| |||||||
| التسجيل | ضوابط المنتدى | الكلمات الدلالية (Tags) | التعليمـــات | البحث | مشاركات اليوم | اجعل كافة الأقسام مقروءة |
| ضيف فى ورطة قسم خاص للتعرف على أعضاء منتديات العرب للجميع. |
الضيف الثاني - Shoshou
تصفح موضوع الضيف الثاني - Shoshou في ضيف فى ورطة; هل انتى من لديهم رغبة حب التملك واذا تملك الشيء اصابه الملل منه ؟ لا خالص.. بالعكس.. انا بحب اسعى للحاجه اللى انا عيزاها.. ووقت ما هتبقى ف ايدي اكيد ...
 |
| | LinkBack | أدوات الموضوع | انواع عرض الموضوع |
22-02-2008, 01:54 AM
| #31 (permalink) | |
| - Admin -      |  هل انتى من لديهم رغبة حب التملك واذا تملك الشيء اصابه الملل منه ؟ لا خالص.. بالعكس.. انا بحب اسعى للحاجه اللى انا عيزاها.. ووقت ما هتبقى ف ايدي اكيد هحافظ عليها بقدر الامكان من خلال اجاباتك .. اعترفتى تقريبا ان فى بعض المشرفين غير جديرين ... ياريت تذكريهم ومفيش زعل ولا احراج ..؟ بص انت بتقول من غير "زعل" ولا "احراج" اكيد "زعل" دى للمشرفين و"احراج" دى ليا احب اقولك انى مش هتحرج خااالص اقول  بس لو قولت ع الملأ كده هما اللى هيزعلوا.. ف بدون ذكر اسماء انا ممكن اقول ايه اللى مش عاجبنى وكل واحد هيفهم انا بتكلم على ايه  بس مثلا المشرف لازم يحاول يضيف حاجه للمواضيع ف قسمه ميكونش رده عباره عن شكر وكان الله بالسر عليم.. لازم يحاول يفتح نقاش وبدل ما الموضوع ف قسمه يكون مقال وبنشكر فيه يحوله لحوار وخد وهات..  مينفعش ادخل الاقى مشرف كاتب موضوع مكرر  وعشان متقولوش بس انى معقده م المواضيع المكرره.. الحاله اللى بتكلم عليها دى.. كان الموضوع المكرر ده ف نفس الصفحه.. والموضوع الاصلى نازل قبلها بيومين.. يعنى مش خفى ولا قديم ف مخدناش بالنا مينفعش المشرف يغيب عن قسمه بالايااام وييجي يطل علينا نص ساعه كل 9 سنين  مينفعش قسم المشرفين ينزل فيه تعليمات او تنبيهات جديده والاقى الموضوع محدش شافه ولا اهتم من اساسه مينفعش كل مشرف يقعد ف قسمه بس وميطلعش منه.. وجود المشرف مطلوب حتى ولو كان مش ف قسمه.. وملاحظات تانيه كتير بس واحده واحده كله هيتظبط  ايه اللى يمكن يقيدك ويمنعك انك تقولى الصراحة فى اللى قدامك .. او فى اى حاجة؟ حاجتين.. الاولى ان الصراحه دى تكون هتخرب بين شخصين.. او مثلا هتهد بيت.. التانيه انى اكون بتكلم مع شخص اكبر منى بكتير.. والصراحه دى لو قولتهاله ممكن تتاخد بأى شكل م الاشكال انها اهانه او غلط ف حقه.. دول الحالتين الوحدتين اللى ممكن ادارى فيهم الصراحه لكن غير كده.. مفيش اى مبرر  ايه اللى ممكن تعتبريه 1-احلى خبر 2- احلى فرحة 3-اكبر وهم 4-اكبر حلم 5--اكبر خدعة؟؟؟؟؟ احلى خبر : حاجات كتير يا احمد بس اكيد لما يكون نفسى ف حاجه اوى وبعدين تتحقق هيكون ده احلى خبر احلى فرحه : لما ارتبط بالانسان اللى بحبه  اكبر وهم : لما تشوف ناس على انهم كويسين وجدعان اوى وف موقف معين تكتشف ان الناس دول كانوا كلام ع الفاضى بس.. لكن فعل مفيش  اكبر حلم : الاحساس بالاستقرار وان المستقبل يكون واضح ادامى اكبر خدعه : لما اصدق حد واثق فيه.. وابتدى اتعامل معاه على هذا الاساس.. وف الاخر يطلع كان بيكدب عليا او بيخدعنى.. ساعتها هزعل من نفسى قبل ما هزعل منه.. لأنى انا اللى اديته الفرصه انه يخدعنى مفيش حاجة كاملة .. ايه اللى ينقص المنتدى عشان يكون مثالى سواء فى الاعضاء او التنظيم او الافكار الجديدة ؟ ف الاعضاء احنا بنفتقد شويه انتظام.. يعنى لو كل عضو كان بيدخل بنسبه معقوله شويه كان هيبقى المنتدى ده شعله مش بتنطفى.. كتنظيم انا بحس ان المنتدى منظم وعاجبنى كده.. فيه منتديات تانيه بدخل بحس ان فيه حاله توهان.. لكن هنا الحمد لله بحس بدرجه كبيره م النظام.. الافكار الجديده اكيد مش بتخلص.. واى منتدى كل فتره لازم يضيف جديد.. والا مش هيقدر ينافس مع بقيه المنتديات خصوصا وان المنتديات على قفا من يشيل.. محدش مجبر يستنى ف حته مش عجباه.. هل تقبلى انه يبقى فى دويتوهات فى المنتدى ؟ يعنى واحد وواحدة وياريت حتى لو مفهمتيش السؤال تحاولى تجاوبى حول السؤال ؟؟ وايه اللى يمنع ؟  هوه فى حب بجد وفى حب كده وكده يعنى مش بجد .. ولو فى ايه الفرق بينهم ؟؟ لا مش هنسميها حب بجد وحب كده وكده ممكن نقول الحب كده وكده ده اسمه وهم.. او تهيؤات.. والحب حب لا فيه بجد ولا كده وكده  بس الوهم او التهيؤات ده ممكن يكون الطرفين فاكرين انهم بيحبوا بعض.. وان حياتهم هتكون مع بعض.. وفجأه مع التعامل والمواقف يظهر ان ده كان مجرد اعجاب مش اكتر.. لكن الحب محتاج حاجات تانيه اكتر من كده بكتير.. الاعجاب جزء م الحب.. بس الاعجاب لوحده مش كفايه.. ايه اللى يمكن يوقعك فى حرج كبير ؟؟ انى اكون قاعده ف مكان مش فاهمه فيه حاجه.. ولا فاهمه ايه اللى بيحصل  بيقولوا ان الجراة ليها حدود ايه رايك بتتفقى ولا لا وليه ؟؟ اكيد ليها حدود لأن اوقات الجرأه لما بتزيد عن حدها.. بتقلب بقله ذوق.. وممكن ندخل ف غلط وحاجات ملهاش اى علاقه بالجرأه.. عندما تكوني معجبتا به .. ماهي طريقتك في الوصول الى قلبه !! لااا ده سر المهنه  مش بيقولوا انت حر ما لم تضر ؟  هعمل اى حاااجه طالما انا صح.. ومش بضر حد  هل تتزوجي من تحبينه.. ام تحبي من تتزوجيه !! وايهما ترينه اجمل ؟ الاختيار الاولانى طبعا.. اتجوز اللى بحبه.. والاجمل اكيد اللى اخترته لانى مقتنعه ان الجواز عن حب ده هو الاسلوب الناجح.. لكن اتجوز.. وبعدين اقبل بالوضع واحبه وخلاص.. مش بحب الاسلوب ده بتعترفى بالابراج .. وليه فى الحالتين ؟؟ لأ.. عشان كذب المنجمون ولو صدقوا.. وعلم الغيب ده عند ربنا.. ومثال بسيط.. لو فيه اتنين توأم.. ما اهم نفس البرج.. ومولودين ف نفس اللحظه.. وهتلاقى كل واحد فيهم بشخصيه وبتفكير وباسلوب مختلف.. يبقى منين بقى ؟ مجموعة لو .. لو اكتشفتى انك اتخدعتى فى حبيبك او كان بيلعب بمشاعرك هتعملى ايه ؟ هعمل ايه يعنى ؟  هبعد من سكات.. لو لقيتى المنتدى اتغير للاسوا .. يعنى مثلا .. معظم الاعضاء مشيوا ؟ هشوف ايه السبب اللى وصلنا للوضع ده.. ونحاول نفكر ايه الحل للمشكله دى ونحلها بأسرع وقت.. ؟؟