انت غير مسجل في منتديات العرب للجميع . للتسجيل في المنتدي ..اضغط هـنـا  | |
| |||||||
| منتدى النقاش الجاد قسم يضم المواضيع الهادفه والحواريه ، عبر عن رأيك. |
 |
| | LinkBack | أدوات الموضوع | تقييم الموضوع | طرق مشاهدة الموضوع |
|
#1
06-03-2008, 12:05 PM
| ||||
| ||||
 حتفهم معنى العنوان قدام شويه على اليمين ^_^ بالمعنى الموضوع بيتكلم عن ايه علشان اخوانا خرييجى معهد الأورام فهو عن مشكله أصبحت فرز اول فى عقول بعض الناس هى ايه المشكله؟ حتعرفوها قدام نخش فى الموضوع تعالوا نرجع بالذكريات شويه لورا حنبتدى من اول ضمة حضن لأم كل واحد/ة فينا اخدنا فيها اجمل واحن حضن دافى بيطلع بدون مقابل احساس بالأمان رغم عدم اكتمال التفكير وبناء العقل شويه وروحنا الحضانه أخدنا فيها احسن دلع وحنيه من اجمل مس فى الدنيا علمتنا نشخبط شخابيط ونلون على الحيط وقابلنا فيها ناس مش كنا عارفين انهم حيكونوا فى يوم من الأيام اخواتنا واصدقائنا واصحاب عمرنا نخش قدام شويه على الأبتدائيه أخدنا فيها ازاى نقرا وازاى نكتب وحفظنا اصغر سور من القران الكريم واتعلمنا فيها الحساب بس مش علمتنا الحساب من غدر الدنيا يمكن خوف وشفقه علينا من الصدمه ويمكن جهل وتخلف وعدم وعى فى مننا اللى اكتفى بالمرحله دى واهله شغلوه علشان يزيد من الدخل ويخفف من العيبق اللى على العيله المهم انه اشتغل وفى اللى كمل معانا لمرحله الأعداديه مرحله جديده علينا أخدنا فيها علوم جديده وبدات عقولنا تفكر وتحسب وتنظم وترتب علمتنا معنى كلمه جديده علينا هى كلمه نشارك ازاى نشارك بعض فى حاجه واحده فى لعبه , فى جماعه كشافه مثلا , فى زياره صاحب لينا تعبان وغاب عن المدرسه , فى زياره سور مدرسه البنات اللى جنبنا ^_* اخدنا فيها كتير ملحوظه:انا مش بشرح بالتفصيل كل مرحله علشان الموضوع مايكونش طويل زياده عن اللازم دخلنا على المرحله الثانويه اخدنا فيها فيزياء وكيمياء واحياء وعلم نفس و ....الخ بجانب شرب السجاير ومعاكسه البنات والخناق ....الخ نسينا فيها اصحابنا القدام واتعرفنا على اصحاب جداد وفى فينا اللى طلع اصيل وصان صاحبه وحافظ عليه وصاحبه كمان حافظ على صداقتهم وصحبتهم الكل حيفكر ان المرحله اللى جايه الكليه لا طبعا طب واحنا كنا فى اجازه الصيف بنعمل ايه طب فى الحضانة وابتدائى واعدادى حنقول كنا بنلعب اهو كنا عيال صغيره انما فى ثانوى كمان نلعب بالنسبه للولاد فى مننا اللى كان ابن امه وقضاها فى الخروج والفسح والمصايف وكلام البنات ....الخ وفى مننا اللى ابوه طلب مساعدته ليه فى محل تجارى او مشغل او ورشه او شركه او مصنع ...