انت غير مسجل في منتديات العرب للجميع, للتسجيل: اضغط هنا
انت غير مسجل في منتديات العرب للجميع, للتسجيل: اضغط هنا  |  |  |
 |  |  |  |  | ||||||||
| ||||||||||||
 |    |  | ||||||||||
| ضيف فى ورطة قسم خاص للتعرف على أعضاء منتديات العرب للجميع. |
 |
| | LinkBack | أدوات الموضوع | طرق مشاهدة الموضوع |
18-02-2008, 10:55 PM
| #21 (permalink) | |
| - Admin -       |  اقتباس:
بس طالما انك مبسوطه كده خلاص  نورتى بوجودك يا باكى.. ارق تحياتى.. | |
|
|
18-02-2008, 11:04 PM
| #22 (permalink) | |
| - Admin - | اقتباس:
ميرسي يا حمدى للكلام الجامد ده ويارب اكون نجحت ف الاختبار  نورنى وجودك يا حمدى.. ارق تحياتى.. | |
|
|
|
18-02-2008, 11:38 PM
| #23 (permalink) | |
| - Admin - | اقتباس:
 يعنى وكمان اسئله ثانويه عامه ؟ ده انا ما صدقت خلصت منها.. تطلعلى هنا كمان ؟  براحه بقى ده احنا بلديات بعض.. ولا ايه ؟  ارق تحياتى.. | |
|
|
|
19-02-2008, 12:33 AM
| #24 (permalink) | |||
| - Admin - | اقتباس:
سواء من كلامك العسول اللى قولتيه ف الاول ده ولا من انى سبب من اسباب مشاركاتك معانا  اقتباس:
براحه عشان بخاف :sad: تقوليش هاخد حقنه مثلا أولا : بما أنك أخر العنقود اكيد مدلعه شويه ولا كتير؟؟ وبالنسبه لان أخواتك كبار كتير عنك مين أكتر واحد أو واحده منهم قريب منك؟؟ وأزاى كنتى بتتعاملى معاهم لانك أصغر كتير؟ بصراحه كتييير مش شويه بس..  وحسب كلام اخواتى وكل الناس اللى يعرفونا من زمان.. انا اخده مميزات كتير اوى اخواتى مشافوهاش خالص.. بالنسبه لإخواتى للاسف هقوللك كده وانا حزينه.. بس بجد مفيش حد منهم قريب منى..  كلهم كبااار اوى والفرق بيني وبينهم شاااسع يمكن من حوالى سنه كده اختى اللى قبلى على طول ابتدت تقرب منى اوى.. لكن غير كده اخواتى كلهم بيعتبرونى شوشو بقى الصغنونه المدلعه وكده فاهمه قصدى ؟  مش اكتر.. ثانيا: مين أكتر شخص ممكن يقولك رايه فى اى حاجه خاصه بيكى بصراحه من غير ما تزعلى؟ وايه أكتر حاجه ممكن تفرحك وانتى متضايقه ؟ بصى اى حد ممكن اقبل رأيه فيا طالما كان ف حدود الادب وبطريقه متجرحنيش لكن حد يقول رأيه بطريقه تدايقنى.. صدقيني هيكون ردى يدايقه اكتر  اكتر حاجه بتفرحنى وانا مدايقه هو وجود اسلام.. ثالثا: ايه اكتر حاجه نفسك تتغير فى المنتدى وايه هو التطور اللى عايزاه يحصل؟ وايه هو اكتر قسم بتحبى تكتبى فيه ؟ ومين اكتر الاعضاء اللى بتحبى تعلقى على مواضعهم؟ اكتر حاجه نفسى تتغير بصراحه عدد الردود.. انا بشوف عددالقراءات وبقارنه بالنسبه لعدد الردود بستغرب..  وبقارنه بالنسبه لعدد الاعضاء بستغرب اكتر واكتر..  