لو عرفتى ان اختك "مصاحبة" اية حيبقى رد فعلك؟ والله انا كل اخواتى اكبر منى ومتجوزين.. ف مش عارفه اتخيل اوى الموقف اللى انت بتقول عليه ده.. نفسك تعتذرى لمين انت غلط فية؟ اى حد انا غلطت فيه اكيد هكون مدينه ليه بإعتذار تقولى لمين "ارجوك انا عاوزة احبك و احترمك,حسن صورتك عندى شوية"؟ ناس معايا ف الاكاديميه بتقولى لمين"تملى معاك"؟ ليمو بتقولى لمين "هو فى ايه؟!!!!!!"؟ برضو ناس معايا ف الاكاديميه قضيتى فين الفلانتين ومع مين؟ .. وكان ايه شكل اليوم ؟؟ هههههههههه اولا كان يوم تلج والدنيا مش بتبطل شتا.. ف الطبيعي انى قضيته ف البيت  مع مين ؟ كنت ناويه اخرج مع صحابى والله بس انتهت على انى قضيته مع نفسى "بكل فخر"  كان شكله ايه ؟ عادى خالص.. يوم زيه زي اى يوم من ايام ربنا عشان انا اصلا مش بعترف بالفلانتين.. لأن اكيد يوم ما الواحد بيحب فعلا مش هيحوش الحب كله ليوم واحد ويحتفل بقى بالحب اللى حوشه طول السنه..  ملوش لزمه بالنسبالى يعنى.. بتكره الخيانة قد اية؟ كره العمى  -يعنى ايه كلمة "وطن"؟ (بالنسبة لك) كلمه وطن بالنسبالى يعنى مكان انا مرتبطه بيه.. ولو بعدت عنه يوحشنى.. واحس انى مرتاحه فيه واتعودت ع الناس اللى موجوده فيه.. بس فيه حاجه كمان مهمه اوى.. ان الوطن عمره ما كان سجن زى ما هو دلوقتى.. -هل البعيد عن العين بعيد عن القلب وليه ..؟ لا خالص الواحد لما بيتعلق بحد.. بيحطه جوه قلبه ويقفل عليه.. ف خلاص هيبعد ازاى عن قلبه لما يبعد عن عينيه ؟ -لو اتخيرتى بين شغلك وبيتك تختارى مين وليه ؟ بيتي لاسباب كتير.. اولا انا عندى قناعه تااامه ان صاحب بالين كداب وبلاش نقول قاعده عامه بس انا هتكلم عن نفسى انا شايفه انى لو اشتغلت اهتمامى بدل ما هيكون كله لبيتي وجوزى وولادى ونفسى.. هيكون فيه منه جزء كبيييير للشغل والارهاق والتعب.. وبدل ما الراجل يرجع من شغله يرتاح ف بيته المتظبط.. وولاده ومراته يكونوا مستنيينه.. كل ده مش هيشوفه.. ده بعينه  ماهى هتكون هى كمان راجعه من شغلها تعبانه فاهم قصدى ؟ يعنى الاهتمام ده بيتي اولى بيه.. شيلتك الهم مش كده ؟ ما هى اولوياتك فى الحياه ؟! بتختلف من وقت للتانى بس غالباً فيه ثوابت اللى هى اهلى وصحابى ودراستى.. كل دى اولويات ثابته مهما اتغيرت الظروف.. كيف ترى مستقبلك ؟! مش باينله ملامح لسه هلى انتى راضي عن نفسك ؟! مش اوى هل تعطي الله حقة عليك ؟! لأ لو صورتك بقيت وحشة قدام حد ممكن تعملى ايه عشان تحسنيها ؟ هحاول احسنها بشكل او بآخر.. المهم يكون معايا حق عشان اقدر اتكلم بثقه.. تعتقدى إيه اهمية الرسايل الخاصة بما انك آدمن ..؟ لا مهمه طبعا بالنسبالى كآدمن ف بحتاجها عشان التواصل مع بقيه المشرفين او عشان لو فيه تنبيه او لفت نظر او حتى شكر لأى عضو لو حد غاب بنسأل عليه.. لو حد رجع بنرحب بيه.. لو حد عنده اى استفسار هيكون عن طريقها.. لكن اللى بيعصبنى بجد انى الاقى عضو جديد داخل ومعندوش ولا مشاركه اصلا ويدخل يبعتلى هااااااااااااى ممكن نتعرف طب ده ارد اقوله ايه ؟  