الضيف الثالث - MaestrO

meshmesha · 25-02-2008, 11:38 PM

اولا مرسيه ليك كتير عالى قلته فى حقى ومرسيه كتير لسكيتر الى ذكرنى فاسئلته .
عندى شوية اسئلة ويارب مطولش عليك ولا ادايقك باسئلتى نبدأ :
1: كل انسان منا فى حاجة عنده بيشوفها نقطة ضعف فيه ونفسه يكسرها او يقويها ما نقطة ضعف شخصيتك من وجهة نظرك ؟
2: من وجهة نظرك ايهما اصعب فقدان صديق ام فقدان حبيب؟
3: من وجهة نظرك ايهما اصعب خيانة صديق ام خيانه الحبيب؟
4: لو وضعت فموقف اختيار بين صديق حميم او حبيب عمرك ايهما تختار ؟
5: بما انك تحب الكمبيوتر واستخدامه وتنشغل به كثيرا ما رد فعلك ان جاء اليوم الذى لم تجد فيه الكمبيوتر والنت وماذا تعتقد ان يكون بديلة بالنسبة لك؟
6: ماذا تفعل ان حضرت موقف خيانتك من حبيبك ورأيته بعينك مارد فعلك وما مدى تأثير الصدمة عليك؟
7: ايهما افضل بالنسبة لك ان تحب من تتزوج ام ان تتزوج من تحب ؟
8: انت بتقول ان مفيش حد فقلبك حاليا ومتعتقدش انه يكون فى فالوقت الحالى هل معنى كده تقصد بكلامك ان قلبك جامد ولا انك تقدر تتحكم فيه وتمنعه عن الى عايز تمنعه عنه اصل مفيش حد بيقدر يمنع نفسه عن الحب هل تقدر ان تسيطر على نفسك ان صادفتك شخصية جذبتك واعجبت بها؟
9: ما هو اول شئ يلفت نظرك للبنت ؟
10: فقرة لمن تقول جاوب بصراحة :
- سامحتك :
- حرقة دم :
- اترجينى :
- نندم عالعشرة الغالية:
- اخر واحد :
- انسى :
- سامحنى خلاص :
- حط نفسك فمكانى :
-يومنهم :
- كفايا :
- بسلم عليك :
- على بالى :
- ايوة جرحتك :

**Ni9ht** · 26-02-2008, 02:05 AM

يلا يا ميدو جايبلك حبة من التكست بتاعى و عاوزك تكون مبسوط على الاخر

اهم حاجة تكون منشكح على الاخر

1 - كم مرة لم يحالفك النجاح ورسبت في دراستك ؟ بدون كدب

2 - لو لقيت المصباح السحري اختر امنيتين في الدنيا واحققها لك . . ماذا تتمنى ؟

3 - بصراااااااحة .. كم جنية في جيبك الآن ؟

4 - عندما تكون هربان ، ولوحدك قاعد في البيت ، ماذا تعمل ؟؟

5- كم ساعه تجلس على النت ؟

6-ما أصعب موقف مر عليك؟

7- ما رأيك في الشعر ؟ وهل تكتب الشعر ؟ ومن هو افضل شاعر لديك ؟

8-ما افضل اسم نال اعجابك في المنتدى ؟

9- كم مره سافرت ؟ وما هي آخر سفره سافرتها ؟

10- ما هي امنيتك في الحياه ؟

ليها تابع هو انا ح اسيبك

**MaestrO** · 26-02-2008, 09:48 AM

هو في ايه

انتوا ما صدقتوا ولا ايه

شكل النهارده كله ردود

أمري لله

و ربنا معايا بقي

**ahmed_ae** · 26-02-2008, 11:28 AM

اقتباس:

المشاركة الأصلية كتبت بواسطة MaestrO [عزيزي الزائر يتوجب عليك التسجيل لمشاهدة الرابط للتسجيل اضغط هنا ]

هو في ايه

انتوا ما صدقتوا ولا ايه

شكل النهارده كله ردود

أمري لله

و ربنا معايا بقي

و الله يا محمد معاهم حق " دا أنا فرحان فيك بشكل ههههههههههههه

"

إيدولو كمان

سؤال من أخ إلى أخ !!!

محمد !

