وكمد للأغلبية المنكوبة؟
ويا ريت لمزيد من السمع والتأكد من صدق هذه الدعوات أن يتوجه سيادته لمحاولة شراء بضعة أرغفة من مخبز بلدي، أو ذهب متنكراً إلي أي مستشفي حكومي ليري إلي أي مستوي متدن وصل الحال بالمستشفيات والعلاج؟
فيها إيه لو ذهب إلي مقر أي حي من الأحياء التابعة لأي محافظة وتقدم بطلب لاستخراج ترخيص بناء أو ترميم أو نشاط تجاري؟ فيها إيه لو توجه إلي أي سوق خضار لشراء شوية خضار لعمل غدوة واحدة ثم عرج علي جزار لشراء نصف كيلو لحمة ولو مجمدة،
ثم يتوجه لشراء حتة جبنة بيضا وحتة حلاوة أو حتي شوية فول أو قرصين طعمية لعشوة أو فطورة واحدة؟ فيها إيه لو توجه إلي أي مدرسة ابتدائية، ثم يصطحب المدير مباشرة إلي أي فصل من فصول نهاية المرحلة الابتدائية ليطلع سيادته بنفسه علي محصلة تعليم سنوات الابتدائي ويمتحنهم في أبسط قواعد الإملاء والحساب، أو حتي كتابة أسمائهم؟!
وأخيراً فيها إيه فعلاً لو أنهي السيد الرئيس جولة هذا اليوم بسهرة بأحد فنادق السبع نجوم ليشاهد بعيني رأسه بعضاً مما يبعثره محتكرو السلع الاستراتيجية والغذائية وسماسرة بيع القطاع العام وأصحاب الحظوة الذين تخصص لهم آلاف الأفدنة؟ يبعثرون في هذه النوادي عشرات الآلاف كل ليلة مما امتصوه مما بقي من دماء شعب مصاب بالأنيميا والفشل الكلوي والفشل الكبدي!
شعب ينهشه الفقر والجهل والمرض، ينتمي لأمة تراق دماء أبنائها ويدمر الصهاينة والأمريكان أوطانها.. ولله الأمر من قبل ومن بعد.

__________________

شكرا للموضوع

__________________
Mahmoud Rashad

تسلم احمد لموضوعك

وفعلاً فيلم طباخ الريس نظره جميله بس في سؤال

هل الرئيس ميعرفش كل حاجه عن بلده ؟!!

لو ميعرفش ازاي هيقابل ربنا وهو عارف انه هيتحاسب على كده ....

تقبل مروري

__________________

No Signature

فريق على خطي الحبيب

و الله ما نا عارف هيقابل ربنا اذاي. دي تبقى نصيبة لو فاكر انه هيكون معاه الحرس بتوعه. او هيتعمله مراسم الاستقبلال الجمهوري و لا هيكون في واسطة عشان يعدي من الباب الخلفي.

ربنا يسترها معانا و ينتقم من كل ظالم

__________________

و الجدائق اللي على جوانب الطرق و الهوا النضيييييييييييييييييف و صناديق الزبااااااااااااااااااااله اللي ف كل حته

متقولش كده يا ادهم

__________________

المشكلة ليس بالرئيس المشكلة بالناس المساعدين له والتقارير المرفوعة له كلها كذب وهو يعتقد بان الامور ماشية تمام فعلا لو عملها الرئيس وتجول سوف تكون الكارئة والمفاجاة بما يرى ويسمع
شكرا لك على طرح الموضوع

__________________
بلادُ العُربِ أوطاني منَ الشّـامِ لبغدانِ
ومن نجدٍ إلى يَمَـنٍ إلى مِصـرَ فتطوانِ

فـلا حـدٌّ يباعدُنا ولا ديـنٌ يفـرّقنا
لسان الضَّادِ يجمعُنا بغـسَّانٍ وعـدنانِ
عاشق العروبة

__________________