احنا دلوقتى تقريبا داخلين فـ 40,000 عضو "بسم الله ما شاء الله يعنى"  يعنى متوقع ان عدد الردود يكون اعلى من كده بشويه التطور اللى عيزاه يحصل بصراحه ف المشرفين.. عايزه نوصل للمرحله ان كل قسم عليه مشرف.. والاهم من كده انه يكون مشرف واعى لمسئولياته عشان كل ما المنتدى بيكبر.. كل ما بيحتاج اهتمام ووعى اكتر.. اكتر قسم بحب اكتب فيه والله مش حاجه معينه.. بس تقدرى تقولى القسم العام اللى بيشمل (الاسلامى - العام - النقاش الجاد....إلخ) والقسم الاجتماعى اللى بيشمل (الساده الرجال - عالم حواء....إلخ) لان بيكون فيهم مجال للحوار كبير.. ودى حاجه انا بحبها انما مثلا البرامج والفنى والموبايلات وكل ده ف انا بعتبر ردودى فيه تشجيعيه مش اكتر..:smile: رابعا: لو جاتلك تزكرة سفر يعنى سياحه تحبى تسافرى اى بلد؟ وليه؟ احب اسافر فرنسا او ايطاليا مش عارفه ليه بس من صورهم بحس انهم بلاد جامده اوى.. وان الوجود فيها متعه اكيد خامسا : بما انك اسكندرنيه بتحبى اسكندريه ؟ وايه اكتر الاماكن اللى بتحبى تروحيها؟ ولو خارجه انتى وحبيبك تحبى يواديكى فين ؟ وياترى بتعرفى تعومى ولا؟ بحب اسكندريه ؟ انا مش بحب مكان ف حياتى قد ما بحب اسكندريه دى  بصراحه هو مفيش مكان معين انا بحب اروحه لسبب بسيط انى زهقت.. هى هى نفس الاماكن والخروجات.. بس عموما بحب حتت كتير ف سموحه.. وممكن سان ستيفانو برضو..واوقات كارفور وداون تاون.. واوقات اى كافيه م الكافيهات اللى ادام كارفور.. وطبعا بما انك اسكندرانيه ف انتى فاهمه انا بقول ف ايه  بس المكان الوحيد اللى مش بزهق منه البحر.. ولو خارجه انا وحبيبي احب يوديني اى حته والله المهم يكون معايا وخلاص  بعرف اعوم طبعاً.. آينعم كنت هغرق من سنتين تلاته كده بس يُقال يعنى انى بعرف اعوم سادسا وأخيرا: صورتك المستعاره ليه أخترتى الصوره دى بالذات وبتمثلك ايه ؟ حاسه انها شبهك؟ معلش سؤال غلس اخترتها عشان شكلها عجبنى.. يمكن حسيت انها بتعبر عن حاجه فيا مش عارفه هى ايه بالظبط.. بس بحبها اوى ومش بحب اغيرها خالص.. بحس انها خلاص ارتبطت بيا بالنسبه لإنها شبهى او لأ ف ممكن برضو  بس مش اوووى يعنى والسؤال مش غلس خالص بالعكس.. اقتباس:
بالعكس والله.. انتى دمك مش تقيل خااالص واسئلتك عجبتنى اوى..  ومستنيه وجودك تانى سواء بأسئله او لأ.. وجودك لوحده منور.. ارق تحياتى.. | |||
|
|
|
20-02-2008, 11:52 AM
| #25 (permalink) |
| قلم ذهبي   | سلام عليك يا شوشو انا بدوري ارحب بك في الحلقة الثانية من ضيف في ورطة واود ان اقول لك اني اتفق معك على التعليق الذي قلته عني لاني اعتبر نفسي لسه عضو جديد لهذا فانا احاول الرد فقط بشكر ليتمكن بقية الاعضاء من التعرف عليا اكتر ..وانا اعدك من الان ان تري ردودي الواقعية. والان اطلب منك ان تقبلي اسئلتي وتردي عليها بكل صراحة التي تعودت عليها فيك. 1...مين اقرب لك امك .......... او ابوكي........ 