ممكن أعرف ما هدفك في الحياة ؟ ما هى طموحــاتك ؟
هل أنت من المصلين ؟
لمـــاذا تدخن ؟
لمـــاذا أنت عصبي ؟

أرجو الإجـــابة على اسئلتي في أقرب وقت ممكن

أخوك الشق الشقيق أحمد

**MaestrO** · 26-02-2008, 11:32 AM

انت كمان يا احمد
ماشي

كمان شويه هكون رديت علي كله

معلش يا جماعه تعبتكم معايا ..

بس .. استحملوني

**ahmed_ae** · 27-02-2008, 12:01 PM

و لازلنا اعزائي المشـــاهدين في إنتظـــار رد المايسترو الصغير

الأستــــاذ الكبير " محمد "

**amato_allah** · 27-02-2008, 05:21 PM

ربنا معاك يا محمد وانا مضنش ان في سؤال عاوزة اسالو كفاية اشوف ردك
في حفظ الله

**MaestrO** · 27-02-2008, 06:00 PM

طب والله كتر الف خيرك يا مايسترو انك تكرمت علينا واديتنا من وقتك الثمين شويه ترد بيهم ع الاسئله
ده ايه الدلع ده ؟

شوفتي بقي

وبعدين عبده اسكندرانى.. واحنا مبنتهددش بقى لامؤاخده

هو انا قلت حاجه

وعندى ليك كام سؤال كده يا محمد ع السريع..
بس ركز كده وبلاش الاجابات اللى ع الماشى دى
واحده واحده انا مش مستعجله.. انت مستعجل ؟
"كفايه غلاسه بقى وهدخل ف الاسئله"

مش مستعجل ولا حاجه .. و هجاوب بصراحه

- ايه ترتيبك بين اخواتك ؟ وهل ده ليه أثر ف ارتباطك بوالدتك كده ؟

والله يا شوشو انا الصغنون .. و بخصوص امي .. فده طبعاً هيكون بسبب ان كل الفترات اللي بكون فيها هيه اللي بتكون جمبي " في الخير و الشر " طبعاً كل الامهات كده بس جايز انا بحبها جداً بسبب انشغال والدي بشغله فده طبيعي يعكس اني احب امي اكتر .

-بتفكر تسافر تشتغل بره مصر ؟ ولو مش بره مصر.. بتفكر تطلع بره بورسعيد اصلا ؟

بكل صراحه اذا فكرت بالسفر فهيكون في علي الامارات - الكويت - السعوديه ده اذا في سفرت اذا في مصر فهيكون في بورسعيد " اللي هيه بلدي "

-بما انك قولت ان سمسم اقرب صديق ليك.. يبقى اكيد تعرفه كويس وتعرف مميزاته وعيوبه
قولنا 3 مميزات و3 عيوب ف سمسم.. وبصراحه

مميزات : طيب . صريح . بيحبني

عيـــوب : مش بيقبل الهزار في اوقات كتير و اوقات بيفهمني غلط . اعتقد ده العيب الوحيد اللي في اسلام غير كده مش شايف اي عيوب

- ليه شايف ان شخصيتك صعب حد يفهمها ؟ هل لأنك غامض ولا الناس بتفهم قصدك غلط ؟ ولا سبب تالت ؟

كل انسان يا شوشو ليه تفكيره و علي الاساس ده هو بيكون بطبيعه معينه . جايز اكون قابلت اشخاص معرفتش تفهمني كويس و جايز اكون انا اللي غامض بس انا ارشح ان صعب حب يفهمني علي اساس " غامض "

- سؤال ايه اكتر 3 حاجات :

*اكتر 3 حاجات بتحبهم ف نفسك

تحمل المسئوليه - الصبر - التفكير العميق

*اكتر 3 حاجات بتكرههم ف نفسك

البعد عن الصلاه - السجاير - 2 % بكون اناني " في بعض الاحيان "

*اكتر 3 حاجات بيعصبوك ف الدنيا

الكدب - عدم كتم السر - الخيانه

*اكتر 3 حاجات لازم تلاقيهم ف البنت اللى هترتبط بيها

التدين - الصراحه - الجمال

*اكتر 3 حاجات نفسك تحققهم

الاستمرار في الصلاه - اكون موفق في شغلي - و بنت الحلال

*اكتر 3 حاجات فخور انك عملتهم

والله يا شوشو اكون كداب لو اخترت حاجات معينه و اقولها لكن في حجات كويسه عملتها بس مقدرش اختار انهي 3 حاجات بالظبط .. هتكون صعبه شويه

*اكتر 3 حاجات مدايقينك ف المنتدى

في حاجات مش بتكون في الصوره بالنسبه للاعضاء او الزوار بتوع المنتدي او الموقع ككل .. في حاجات اكيد نقط ضعف بس هتتحل في الايام اللي جيه و هيكون الوضع احسن من كده ان شاء الله .

