| |||||||
| التسجيل | ضوابط المنتدى | الكلمات الدلالية (Tags) | التعليمـــات | البحث | مشاركات اليوم | اجعل كافة الأقسام مقروءة |
| المنتدى العام هنا تطرح المواضيع ذات الصلة العامة التي لا تخص أي تنصيف من التنصيفات الموجودة أدناه. |
امشى جنب الحيط وخليك فى حالك
تصفح موضوع امشى جنب الحيط وخليك فى حالك في المنتدى العام; خليك فى حالك و امشى جنب الحيط جملة مقدسة عند كل أب و أم مصريين عند تربية ولادهم و لأن معظمنا شباب تيكي تيكي و بنسمع كلام مامى و دادى ...
 |
| | LinkBack | أدوات الموضوع | تقييم الموضوع | انواع عرض الموضوع |
06-03-2008, 11:42 AM
| |||
| |||
| امشى جنب الحيط وخليك فى حالك  خليك فى حالك و امشى جنب الحيط  جملة مقدسة عند كل أب و أم مصريين عند تربية ولادهم و لأن معظمنا شباب تيكي تيكي و بنسمع كلام مامى و دادى فاحنا مش بس هنمشى جنب الحيط داحنا هنمشى جوة الحيط كمان و مش هننبش فى مشاكلنا و لا هندور على أسباب المشكلة و لا حتى هنحاول ندور على العلاج موضوعات سلسلتنا من الآخر .. ترسيخ للشعار المصرى القديم ( اللى ممكن يكون بيرجع للعصر الطباشيرى ) .. خليك فى حــالك و أول حلقات سلسلتنا ..  آه يــانى .. من البحر الطليـانــى .gif) كتير مننا عايش و مش واخد باله من اللى بيجرى حواليه و لأننا متعودناش نقرأ ( كأن القراءة بعبع للشعب المصرى ) فمبقاش عندنا قدرة على مجاراة و مواكبة العصر و بقينا زى الإنسان البدائى فى عالم بقت اليونان فيه بتفوز ببطولة أمم أوروبا و بقت فرص تقدمنا بالظبط زى فرص فوز الزمالك بالدورى . كان لازم أقول الكلمتين الجايين دول مش كلام سياسى على الرغم من مظهره الخارجى لكنهم مفيدين جدا لينا فى موضوعنا هتكلم عن عصرين مختلفين لمصر عصر الاشتراكية اللى بدأ بعد الثورة و عصر الرأسمالية الحالى و طبعا لأن أغلبنا معندوش فكرة عن الاتنين و بالنسباله الرأسمالية و الإشتراكية حاجة كدة زى تارت الكريم كراميل و طائر الرُخ بيسمع عنهم بس و عمره ما جرب حاجة منهم الاشتراكية بمعنى بسيط جدا إن النظام الحاكم هو اللى بيبقى معاه كل الفوس و الموارد و الشعب يعيش غلبان و لو عايز أى حاجة أطلب من الحكومة .gif) و دا النظام الروسى الشيوعى قبل سقوط الاتحاد السوفيتى و اللى طبقه عبد الناصر فى مصر _ الرأسمالية بقى يعنى الاعتماد على النفس .gif) و كل مواطن من حقه يبقى معاه فلوس و الحكومة مش ملزمة بحاجة تجاهك اقتصاديا غير انها توفرك سوق الاستثمار و المجال اللى تقدر تحصل منه و تستثمر فيه فلوسك و لأننا كشعب لحد دلوقتى عايشين فى تصور النظام الاشتراكى و مستنيين الحكومة تعملنا كل حاجة ظهر عندنا ظواهر عجيبة مكنتش موجودة قبل كدة أو كانت موجودة لكنها أصبحت بصورة متزايدة رهيبة فى الوقت الحالى و منها ظاهرة موضوعنا النهاردة : أنا هلم قرشين و أخلع يا عم .gif) بقى كل شاب همه انه يسافر لإعتقاده التام ان مفيش فرص