الخ وكان الواحد مننا نازل وهو منفوخ من ابوه ومش طايق نفسه بس اهو ابوه مهما كان حيوديه فين يعنى بالنسبه للبنات طبعا مقضينها فى البيت ونادر جدا لما تلاقى حد منهم استثمر وقت الاجازه فى المرحله دى خلصت الأجازه ودخلنا الكليه اخدنا فيها طعم جديد من التفكير اتعلمنا ازاى نبنى علاقه مع البنات ونخدعهم بكلامنا المعسول وازاى نهدم علاقه مع اصحابنا اللى اكلنا معاهم العيش والملح عرفنا فيها ازاى نعزم الزوزا بتاعتنا على برجر وهوت ميكسكانو من ابو 4 جنيه ويبقى الواحد من ده واخد مصروفه 5 جنيه ويوفر الجنيه علشان يجيبلها هديه فى عيد الحب اتعلمنا فيها الغدر والخيانه والضرب فى الظهر بس للأسف مش من الدكاتره لا من اصحابنا وللأسف بردوا كنا تلامذه خايبين بالنسبه ليهم فى مننا اللى تفكيره تدنى ودخل فى حوار مخدرات وكيمياء وديفيلست ... الخ وفى مننا اللى ارتقى بتفكيره وقعد مع نفسه قعده عرب وبدأ يحسبها وحسبها فعلا وقضى الكليه دراسه وعلم فى لحظه لقينا نفسنا فى الاجازه بالرغم من ان سنين الكليه كلها بالنسبالنا اجازه الولاد فى منهم اللى عقل وبدأ يفكر ويعتمد على نفسه وحاول يشتغل اى شغلانه او يتعلم اى صنعه ولو من باب قتل الوقت بس المهم انه يحس بطعم كل جنيه يكسبه من عرق جبينه وفى مننا اللى ماكانش بينزل من على حجر امه فلوس وفسح وخروج ودلع وشقق مفروشه ....الخ اما بالنسبه للبنات فى منهم اللى فكرت انها تشتغل ولو حتى تشتغل نفسها بس اسمها اشتغلت وخلاص او حتى قعدت فى البيت ساعدت امها فى اكله تسد النفس من ايديها او ساعدت فى ارتفاع ضغط ابوها بسبب زياده سعر فاتوره التليفون وفى منهم اللى كانت بتصحى العصر على علبه المكياج ومانيكير وباضيكير وميك اب ومرايه ومعاد فى الكوافير مسيو ميلاد عنده لون صبغه جديد لسه جايه انما ايه ولبست وحجزت اعلى رصيف قدام السراج مول ولا فى زتونه خلصت الكليه وراحت ايامها فى مننا اللى لسه بيدرس طب بيدرس ايه ده يا عم بيعمل ماجيستير او بيحضر رساله دكتوراه او بيحضر عفريت حتى بياخد فى كورسات المهم خلص من هنا وشاف جيشه ايه ظروفه ليه جيش ولا عنده عوزرو وفى اللى ربنا صلحله حاله واتجوز واتهد وتاب عليه المولى طب والناس اللى كليتها كانت سنتين ولا اربعه راحوا فين الناس دى موجودين يا عم هما والبنات بس الولاد فى منهم اللى اشتغل وطبعا واكيد وحتما شغلانه بعيد عن مجال دراسته والباقى طبعا مرصوصين فى صفوف متوازيه على القهاوى اما البنات بقى اللى ربنا كرمها زى ما كرم السادات واتجوزت وشافتلها واحد تشل انفاس امه واللى لسه قاعده مش لاقيه حاجه تعملها ومستنيه ابن الحرام يجيلها واهى بالمره بتدور على شغلانه سكرتيره فى شركه اصلها لسه جايبه مينى جيب ونفسها تجربها نخش على المرحله الاخير مرحله ايه ياعم مابقاش فى مراحل خلاص ما احنا اخدنا حاجات كتير من صغرنا واحنا متعودين اننا لازم ناخد فيها فجاه كده مش نلاقى حاجه ناخد فيها شور الكل قال دلوقتى الراجل ده فاكر دمه خفيف وبيشتغلنا لا والله انت لو مخك نظيف شويه وبتشغله كنت عرفت من اول سطرين إن موضوعى بيتكلم عن حاجه اسمها الـبطـــــــالـه انواعها كتيييييييير ومش حتكلم عن انواعها بالتفصيل يكفينا نعرف إنها وباء انتشر بين الشعوب واللى ساعد فى خلق وانتشار الداء ده هى الحكومه بس نشرت الداء ومش صنعت الدواء عملنا حاجات كتير على رائ الفنان علاء عنتر مش حرمنا نفسنا من حاجه فى مننا اللى عمل حاجات كتير صح واتعلم جنبها