إيه هيه صفات القيادة ..؟ ومتواجدة فى مين فى المنتدى من وجهه نظرك ؟ هى كتير بس خليني اقول اللى ييجي ف بالى دلوقتى - الشخصيه القويه - القدره ع الاداره بمعنى ان القائد لازم يكون عنده القدرة ع التخطيط والتنظيم والتوجيه والرقابة وتشكيل فرق العمل وتقويم الأداء - يكون قوى التعبير - لازم يكون فيه احساس بأهميه الرساله - الحزم والتواضع ف نفس الوقت والوزن ما بينهم - الاخلاص والنضج والحماس بالنسبه بقى لمين ف المنتدى يصلح لأنى اقول عليه قائد ف اعتقد انى هقول ليمو ومايسترو اكيد كإنسانة مثقفة ليكى وجات نظر سياسية من ترشحى ليكون رئيسا لجمهورية مصر العربية عام 2011 مش هقول شخص بعينه بس ك لاللى نفسى فيه انه يكون حد مش هيسرقنا اوى.. يعنى يصلح من احوال مصر او ينقذ ما يمكن انقاذه بأسرع وقت.. لأن فاضلنا زلطه.. ونضيـــع  ما هو رأيك فى سياسة حسن نصرالله بصراحه رغم انى سمعت آراء معارضه كتير ليه الا انى بحترمه جدا جدا جدا.. ومش هنسى ايام حرب لبنان لما كان متزعم حركه المقاومه وكان الشعب اللبنانى ساعتها صامد بسبب حسن نصر الله رأيي ف سياسته انه واحد بيحاول يدافع عن ارضه ودينه ووطنه.. ايه المشكله ؟ شيعي ولا سنى.. المهم انه سياسته صح من رأيك فى الاخوان المسلمين ؟! والله يا احمد انا بقيت بحتار معاهم شويه احس انهم عايزين يعملوا تغيير فعلا.. وشويه احس ان كل دى مسلسلات من بتاعه الساعه 7 وربع بس عموما انا مع اى حد ومع اى حزب عايز يقوم بتغيير.. ونفسه مصر تكون احسن.. عشان بجد كل ما احنا بنسكت كل ما اى مفترة بيفترى زياده.. اذا اردت ان تكون شخصاً آخر لمده اسبوع من تختار ؟! اختار اكون نفسى برضو مش غرور منى والله بس عشان انا معرفش اكون غير نفسى.. تعتقدى مين الضيف التالت المناسب للبرنامج ؟؟ LiMoO  مع طبعا إبداء رايك فى الحلقة من كل النواحى ؟؟ واحده واحده بالنسبه للتقديم كان رااائع بجد انا اول ما شوفت الموضوع حسيت م التقديم ان فيه جمهور هيسقف كمان شويه  ولو ان المقدمه اللى قولتها كانت كتير عليا فعلا بالنسبه لأسئلتك ف اعتقد انك خدت حقك تالت ومتلت  بالسبه لاسئله الاعضاء ف اتبسطت بيها كتير والله.. وحسيت فعلا انى مبسوطه وانا بجاوب ع الاسئله ومحستش بأى خنقه من اى سؤال.. عادى كأنى قاعده بحكى مع صحابى.. حاولت اكون صريحه على اد ما اقدر.. يمكن البعض يعتبر ان فيه جرأه شويه.. بس هى الصراحه كده.. متنفعش صراحه نص نص.. لحد دلوقتى معنديش حاجه تانيه اعلق عليها بس فعلا انا قضيت اسبوع جميل يعنى وكان فيه اسئله كتير غير متوقعه.. اقتباس:
 عموما ميرسي يا احمد ع الاسئله.. ويارب الاجابات تكون صريحه بقدر كافى.. ارق تحياتى.. | |
|
| إرتباطات دعائية |
|
22-02-2008, 02:00 AM
| #32 (permalink) | |
| - Admin - | اقتباس:
بس كفايه وجودك اللى نور الموضوع ارق تحياتى.. | |
|
|
|
22-02-2008, 10:16 PM
| #33 (permalink) |