عمل فى مصر و يحاول يدور على أى قرشين يسافر بيهم لو فكر يهاجر بصورة شرعية فى الغالب بتقى مشكلة كبيرة لأن شهادته غالبا بتبقى الثانوية العامة أو دبلوم صنايع و حوارات الفيزا كارد و الكلام دا كله بيبقى صعب و معقد بالنسباله و صعب يخرج من غير عقد عمل فيبدأ يدور على الطريق التانى .. الهجرة غير الشرعية و يستلف أى قرشين من أى حد و يشوف واحد قرارى يسفره إيطاليا أو اليونان و على أى مركب يسافر و يترمى فى البحر قبل الحدود الأوروبية بكام كيلو و هو وشطارته بقى فى العوم و فى التخفى من سلطات الحدود و طبعا بتفشل العملية لأنه حتى لو دخل البلاد بيبقى طول الوقت هربان و مطارد لأنه مش معاه باسبورت و لا أوراق دخول شرعية فبتحصل كوارث الغرقى اللى بنشوفها دايما و آخرها حادثة أواخر 2007 . طيـــب دلوقتــــــى .. ليه الشباب دا بقى بتهون عليه نفسه و بلده بسهولة ؟ و بقى تفكيره الوحيد فى تأمين مستقبله هو السفر برة ؟ مع علمه بخطورة الموضوع لدرجة ان شاب من اللى نجيوا من الغرق قال ( أهون عليا أموت غرقان و لا إنى أرجع مصر ) _ أنا شايف ان دا مش بسبب الظروف الاقتصادية بس اللى اتكلمت عليها فى البداية الموضوع ليه أبعاد تانية أهمها إننا فقدنا انتمائنا لبلدنا ( أو بمعنى أصح فقدنا الانتماء لكل شىء ) مبقناش عارفين احنا مين و لا عايزين ايه عايشين فى بلدنا أغراب فى حين إن الأغراب ( السياح ) واخدين حقوق أكتر مننا نفسنا ( إحنا أهل البلد ) و دا مالوش غير علاج واحد انك تبدأ تعرف ايه هى حقوقك كمواطن انك تعرف انك انت ابن البلد دى ان انت مصرى سامعنى كويس ؟ شاعر أى مشروع ناجح لازمله حاجتين : رأس مال و فكر تخطيطى سليم و الاتنين موجودين عند شباب مصر لكنهم معندهمش فكرة عن كيفية استخدامهم اللى عنده رأس مال بتبقى غالبا دماغه فاضية و مقضيها تفاريح و اللى عنده فكر بتبقى مشكلته الكبرى رأس المال طب الراجل اللى عنده فلوس و مستعد يدفع لشاب 30 ألف علشان يسافر ليه ميساعدوش بيهم هنا فى بلده ؟ ليه رجال الأعمال ما يتبنوش مشاكل الشباب و يمولوهم و حتى ياخدوا إيصالات بالمبالغ اللى دفعوها ! و الشباب يسددها بعد كدة خصوصا إن حوارات قروض البنوك للشباب حوار سنتيح و مهلبية بالمكسرات محتاج رجال أعمال بمنطقنا الإسلامى ( القرض الحسن ) دا اليهود فى أستراليا و أغلب الدول بيطبقوا النظام دا يتبنوا شباب صغير و يمولوهم و يدوهم خبراتهم و يخلوهم يقفوا على رجلهم و يرجعولهم بعد كدة رأس المال اللى استلفوه بس بدون فوايد ( نظام القرض الحسن الإسلامى ) و كل دا علشان ينضم الشباب لمسمى ( تنظيم الماسونيين الأحرار ) الصهيونى ناس عندهم فكرة و عقيدة بيدعولها ( أرض الميعاد ) و إحنا أصحاب العقيدة الوحيدة الصحيحة و الفكر القويم لإصلاح كل المجتمعات .. أملنا الوحيد فى الحياة بوسة من صاحبة نظرية ( بوس الواوا ) محتاجين نظرة موضوعية لأسباب مشاكلنا علشان يبقى عندنا نظرة موضوعية أخرى لحلول المشاكل دى يا ترى عندك و لا هتمشى جوة الحيط و تخليك فى حالك ؟ بس المشكلة إن إنت مش مخليك فى حالك لو كنت مهتم بحالك مكانش بقى دا حالك و لا إيه ؟ مستنى نسمع من بعض و نشوف أرائنا و طرحنا لأسباب مشكلة النهاردة قبل ما نغرق كلنا .. فى البحر الطليانى ...  |