2... لو عرض عليك الزواج من شخص بتحبيه تفضلي تتجوزي او تكملي دراسة؟ 3...كم مره حبيتي بحياتك؟ وما رائيك بعلاقات الحب التي تكون قبل الزواج؟ ماهي مواصفات زوج المستقبل؟ 4...اكتر لحظة سعاده عشتيها بحياتك؟ 5...احلـى مرحـله دراسيه بالنسبه لك ؟؟ 6...اعطي تعريف للحب........ الخيانة....... الوالدين......... الاطفال.......... منتدى العرب للجميع ........... 7...مين الشخص المثالي بالنسبه لكي في المنتدى؟؟ 8...ما رايك في شباب هالوقت؟؟ وهل ترين فيهم أزواج و آباء للاجيال القادمة؟؟ 9. ادا كنتي متضايقة او زعلانة ما هو المكان اللي بتحبي تروحي له او الانسان اللي تلجائي له؟ 10...هل تعتقدين ان هناك شيء بالكون ممكن ان يغيرك ؟ وفي الاخير حبيت ان اسئلك سؤال ما نوع العلاقة التي تجمعك مع ليمو... وبصراحة مع تحياتي |
|
|
20-02-2008, 01:05 PM
| #26 (permalink) |
| - عضو شرف -  | يا حلاوه يا ولاد ايه الحلاوه والجمال ده شوشو على الكرسى ده انا لازم اسألك واعصرك  ده انت حبيبت قلبى وعشره سنين  هو انا اقدر افوت الفرصه ده عيييييييييييييييييييييب  ما علينا هاتى كابنشينو واقعدى علشان تركزى ايه رأيك فى ضيف فى ورطه؟ وما هو شعورك وانتى فى الموقف ده؟  كل انسان وله أمنيات وأمال .. يا ريت تقوليلنا عن الحلم او الأمنية اللي تتمنيها ... ؟ أصعب المواقف اللي مريتى بها؟ وقوليلنا موقف طريف  -فأي قرار تتخذهه هل ..... تحكمى عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟؟؟؟؟؟ هل ندمت فحياتك على شي معيّــن ؟؟؟ مالفـرق بين الحب والصداقة ؟ وهل يمكن ان يسلكا طرق الغيرة ؟ وما هي المجالات التي تتمنى ان تأخذيها منهاجا في حياتك ؟؟ ماهي اجمل اللحظات في حياتك ؟ مامعنى كلمة الخيانه في نطرك؟ وهل مررت بتجربه نهايتها خيانه ؟ هتعملى ايه لو لقيتى واحد غبى قدامك ولازم تتعاملى معاه  ما هي احلى كلمة قيلت لك ؟؟؟ اعطني صبراً اجالد به صخر ماهو الموقف الذي كنت تحتاج الى صبر فيه؟؟ ايه الحاجه اللى بتخلى شوشو فرحانه؟ ايه المكان اللى بتحسى بيه انك مرتاحه؟ ايه الكلمه اللى بتردديها دائما؟ كلمه سمعتيها ودايما على بالك ولا تقدرى ان تنسيها؟ ايه المكان اللى مش يبتحبى تروحيله بس لازم تروحى وبتكونى مغصوبه فيه؟ _ما رأيك وتعريفك بهذه الكلمات .. الخيانة .. المرأه.. الصداقة .. النميمة .. النفاق .. العاقل المتكبر المتواضع المجنون الحب الرومانسيه الجمال رقة المشاعر نصيحه من اي شخص تعتبرها منهج في حياتك الى هذه اللحظه؟ ايه الاسأله الغريبه اللى انا سألتهالك دى هههههههه  كفايه كده عليكى زمان الكابتشينو خلص روحى اعملى اى حاجه تانيه تشربيها لحد ما اجيبلك اسأله تانى  للحديث بقيه نصيحه: ربنا يقويكى هههههههههههههههههههههه ارق تحياتى |
|
|
|
20-02-2008, 09:33 PM
| #27 (permalink) |