| عضو محظور    |  السلام عليكم ازيكم يااحلى اعضاء اسبوع جميل جدا ومثير الى حد كبير قضيناه مع شوشو .. بالاسئلة اللى اتعرضتلها واجاباتها اللى اتسمت بالجراة .. بس للاسف الاسبوع عدى بسرعة ومحسناش بيه خالص .. بس اكيد عرفنا الكتيير عنها واستمتعنا اووى بحلقتها وطبعا .. زى ماوعدتكم اننا فى نهاية الحلقة هيبقى فى تحليل لشخصية شوشو والنهاردة جااى ومعايا التحليل كمحاولة للاستفادة من البرنامج ونبقى طلعنا منه بحاجة يارب تبقى كويسة فى الاول عايز اقوول ان لسوء الحظ انا كنت كاتب تحليل اكتر من كده بكتيير بس .. بعد ماكتبت كله ضاع لان اللينك اتقفل بطريقة غريبة .. ماعلينا ندخل بقى فى التحليل شوشو إنسانة مثقفة الى حد كبير اووى .. بتتعصب فى احيانا كتيير .. احيانا بيتغلب قلبها ع عقلها وده لانها رومانسية اووى بشكل ممكن يورطها فى المستقبل بس بتعرف تحل مشاكلها كويس اوى بيهمها اووى المنتدى وده طبيعى لانها آدمن بس بياخد مساحة من وقتها لا يستهان بها بتحب اووى مجال دراستها وده دليل ع نجاحها فى حياتها وحافز بيساعدها اووى فى الحياة اجتماعية اووى وده بيظهر من حرصها ع اصحابها وان مفيش حد يزعل منها وده برضه بيضطرها انها تجامل فى احيانا كتيير لانها مش بتحاول انها تجرح حد وكماان لو اتخيرت بين بيتها واى حاجة تانية بتفضل بيتها وزوجها فى المقام الاول ومن كونها مثقفة ليها آراء كتيير حلوة بسبب معرفتها لحاجات كتيير حتى السياسية بتتميز بجرأة قد يحسدها الكثير عليها بتتعصب كتيير وبيظهر عليها بشكل واضح بتحب اووى الفكاهة والمرح فيها شوية تشاؤم رغم انها خيالية شوية .. بتعمل اووى ع طاعتها بالذات طاعة والديها وارضاؤهم بتحاول باستمرار انها تحسن من نفسها وتطور من ذاتها باستمرار بتكره اووى الخيانة والكذب وبتحب طبعا الصراحة بتحب اووى الحوار الجاد يعنى الاقناع .. بيؤثر فيها اووى الكلام الحلو رغم انها بتحاول تعمل بنصيحة متثقش فى حد وخلاص بتحب السفر بس بتعشق بلدها وبتحب البحر من اصعب المواقف اللى ممكن تقابلها انها تصدم بحد او تتخدع فيه وبتحب الهدوء وبتتميز بصبر لحد كويس ذكية وده بيبان اووى فى اجاباتها ع الاسئلة واجاباتها اللى ع كد السؤال مبتحبش الرط بتتميز برضه بالوفاء مش بتنسى بسهولة بس كده .. كفاية .. يارب اكون قدرت اقرب من تحليل شخصيتك الحقيقية وانا كل ده حاولت من خلال إجاباتك ومدى معلوماتى عنك .. حلقة رائعة .. بلا شك شوشو نورتينا باجاباتك الجامدة وبنعتذر عن ان كان فى سؤال غلس او شخصى بس يكفينا اننا استمتعنا بوجودك معانا وازعجناكى باسئلتنا اللى اكيد فى منها الشخصى والمحرج ويمكن السخيف وميرسى خالص ع استضافتك وصراحتك بــ شكر كل اللى شارك فى الحلقة سواء بتعليق او سؤال او اى رد او حتى مرور ونورتونا واسعدتونا نوعدكم الحلقة الجاية ان شاء الله بضيف جامد اووى وحلقة ناااار  .. وهوه على فكرة مشرف واتواجد كتيير الايام اللى فاتت .. انتظرونا .. غدا السبت والسلام عليكم .. وإلى اللقاء |
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض العادي
|
|
الساعة الآن 05:47 AM.