| إرتباطات دعائية |
|
06-03-2008, 03:54 PM
| #2 (permalink) |
| قلم ذهبي     |  كلام جميل... بس المشكله مش فى الشباب ولا الأهل اللى خايفين على ولادهم؟ المشكله فى الحاله اللى البلد بقت فيها.. وماحدش يقول اصل عدد السكان عمال يزيد ؟ وهو ده اللى عامل أزمه لااااا مش دى المشكله ... الصين عدد سكانها أكتر بكتير .. وشوفا وصلت لأيه؟ ولولا أن مصر مليانه ثروات طبيعيه وموارد من عند ربنا زى نهر النيل مثلا وأرضنا الخصبه وحاجات كتير..... كان زمانا أنتهينا من زمان المشكله فى اللى ماسكين مصر؟؟ حد يقدر يقولى ليه الأسعار عماله تزيد بالشكل المجنون ده؟ مع أن البضايع فى السوق كتيره جدا؟ يعنى المفروض السعر ينزل مش يزيد ( عرض وطلب ) حتى الموارد الاساسيه زى الدقيق والرز ... اللى مصر أكتر بلد عندها قمح . ممكن حد يقولى بنوديه فين؟ ولا يمكن بنرميه فى المحيط زى أمريكا؟؟ والأخر نقول ليه الشباب بينتحر ويهاجر هجره غير شرعيه أو حتى شرعيه؟ طبعا ده مش مبرر. بس فى شباب نفوسهم ضعيفه وما عندهمش عزيمه .. لازم نحس بيهم. على العموم المشكله كبيره ومش حينفع نلاقيلها حل لواحدنا.. لازم الشباب مع الحكومه.. شكرا ياسكيتر لكلامك الرائع ده والله معاك حق فى كل كلمه |
| |
|
06-03-2008, 06:40 PM
| #3 (permalink) |
| مشرف المنتدى العام   | هناك الكثير من هذه التنبيهات منها : امشى جنب الحيط اوعى تنزل من على الرصيف امشى سنة ولا تخطى قناة من خاف سلم اجرى ياعبد جرى الوحوش غير رزقك لم تحوش مثل هذه الامثال تدعو الانسان بان ياخذ فى حياته خطوة تنظيم فلا هو يمشى ولا هو يقف شكرا لموضوعك الجميل |
|
| |
|
06-03-2008, 10:39 PM
| #4 (permalink) | ||
| عضو محظور   | اقتباس:
اولا ميرسى كتيير لردك ومرورك اللى اسعدونى وتواجدك فى موضوعى ثانيا : انا شايف ان المشكلة كلها مرتبطة ببعضها آه ماشى البلد والاحوال زى الزفت .. بس الشباب لو عندهم وعى اكيد بلدنا هتتقدم لكن للاسف الاهل بخوفهم المبالغ بيزودوا المصيبة امشى جنب الحيط وخليك فى حالك .. كلها تعبيرات مرفوضة فى زمننا ده وبرضه الماسكين اللى البلد زى ماقلتى لهم دخل كبير اووى بالمشكلة دى بس برضه فعلا زى ماقلتى برضه الهجرة مش مبرر ردك العظيم ده مش قادر ارد اقووول حاجة غير الشكر .. تقبلى تحيتى اقتباس:
محمد .. ميرسى كتيير لمروك وردك الجميل والاضافات اللى زودت الموضوع ويارب كلنا نسيب التنبيها اللى ملهاش اى عازة دى ونفووق بقى من اللى احنا فيه تقبل خالص تحيتى | ||
|
| |
|
07-03-2008, 07:39 PM
| #5 (permalink) |