| - Admin - | 1...مين اقرب لك امك .......... او ابوكي........ والله يا ميدو ماما قريبه منى ف حاجات معينه.. وبابا قريب منى ف حاجات معينه لو تقصد ف وجهات النظر يعنى او ف النقاش.. فيه مواضيع بحس انى محتاجه بابا اللى يسمعنى.. ومواضيع تانيه ماما 2... لو عرض عليك الزواج من شخص بتحبيه تفضلي تتجوزي او تكملي دراسة؟ السؤال ده انا جاوبت على واحد شبهه وقولت انى صعب اوى اتخلى عن دراستى بس الاصعب عليا انى اتخلى عن الانسان اللى بحبه.. مينفعش اكمل دراستى وبعدين ارتبط باللى بحبه ؟ 3...كم مره حبيتي بحياتك؟ وما رائيك بعلاقات الحب التي تكون قبل الزواج؟ ماهي مواصفات زوج المستقبل؟ مره واحده رأيي انها حاجه مفضله.. لانى بفضل الزواج اللى عن حب.. مش جواز الصالونات.. ووالله يا ميدو بالنسبه لمواصفات زوج المستقبل اكتر حاجه تهمنى انه يكون بيخاف من ربنا.. عشان يراعى تعاملاته معايا.. ويكون حنين ، بيسمعنى ويكون جنبى لما احتاجه ، واضح معايا ، وقبل اى حاجه يكون فيه احترام متبادل بينا ، صادق ، متفاهم وبيتناقش مش بيقفل دماغه وخلاص ، يكون اجتماعى وبيعرف يتعامل ، ومن اهم الحاجات برضو انه يكون مقدرنى.. وحاجات كتير عشان انا طماعه  4...اكتر لحظة سعاده عشتيها بحياتك؟ والله مش فاكره موقف معين بس فيه اوقات كتير الواحد بيكون مبسوط فيها الحمد لله.. وعموما انا لما بكون مع الناس اللى انا بحبها بحس ان هى دى اسعد لحظات بعيشها.. 5...احلـى مرحـله دراسيه بالنسبه لك ؟؟ بصراحه لحد دلوقتى انا شايفه انها المرحله الجامعيه.. 6...اعطي تعريف للحب........ اسااااس لاستمرار البشريه الخيانة....... اصعب احساس الانسان ممكن يمر بيه خصوصا لو من اقرب الناس ليه الوالدين......... نعمه من عند ربنا ميقدرهاش الا اللى محروم منهم الاطفال.......... البراءه منتدى العرب للجميع ........... بدون مبالغه جزء كبير جدا من يومى بيكون فيه.. ومقدرش اتخيل ان العرب للجميع ممكن ميكونش جزء من يومى 7...مين الشخص المثالي بالنسبه لكي في المنتدى؟؟ لأ هظلم كتير لو قولت اسم واحد ولا اتنين ولا تلاته حتى.. فيه ناس كتير كويسين جدا واقدر اقول عليهم مثاليين  ف صعب اختيار حد معين للقب ده 8...ما رايك في شباب هالوقت؟؟ وهل ترين فيهم أزواج و آباء للاجيال القادمة؟؟ للاسف الشباب فعلا احوالهم ف النازل بس.. بس لو فكرنا هنلاقى كمان البنات وصلوا لمرحله غريبه.. ف مش هنقدر نقول ان احوال الشباب بس هى اللى تعبانه.. لا والبنات كمان.. المجتمع ككل عايز حاجات كتير تتغير فيه.. وهما اباء وازواج المستقبل غصب عن اى حد.. بغض النظر عن شخصياتهم او معتقداتهم.. بس نااادر اوى لما هنلاقى حد فيهم نقدر نقول عليه اب او زوج مثالى..  9. ادا كنتي متضايقة او زعلانة ما هو المكان اللي بتحبي تروحي له او الانسان اللي تلجائي له؟ بصراحه لو كانت الظروف والوقت يسمح بحب اقعد ادام البحر واتفرج عليه.. لو كانت الظروف متسمحش انى اروح عند البحر ف بفضل اقعد لوحدى وخلاص لحد ما اطلع م الحاله دى.. الانسان اللى بلجأ ليه غالبا بيكون اسلام.. 10...هل تعتقدين ان هناك شيء بالكون ممكن ان يغيرك ؟ فيه حاجات فيا قابله للتغير.. عادى.. الانسان عموما كل يوم بيكسب خبره وبيمر بتجارب غصب عنه بتغيره.. الاحتكاك مع الناس بيغير.. المرور بظروف معينه بيغير.. النضوج ومراحل السن بيغيروا.. لكن فيه مبادئ ومعتقدات ف تفكير الانسان عمرها ما هتتغير لحد يوم القيامه  وفي الاخير حبيت ان اسئلك سؤال ما نوع العلاقة التي تجمعك مع ليمو... وبصراحة بصراحه لو قريت اجاباتى ع الاسئله اللى فاتت كلها اكيد اكيد اكيد هتكون عرفت ايه نوع العلاقه  ولو معرفش قوللى.. ولو انى اشك وميرسي كتير يا ميدو لوجودك.. ارق تحياتى.. |
|
|
|
20-02-2008, 11:57 PM
| #28 (permalink) |
| قلم ذهبي    |  ربنا معاكى !! السلام عليكم ويلا ... وما زال توريط شوشو .. مستمر وانا طبعا مش معقول ادخل وازورك كده وخلاص لالا دى حتى تبقى عيبة معايا .. شوية اسئلة بساط خالص .. قبل ماتخلص الحلقة .. عايزك تنوريهم باجاباتك .. الصريحة يلا ..  هل انتى من لديهم رغبة حب التملك واذا تملك الشيء اصابه الملل منه ؟ من خلال اجاباتك .. اعترفتى تقريبا ان فى بعض المشرفين غير جديرين ... ياريت تذكريهم ومفيش زعل ولا احراج ..؟ ايه اللى يمكن يقيدك ويمنعك انك تقولى الصراحة فى اللى قدامك .. او فى اى حاجة؟ ايه اللى ممكن تعتبريه 1-احلى خبر 2- احلى فرحة 3-اكبر وهم 4-اكبر حلم 5--اكبر خدعة؟؟؟؟؟ مفيش حاجة كاملة .. ايه اللى ينقص المنتدى عشان يكون مثالى سواء فى الاعضاء او التنظيم او الافكار الجديدة ؟ هل تقبلى انه يبقى فى دويتوهات فى المنتدى ؟ يعنى واحد وواحدة وياريت حتى لو مفهمتيش السؤال تحاولى تجاوبى حول السؤال ؟؟ هوه فى حب بجد وفى حب كده وكده يعنى مش بجد .. ولو فى ايه الفرق بينهم ؟؟ ايه اللى يمكن يوقعك فى حرج كبير ؟؟ بيقولوا ان الجراة ليها حدود ايه رايك بتتفقى ولا لا وليه ؟؟ عندما تكوني معجبتا به .. ماهي طريقتك في الوصول الى قلبه !! هل تتزوجي من تحبينه.. ام تحبي من تتزوجيه !! وايهما ترينه اجمل ؟ بتعترفى بالابراج .. وليه فى الحالتين ؟؟ مجموعة لو .. لو اكتشفتى انك اتخدعتى فى حبيبك او كان بيلعب بمشاعرك هتعملى ايه ؟ لو لقيتى المنتدى اتغير للاسوا .. يعنى مثلا .. معظم الاعضاء مشيوا ؟ ؟؟لو عرفتى ان اختك "مصاحبة" اية حيبقى رد فعلك؟ نفسك تعتذرى لمين انت غلط فية؟ تقولى لمين "ارجوك انا عاوزة احبك و احترمك,حسن صورتك عندى شوية"؟ بتقولى لمين"تملى معاك"؟ بتقولى لمين "هو فى ايه؟!!!!!!"؟ قضيتى فين الفلانتين ومع مين؟ .. وكان ايه شكل اليوم ؟؟ بتكره الخيانة قد اية؟ -يعنى ايه كلمة "وطن"؟ (بالنسبة لك) -هل البعيد عن العين بعيد عن القلب وليه ..؟ -لو اتخيرتى بين شغلك وبيتك تختارى مين وليه ؟ ما هى اولوياتك فى الحياه ؟! كيف ترى مستقبلك ؟! هلى انتى راضي عن نفسك ؟! هل تعطي الله حقة عليك ؟! لو صورتك بقيت وحشة قدام حد ممكن تعملى ايه عشان تحسنيها ؟ تعتقدى إيه اهمية الرسايل الخاصة بما انك آدمن ..؟ إيه هيه صفات القيادة ..؟ ومتواجدة فى مين فى المنتدى من وجهه نظرك ؟ اكيد كإنسانة مثقفة ليكى وجات نظر سياسية من ترشحى ليكون رئيسا لجمهورية مصر العربية عام 2011 ما هو رأيك فى سياسة حسن نصرالله من رأيك فى الاخوان المسلمين ؟! اذا اردت ان تكون شخصاً آخر لمده اسبوع من تختار ؟! تعتقدى مين الضيف التالت المناسب للبرنامج ؟؟ مع طبعا إبداء رايك فى الحلقة من كل النواحى ؟؟ اتمنى تكون اسئلتي خفيفة عليك |
|
|
|
21-02-2008, 10:56 PM
| #30 (permalink) | ||||
| - Admin - | اقتباس:
رونى يهون عليكي العيش والماكدونالدز اللى بينا ؟  مش اسلوب ابدا.. اقتباس:
تصدقى والله عملت مج النسكافيه اهو وجيت عشان اجاوبلك بمزاااج  ايه رأيك فى ضيف فى ورطه؟ وما هو شعورك وانتى فى الموقف ده؟ كفكره هى مش جديده.. وكان نفسى نعملها من زمان.. بس كانت اكتر حاجه موقفانى عن تنفيذها انى كان نفسى حد يتولاها.. ويكون هو المذيع.. ف لما سكيتر اقترح الفكره ف البدايه.. دبسناه فيها بقى بالمره  بالنسبه حضرتك للشعور اللى محدش مقدره خالص حاسه انى اتزنقت يا اوختشى  لالا بجد فعلا هو الموضوع مش صعب بالنسبالى لأنى فعلا اللى بييجي على بالى بكتبه على طول.. مش بفكر كتير.. ف مش حاسه بأى مشكله.. ولحد دلوقتى حتى مقابلنيش سؤال دايقنى او خلانى افكر فتره طويله قبل ما اجاوبه.. كل انسان وله أمنيات وأمال .. يا ريت تقوليلنا عن الحلم او الأمنية اللي تتمنيها ... ؟ زيي زى اى حد.. امنيتي الاولى ان ربنا يكون راضى عنى.. بعد كده نفسى اكون ناجحه ف حياتى.. عموما مع الناس علاقتى تكون كويسه.. اخلص دراستى ونتجوز انا والانسان اللى بحبه.. اكون اسره كويسه وابقى زوجه وام ناجحه.. لو اشتغلت اكون متميزه ف حاجه معينه.. وحاجات كتير اوى بجد بس هى دى عموما الامنيات اللى بفكر فيها دلوقتى.. لكن نتيجه مرور الوقت واختلاف الظروف الامنيات بتختلف برضو.. أصعب المواقف اللي مريتى بها؟ وقوليلنا موقف طريف بصى من اصعب المواقف اللى ممكن امر بيها هى لما اتصدم ف حد.. او اكون راسمه صوره لحد ف خيالى والاقى الحقيقه حاجه تانيه خالص.. من اصعب المواقف برضو انى احس انى بتظلم او حد فاهمنى غلط وانا مش قادره اتكلم او اعبر عن اللى جوايا.. بالنسبه لحكايه الموقف الطريف دى ف كل يوم الواحد بيتعرض لحاجات كتير اوى.. بس عموما والله مش فاكره اوى حاجه دلوقتى.. -فأي قرار تتخذهه هل ..... تحكمى عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟؟؟؟؟؟ ده بيتوقف على طبيعه الموقف.. فيه مواقف قرارتى لازم تكون من عقلى بس.. ومواقف تانيه من قلبى بس.. ومواقف م الاتنين  ده بالنسبه للكلام اللى نفسى انفذه فعلا.. لكن اللى بيغلب عليا دايما تحكيم قلبى مش عقلى.. هل ندمت فحياتك على شي معيّــن ؟؟؟ اكيد مالفـرق بين الحب والصداقة ؟ وهل يمكن ان يسلكا طرق الغيرة ؟ فرق كبييييييير الحب ده علاقه من نوع خاااص فعلا.. يعنى احاسيس الاصدقاء بتختلف كتير عن احاسيس اتنين بيحبوا بعض.. وغالباً احاسيس الحب بتكون متداخله ومعقده اكتر.. بالنسبه للغيره ، ف الحب اساسى فيه الغيره.. دى حاجه لا اراديه.. انما بالنسبه للصداقه ، ف الغيره دى بتكون احتمال وارد.. مش اساسيه.. وما هي المجالات التي تتمنى ان تأخذيها منهاجا في حياتك ؟؟ والله يا رونى انا م الناس اللى مش بحب اخد مجال او منهج معين واحصر نفسى فيه.. يعنى ممكن منهجى ف الحياه يكون مبنى على مليووون مجال.. وكل يوم المجالات دى تتغير.. واتعلم حاجه جديده.. مش هحصر نفسى ف حاجه.. ماهي اجمل اللحظات في حياتك ؟ لما اكون جنب الناس اللى بحبها  مامعنى كلمة الخيانه في نطرك؟ وهل مررت بتجربه نهايتها خيانه ؟ الخيانه اكيد من اصعب الحاجات اللى الانسان ممكن يمر بيها.. احساس مظنش انى هعرف اوصفه بكلام بس كل اللى ممكن اقوله ان الانسان اللى بيخون ميستحقش ثقه ولا حب ولا صداقه ولا اى علاقات انسانيه من اصله.. وبصراحه انا مجربتش الخيانه اوى يعنى.. بس يمكن جربت كتير ان حد يكدب عليا.. او يحور كلام محصلش.. او يكون منافق.. واهى مناظر بنشوفها كتير.. وكل ده ف نظرى خيانه.. هتعملى ايه لو لقيتى واحد غبى قدامك ولازم تتعاملى معاه يا رونى انا بتعامل مع الاشكال دى كل يوم  انا فعلا بتعرض كتير انى اتعامل مع ناس اغبيه فوق ما تتخيلي  طب انا هحكيلك على موقف ف السريع كده الترم الاول كان عندى امتحان اقتصاد.. وانا بحب الماده دى وكنت كويسه فيها.. ف واحده صحبتى طلبت منى اشرحلها المضمون كده عشان تعرف تزاكرها لأنها مكانتش فاهمه حاجه ف الماده دى خالص المهم اخدتها وقعدنا وشرحت ، وبراحه ، وورقه ، وقلم ، ورسومات ، وامثله.......... وليالى يا رونى  ودى تبصلى ونظره اندهاش فظيعه على وشها شبه دى كده ---> اقولها يا بنتى فاهمه ؟  مفيش غير نفس النظره الغبيه طب معلش عشان خاطرى قوليلي بس انتى فاهمه اللى انا بقوله ؟ مفيش اى رد فعل.. ومفيش اى ملامح على وشها غير نظره الغباء دى.. انا حسيت ضغطى على منها.. ومع ذلك طولت باااالى وشرحت براحه تانى وتالت ورابع لحد ما حسيت ان العيب منى.. بس والله شرحت لناس تانيه وفهموا ف دقيقه.. بس اهو ده اللى اسمه الغباء بقى.. سيبك م الرغى ده كله.. اللى عايزه اوصلهولك يعنى انى بطول بالى على اد ما اقدر.. بحاول اكون صبوره ما هي احلى كلمة قيلت لك ؟؟؟ حاجات كتير يا رونى بحس انى مبسوطه لما اسمعها.. واى كلمه كويسه ف حقى بتفرحنى اكيد.. اعطني صبراً اجالد به صخر ماهو الموقف الذي كنت تحتاج الى صبر فيه؟؟ اى موقف بتعرض للعصبيه فيه عشان لما بتعصب بقول كلام من غير تفكير.. ف يمكن هو ده اللى بحتاج فيه صبر وتفكير اكتر.. ايه الحاجه اللى بتخلى شوشو فرحانه؟ انى احس ان محدش شايل منى.. او احس ان الناس اللى بحبها فرحانه ايه المكان اللى بتحسى بيه انك مرتاحه؟ بيتي ايه الكلمه اللى بتردديها دائما؟ مش عارفه والله يا رونى حاجه معينه مش بركز مع نفسى اوى بس اللى اقدر اقولهولك انى اوقات كتير بلاقى نفسى بتكلم مع حد واقوله : "بلاش كدب بس" للاسف عندى حكايه الشك دى زياده شويه.. عشان دايما مش بصدق الكلام اللى بسمعه.. لازم اشوف بعيني كلمه سمعتيها ودايما على بالك ولا تقدرى ان تنسيها؟ معلش خلى الكلمه دى ليا انا ايه المكان اللى مش يبتحبى تروحيله بس لازم تروحى وبتكونى مغصوبه فيه؟ انا عموما مش بحب جو القاهره وبيوترنى مش بحب اسيب اسكندريه خالص بس عشان اهلى وقرايبي كلهم ف القاهره بنضطر نروح ف الاجازات.. او ف المناسبات.. ف طبعا بروح وانا نفسى الكام يوم يعدوا بسرعه عشان ارجع بيتنا.. _ما رأيك وتعريفك بهذه الكلمات .. الخيانة .. من اعصب الاحاسيس اللى ممكن تتوصف المرأه.. بسيطه والله بس للى يحاول يفهمها.. واللى يقول انه فهم واحده 100% يبقى لسه مش فاهم اى حاجه الصداقة .. زى الحب بالنسبه للانسان.. لا غنى عنها النميمة .. صفه بشعه وللاسف موجوده ف ناس كتير وخصوصا البنات.. النفاق .. شبه الخيانه شويه.. واهو كله كدب.. بس بكرهه كره العمى العاقل هو اللى يوزن الامور قبل ما يعمل اى حاجه المتكبر زى ما هيشوف الناس صغيرين.. اكيد هما كمان هيشوفوه صغير المتواضع هو الكسبان لان من تواضع لله رفعه المجنون هو اللى يعتقد انه فاهم ف كل حاجه الحب زى الميه والهوا.. لا غنى عنه الرومانسيه احساس جميل بجد بس مش اى حد بيقدره الجمال مسأله نسبيه بس المهم كل واحد شايف ايه رقة المشاعر غالباً بتستغل غلط.. ف عشان كده مش اى حد يستاهلها نصيحه من اي شخص تعتبرها منهج في حياتك الى هذه اللحظه؟ هى مش نصيحه اوى بس بابا عودنى ان الثقه ف الناس بسهوله هتضرنى انا ف الاخر.. وفعلا.. مع الوقت اكتشفت ان كلامه صح بس كل المشكله ان الموضوع زاد اوى معايا.. وبقيت ناااااااادرا اوى لما اثق ف حد يدرجه اوقات بتخنقنى  اقتباس:
اقتباس:
خلص من بدرى يا رونى والله.. وميرسي ع الاسئله الجامد دى.. وكفايه شماته بقى واعرفى ان ليكي يوم.. كما تدين تدااان والله  وعموما منتظره وجودك تانى سواء باسئله او لأ.. ارق تحياتى.. | ||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
 |  |  |
العرض العادي