حاجات كتير غلط وفى مننا اللى عمل حاجات كتير غلط واتعلم برضو حاجات كتير صح طول عمرنا متعودين ناخد جه الوقت اللى ندى فيه بس ندى بمصلحه للطرفين عاوزين نشتغل عاوزين نعمل لنفسنا كرامه حتقولى هو الواحد يبقى مش عنده كرامه إلا لو اشتغل اقولك اه عاوزين نتجوز بنت حلال ويكون لينا بيت ونشيل مسؤوليه عاوزين نعيش حياه نظيفه عاوزين نتقرب من ربنا بدون سبب مش نصلى ونصوم ونذكى علشان يجيلنا شغل ولما نشتغل ننسى حاجه اسمها عباده لا انا اشتغل واقوله انا جايلك مش علشان حاجه ولو مش اشتغلت برضو اروحله مش حلاقى عند حد غيره حل لكل مشاكلى عاوزين ندوق طعم القرش اللى جاى بطلعان عين ام اللى خلفونا عاوزين... عاوزين... عاوزين... عارفين احنا دلوقتى زى مين زى الطفل الصغير اللى لسه بيرضع وامه عودته على البزازه او السهايه او اللهايه وفجأه كده تيجى تسحبها منه يالهووووووووووووى خد عندك بقى - ياستى سكتى الواد ده - طب اعمله ايه انااا بلاش افطمه يعنى - يعنى مش حعرف انام شويه قبل لما اروح الشغل - يعنى عاجبك شكله وهو عنده 4 سنين ولسه الزفتته دى فى بقه - انا سايبلك الأوضه كلها وطالع - اه ما ده اللى انت ناصح فيه مشيلنى الهم كلهه - لكلكى فى الكلام كتير خليها ليله طين على دمماغك ودماغه - ده اللى انت شاطر فيه ادينى ساكته طبعا قلب الام يحن على طفلها تقوم تديهاله شويه وتسحبها منه شويه مع زياده فتره وجودها خارج فم الطفل فى كل مره ^_^ بس اسمها حنت عليه قلبها رق وحست ان ده حته من جسمها احنا بقى الطفل وامنا بقى حكومتنا بس دى ام تانيه خالص ام مختلفه تماما امنا الغوله ام من قريش او من يهود خيبر من الأربعين حرامى بتوع على بابا ويمكن تكون الأربعين كلهم بالتشكيل الوزارى الجديد علمتنا من صغرنا اننا لازم ناخد فيها وفجاه بطلت تدينا فيها عمركوا وانتوا ماشيين فى شارع فى حاره شعبيه فى منطقه سكنيه او حتى راكبين مواصله ايأ كان ايه هى عمركوا ما صادفكوا وسمعتوا واحد بيشتم فى الحكومه اكيد حصل طبعا كل واحد وواحده مننا حيسمعه من هنا وحيقولك شوف الراجل قليل الأدب ده واحد مهزق ومش متربى وى وى ... طب ليه مش حد فينا سال نفسه هو الراجل ده بيشتم ليه فى الحكومه هل ممكن يكون مجنون حنعتبر انه مجنون واختيار الحكومه بالزات كانت صدفه ليه بس هل تعتقد ان اللى بيشتمها حتسيبه عايش فى البلد الفتره دى كلها طبيعى حتاخده على عش المجانين بس مش شفقه منها علشان تعالجه هناك لالالالا علشان لو مات ماحدش يسمع عنه حاجه طب حنقول انه عاقل طب كلنا نعرف ان لكل فعل رد فعل طب رد فعل الراجل ده كانت الشتيمه والأهانه فى الحكومه طب الحكومه اساسا عملت فيه ايه علشان يلعن ويسب فيها شوووور كلنا حنطلع الراجل هو اللى غلطان حتى لا اكثر من الأطاله عليكوا بموضوعى لى سؤال اخير قبل كتابه اخر سطور موضوعى وارجوا من جميع من يشاهد التوبيك انه يجاوب عليه هل نقدر نكمل حياتنا من غير ما ناخد فيها ؟ ( طبعا مافيش حد حيجاوب على السؤال ده غير اللى قرى وفهم الموضوع ) اه نســيـــت فى نوع من انواع البطاله حتقابلوه دلوقتى فى موضوعى ده عارفين ايه هو لما تلاقى عدد مشاهدات موضوعى ده فى اول يوم تتعدى الـ 30 مشاهده (علشان الكل حيشوفه ويقولك اكيد صلاح عامله مصيبه) وعدد الردود لا تتعدى الخمسه ( والخمسه اللى حيردوا من شلتى ) ^_________* بيقولك الأيد البطاله نجسه ده لو المخ شغال وهى مش قادره تكتب انما لما يكون المخ شغال والأيد شغاله وكله شغال والمانع يكون الخوف لا تعليق سورى طوولت عليكوا قوى
__________________  [عزيزي الزائر يتوجب عليك التسجيل لمشاهدة الرابط للتسجيل اضغط هنا ] فريق على خطى الحبيب  |
| إرتباطات دعائية |
 |
|
#2
06-03-2008, 02:18 PM
| ||||
| ||||
اقتباس:
طبعا سكيتر انت اتكلمت عن مجمل الحياه بطبيعتها واللي الناس بتعيشوا واللي احنا عشناه كلنا وبطبيعة الحياه كل الناس هتعيشوا في نقطه اساسيه عجبتني اوي ولازم تكون موجوده هو اننا نكون قريبين من ربنا سواء كنا فمشاكل او غير المشاكل نفكتره ديما علشان يفضل فكرنا فيها نرجع لموضوعنا اللي هو الاساس " البطــــــــــــــــاله " الحكومه لو اكلت الناس وشغلتها في واقع تفكرها بتقول ان الناس هتفتري عليها ودا الواضح واللي احنا مش عارفين نوضحه اساسا نسبة البطاله فمصر هنوضحها دلوقتي " ويمكننا تتبع تطور حجم مشكلة البطالة في مصر من خلال بيانات الجهاز المركزي للتعبئة العامة والإحصاء حول تقدير حجم البطالة حيث نجد أنه في عام 1960 كان معدل البطالة 2.5 % من إجمالي حجم القوى العاملة، وفي تعداد 1976 يقفز الرقم إلى 7.7 % ثم إلى 14.7 % من تعداد 1986، ولكنه وصل في 1996 8.8 %. " " أما بالنسبة لرقم ومعدل البطالة الحقيقية في الوقت الراهن فهناك اختلاف فيها، فبيانات الحكومة متمثلة في الجهاز المركزي للتعبئة والإحصاء تشير إلى أن عدد العاطلين في مصر قد بلغ نحو 1.78 مليون عاطل في بداية عام 2002 بما يعني أن معدل البطالة قد بلغ نحو 9.1 % وبالمقابل تشير بيانات البنك المركزي المصري في نشرته الإحصائية والشهرية الصادرة في أبريل 2002، إلى أن عدد العاطلين في مصر ثابت عند 1.5 مليون عاطل من العام المالي 69/97 وحتى العام المالي 2000/2001 حيث بلغ 7.6 % من إجمالي قوة العمل البالغ نحو 19.5 مليون نسمه " وقالوا ان في " حزمة سياسات متكاملة لمكافحة البطالة " معرفش اي حزمه دلوقتي هتقدر تعالج الموضوع دا اساسا لا وايه ينزلك اعلان عن وظائف وبعدها بشر يقولك ان المتقدمين غير مناسبين للشروووووووووووووووط ونظره تانيه اكيد الناس عافله عنها ان نسبة الجرائم والاغتصاب والنهب وكل الجرائم دي بسبة 90% ينفذها العاطلين بالشوارع لا وفي نقطه عايز اقولها تانيه خالص " ان نسبة البطاله فإسرائيل 0 % " سبحان الله فعلاً ورداً على سؤالك سكيتر " اننا هنفضل نأخد فيها على طووول " وعمرنا ما هنتغير ابداً طول ما لسانا بيتكلم وخلاص بدون فعل ....... والشباب عجبه اللي هو فيه عاطل وخلاص واكل ،،، وشارب ،،،، ونايم وعنده لامبالاه من عجب ومش عايز يتحرك بسم الله الرحمن الرحيم " ان الله لا يغير مافي قوم حتى يغيرو مابانفسهم " صدق الله العظيم