| - Admin -  | وعى ازاى يا سكيتر و80 % م الشباب عايشين ع المخدرات والتهييس ؟  وعى ازاى ولسه فيه ناس كل هدفهم م النت المواقع الاباحيه واللى مش تمام ؟ وعى ازاى ونسبه الاميه ف مصر حوالى 29 % من سكانها ؟ "حسب الاحصائيات الاخيره" وعى ازاى وهو اصلا مفيش حريه تعبير.. ف الكلام زى عدمه..  طبعا دى مقتطفات كده بس.. لكن لو بصينا لاحوال الشباب بنظره اوسع من كده.. هنلاقى ان فيه حاجات كتير اوى لازم تتغير عشان نقول للشباب يفكروا بوعى الوطنيه والانتماء اللى بتقول عليهم الشباب هيحس بيهم ازاى اذا كان مفيش حاجه تحسس بكده لو ام مش حنينه على ولادها.. وقلبها قاسى عليهم ومش بتأدى اى حاجه من واجباتها ناحيتهم.. تفتكر هتلاقى هى منهم اهتمام وحب ؟ نفس الكلام على مصر والمصريين.. العيب مش ف مصر لا سمح الله.. مصر كبلد جميله ومحدش يقدر يقول نص كلمه.. بس الحكومه.. والثروه كلها متركزه ف ايد حوالى 10% م الشعب  والباقى بقى يشوفوا هيعيشوا لليوم الجاى ازاى.. الحكايه مش سهله ولا عمرها هتتغير بايد الشباب بس.. لازم الناس اللى فوووق.. تساعد الناس اللى تحت ولو بشويه صغيرين.. بجد مش هتفرق كتير مع اللى فوق.. بس هتفرق كتير كتير كتير مع اللى تحت سورى لو طولت يا احمد.. بس موضوعك شدنى  ميرسي كتير ليك.. ومنتظرني المزيدك ان شاء الله.. ارق تحياتى.. |
| |
|
08-03-2008, 12:19 PM
| #7 (permalink) |
| قلم نشيط جداً |  meshmesha فالاول احب اقولك ان ده حال كل الشباب مش معظمهم ومش هما الى اختروة لا ده فرض عليهم من الظروف الى حواليهم شوف كده كام فالميه من الشباب بيدخن وبعدين يشرب خمرة او او الى اخرة شوف كام فالمية من الشباب بيعانى من البطاله يكفى ان التعيين اتوقف ده شئ كافى انا اعرف واحد بكلريوس تجارة بيمسح سلالم وفالنهاية برده الشباب مشتركين فالحال الى وصلوله يعنى مش معفين من المسئوليه وموضوعك روعة زى عادتك وارق تحياتى |
|
| |
|
15-03-2008, 06:22 PM
| #8 (permalink) | |
| مشرف المنتدى العام | اقتباس:
واذكر عبارة كان اللور كتشنر يعيب فيها على كسل المصريين فيقول : اتعجب من احوال المصريين ، تسمع الفلاح جالس بجوار الترعة يغنى ويقول : هاتولى حبيبى !! انه يريد ان تاتى الناس له بحبيبة لاان يقوم ويسعى ويقتحم الاهوال من اجل حبيبه ولكن يطلب من الناس ان تاتى له بحبيبه الذى يحبه !! " شكرا على مجاملتك اللطيفة | |
|
| |
|
28-03-2008, 03:03 PM
| #9 (permalink) | |||
| عضو محظور | اقتباس:
انا شايف ان الموضوع عجبك والدليل ع كده طوول ردك وده يسعدنى بس اقولك حاجة واحدة هل معنى كده مفيش امل .. لالا اكيد طبعا فى ميرسى كتيير لردك اقتباس:
حمدى .. ميرسى كتيير لردك تحيتى اقتباس:
ميرسى كتيير لردك ومرورك الجميل يا مشمشة ونفس رد شوشو هوه ردى عليكى تقبلى تحيتى | |||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | تقييم هذا الموضوع |
العرض العادي
|
|
الساعة الآن 07:59 PM.