*اكتر 3 حاجاتمتقدرش تستحملهم ف الشخص اللى ادامك

الكدب - الكراهيه - البرود " السزاجة "

*اكتر 3 شخصيات أثروا ف حياتك وسابوا فيها بصمه

ماما - بابا - اختي

*اكتر 3 حاجات بتحبهم ف بورسعيد

البحر - سونستا - القرية السياحية بس لما تفتح خلال الايام اللي جية ..

- لو جتلك الفرصه انك تتجوز من بنت اجنبيه.. هل هتستغل الفرصه دى ؟ ولا ف نظرك البنت المصريه او العربيه بشكل عام تغلبها ؟

بأمانة ربنا .. انا في نظري البنت الاجنبية احسن من المصرية .. بكل المقايس و يكون احسن و احسن لما اتجوزها و اخليها تسلم فهيكون في نظري ده كويس ليا في الاخرة .. البنت المصرية جايز يكون اختياري ليها غلط . بس انا معظم اللي اتعرفت عليهم ادوني الفكره دي عن البنات فانا ماشي مع مثل " ابعد عن الشر و غنيلة "

- واحنا ف زمن الماده.. والطبيعي ان الفلوس مهمه لأى شخص ف الدنيا يعنى حاجه عاديه.. هل بتعتبر نفسك مادى ؟

بأمانة " لا " معأن الواحد بيكون محتجها في اوقات كتير ... بس حالياً الفلوس مش كل حاجه .. يعني مش هشتري كرمتي بالفلوس

- انت قولت انك مدخن "للاسف" ، مش هقولك ليه بتدخن عشان مش هتلاقى حاجه ترد بيها.. بس هسألك انت ناوى تبطل سجاير ولا مش ف دماغك الفكره من اساسه ؟

مفيش انسان بيشرب سجاير مش عاوز يبطلها يا شوشو .. اعتقد بنسبه 99 % اي انسان عاوز يبطلها فطبيعي هكون انا منهم .

محمد مش عايزه اتقل عليك والله عشان عارفه ان عندك شغل..
بس لقيتك مخلص اجابات وبتاع.. قولت لازم اسليك شويه..شوفت انا طيبه ازاى ؟
جاوب ونلتقى بعد شويه..

اسف بقي يا شوشو علي التاخير بس والله انتوا اخترتوني في وقت كله شغل ..

**babys_cuteness2** · 27-02-2008, 06:48 PM

يا لهووووووووووووووووووووووووووي اقوي سؤال شفته بتاع احمد اخوك يا محمد

حبيبي يا ابو احمد
رد يا معلم

~~سكيتر~~ · 27-02-2008, 09:57 PM

السلام عليكم

عدنا .. من جديد ..

مايسترو .. شد حيلك والحق جاوب ع الاسئلة قبل نهاية الحلقة يوم الجمعة

وربنا .. معاك .. ومعايا كام سؤال جد بساط .. خالص

1- لما حبيت ابص فى شوية من واضيعك لاحظت منها فضايح فنانين وقد تحمل كليبات او صور او متحملش .. بس إيه هدف المواضيع دى ؟؟ وايه لازمتها ومش شايف انها قد يعتبرها البعض لا اخلاقية ..!!؟؟ زى ده مثلا :
[عزيزي الزائر يتوجب عليك التسجيل لمشاهدة الرابط للتسجيل اضغط هنا ] دنيا سمير غانم بكاميرا جوال وهى عارية
2-إيه خطوات حياتك اللى جاية وترتيبك ؟؟
3-هل عدم وجود قسم فى المنتدى للحب ده عشان قلبك فاضى .. اقصد لسه محبتش .. وليه مفيش قسم للحب رغم احتياج المنتدى ليه ؟؟
4-هل البعيد عن العين بعيد عن القلب وليه ؟؟
5-هل تقبل بإنضمام عضو اسرائيلي ف المنتدى معانا ؟

6-هل بتثق ف اللى بتكلمهم ع النت ؟

7-هل ف الحب كرامه ؟