__________________ No Signature فريق على خطي الحبيب |
|
#3
06-03-2008, 10:49 PM
| ||||
| ||||
اقتباس:
حمدى .. اسعدنى تواجدك فى موضوعى ميرسى كتيير ع مرورك وردك واضافاتك وتعليقك الاحصائيات والارقام .. كلنا يمكن يكون عارفها بس ايه الفايدة طالما مش بتتغير البطالة .. طبعا معروفة .. وبقيت زى الوباء اللى مش ممكن نتعالج منه .. والاعلانات المضروبة وفعلا ان كان العيب فى اللى ماكسن البلد بس العيب الاكتر من الشباب اللى منفض ومطنش من كله ومش بيحاول يغير او يطور من نفسه وصدق الله العظيم القائل "ان الله لا يغير مافي قوم حتى يغيرو مابانفسهم " تقبل خالص تحيتى بردك الجميل ده ويارب يكون الموضوع عجبك
__________________ [عزيزي الزائر يتوجب عليك التسجيل لمشاهدة الرابط للتسجيل اضغط هنا ] فريق على خطى الحبيب |
|
#4
07-03-2008, 02:01 AM
| ||||
| ||||
يا باشا انا دخلت كل مراحل التعليم ومازلت ارفرفر في سماء الكليه رغم ان دفعتي اتخرجت من تلات سنين  وعمري ما اخدت فيها لا علم ولا تربيه ولا اي حاجه
__________________  سأترك معول النسيان كي يعني بأنقاضي |
|
#5
07-03-2008, 03:47 PM
| ||||
| ||||
اقتباس:
مام .. اسعدنى كثيرا مرورك بس اعتقد انك خرجت عن نطاق الموضوع فاللى انت بتتكلم عنه ده موضوع آخر وانا مش باتكلم ع المراحل التعليمية لا الموضوع اكبر من كده ع العموم تقبل تحيتى
__________________ [عزيزي الزائر يتوجب عليك التسجيل لمشاهدة الرابط للتسجيل اضغط هنا ] فريق على خطى الحبيب |
|
#6
07-03-2008, 05:20 PM
| ||||
| ||||
والله معاك حق يا سكيتر وأهنيك على أسلوبك الرائع وسردك الممتع وأنا موافقاك جدا على كلامك فى أننا عاملين زى الطفل الصغير اللى لسه بيرضع فعلا والله تشبيهك فى محله وبيتفاجأ الطفل ده اللى عمره مثلا (25) أنه أتخرج ولسه ما اشتغلش وحتى مؤهله وتقديره وخبراته الحاليه مايسمحلهوش بأنه يلاقى وظيفه تناسبه ولا حتى ماتناسبهوش فيشتكى ويقول مافيش فرص عمل ومافيش شغل وأعمل ايه وأجيب منين... فى رأى بيقول أن الأنسان علشان يبقى كفء ويقدر يشتغل وينتج لازم يبقى معاه 3 حاجات : 1- شهاده (جامعيه أو خبرات ) 2- موهبه أو هوايه( فنيه أو فى أى مجال ) 3- حرفه ( أو صنعه فى مجال ما ) لكن الشاب يتخرج من الكليه بتقدير مقبول وكان ساقط سنتين وما عندهوش أى هوايه وما يعرفش أى حرفه أو صنعه بجانب دراسته وطول سنين الكليه كان كسلان وعمره ما تعب نفسه فى الاجازه أنه يدور على اى شغل وبعد كل ده عايز يتخرج يلاقى الدنيا فاتحاله دراعتها ...؟ فى شرع مين ؟ ده طبعا غير حكومتنا الحبيبه اللى شبهتها بالام وهى بعيده كل البعد عن هذا التشبيه.... والتعليم البايظ اللى بوظ مخنا أكتر ما هو. فى أحصائيه بتقول أن الطفل المصرى أذكى طفل فى العالم لغاية لما يدخل المدرسه نسبة ذكائه بتقل ...... لغاية لما بنوصل للمرحله اللى احنا فيها من الغباء؟ والله مش عارفه أقول ايه ولا ايه أنت قلبت علينا المواجع الواحد كان بيحاول ينسى منك لله ياسكيتر....................... بقولك ايه أنت مش مشرف ضيف فى ورطه ( ايه اللى جابك هنا ) ؟
__________________  كن انت التغيير الذى تريد أن تراه فى هذا العالم .. ...فريق على خطى الحبيب... |
|
#7
07-03-2008, 07:00 PM
| ||||
| ||||
اقتباس:
نورسين .. انا سعيد اووى وانا برد على ردك وتعليقك الجميل ده اللى بجد عجبنى اوووى والتشبية فعلا موفق الى حد ما .. والـ 3 حاجات انا موافقك اووى عليهم والتعليم فعلا زى ماقلتى ولا انى من المفترض انى مدرس وادافع عن التعليم بس للاسف كلامك صح .. ويارب كل حاجة تتغير للاحسن انا يمكن فعلا اكوون قلبت المواجع بس دى حقيقة مش ممكن ننكرها او نهرب منها " بيها " وانا جيت هنا عشان اشوف ارائك الجميلة دى .. وميرسى كتيير لردك ومرورك وتعليقك الروعة تقبلى خالص تحيتى ويارب ع طوول تنورى مواضيعى
__________________ [عزيزي الزائر يتوجب عليك التسجيل لمشاهدة الرابط للتسجيل اضغط هنا ] فريق على خطى الحبيب |
|
#8
07-03-2008, 08:34 PM
| ||||
| ||||
والله يا احمد الحال بيتحول من سئ الى اسوأ ع الاقل الطفل بيتفطم ان مكنش ف يومين بيكون ف اسبوع لكن احنا الحكايه طولت معانا اوى.. والوضع مش بيتقدم ابداً المشكله والله مش فينا يا احمد احنا زى ما قولت فينا شباب دماغهم زى الفل وفينا شباب معاه الفلوس زى الرز بس النوعين مش عارفين يستغلوا امكانيتهم صح.. وفوق كل ده الحكومه -حفظها الله- كل ما حد يحاول يعمل حاجه.. بتكسر جناحاته.. انا مش بحاول اعمل حاله م الاحباط والله بس للاسف انا بحس ان المستقبل هيكون اوحش كتير من دلوقتى.. سواء بسبب البطاله او غيرها.. ميرسي كتير يا احمد ع الموضوع الجامد ده.. ومتحرمناش من جديدك.. ارق تحياتى..
__________________  |
|
#9
08-03-2008, 05:54 PM
| ||||
| ||||
اقتباس:
شوشو .. ميرسى كتيير لردك اللى اسعدنى وتواجدك فى الموضوع وتعليقك الجميل والحال فعلا بيتحول بالاسوا .. بس مش معنى كده اننا نتفرج مكتوفى الايدى لا لازم نعمل حاجة ولو اننا نعبر ونقووول راينا ونصرخ يمكن تكون الصرخة بداية لاننا نحيا من جديد زى الطفل الصغير اللى برضه حياته بتبدا بصرخة لكن بالنسبة لى انا متفائل رغم كل اللى حواليه حاسس بامل ومستقبل حلوو جااى رغم كل الظروف ومش يائس وان شاء الله مش هيئاس تقبلى تحيتى ع تعليقك وتواجدك الجميل
__________________ [عزيزي الزائر يتوجب عليك التسجيل لمشاهدة الرابط للتسجيل اضغط هنا ] فريق على خطى الحبيب |
|
#10
09-03-2008, 04:52 AM
| ||||
| ||||
انا موش " موش فاهم " الموضوع انما انا شايف لو كنت عايز تتكلم في الموضوع بشكل جدي كنت تحذف الكلمه المكرره خمسن مره في الموضوع ورأس الموضوع ونتحاور بجد !!!!
__________________ سأترك معول النسيان كي يعني بأنقاضي |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | تقييم هذا الموضوع |
| |
ذكريات كدابة "كلنا خدنا فيها" ولا انتوا ايه رايكوا فى واقعنا المأسوى ده 
العرض العادي
