انت غير مسجل في منتديات العرب للجميع . للتسجيل في المنتدي ..اضغط هـنـا  | |
| |||||||
| منتدى النقاش الجاد قسم يضم المواضيع الهادفه والحواريه ، عبر عن رأيك. |
 |
| | LinkBack | أدوات الموضوع | تقييم الموضوع | طرق مشاهدة الموضوع |
|
#1
06-02-2008, 10:37 AM
| ||||
| ||||
 من اسبوعين نزلت اجيب مناديل ... و ياريتني ما نزلت...بجد اتصدمت و عقلي شت !!! سألت فى المحل و قالي ب6.5 جنيه...قلت اشوف المحل اللى جنبو...لقيته بنفس السعر... فا انا كنت هاشتري من المحل الاولانى حاجة مش موجودة غير عندو... قلت خلاص اجيب كلو من مكان واحد...لقيته بيقولي 7 جنيه...قلت نعم؟؟ قالي 7 جنيه المناديل...قولتلو انا خرجت من المحل رحت المحل اللى جنبكم و جيت لحقت تغلي نص جنيه !!! قالي ايوا...الصراحة خفت لاخرج و ارجع يقولي ب8...قلت ما بدهاش و اشتريت... بس ايه الجشع دا؟؟؟ مفيش رحمة بالناس؟؟ دا مفيش 40 ثانية يا ناس 40 ثانية يا هوووووووووه خرجت و رجعت !!!... حد حصل معاه موقف من الاسعار؟؟ ياريت تحكيه.... طب ايه الحل؟؟؟ انا مش عارف !!! طب فى ايدينا ايه؟؟ مش فاهم... ياريت تردوا و تقولولي مش لازم حلول بس احنا نعمل ايه؟؟؟  |
| إرتباطات دعائية |
 |
|
#4
06-02-2008, 04:54 PM
| ||||
| ||||
هوه بجد غلاء الاسعار واضح جدا فى مصر وده طبعا سببه معروف بداية من هبوط الدولار ومعاه الجنيه اللى اتعلق بيه والاقتصاد المنحدر لكن حله معرفش إيه ... بس لو عندك مشكلة مع غلاء اللحوم قولى وانا هساعدك ع الحل بجد !! تسلم إيدك ع الموضوع الجميل يا irec
__________________  [عزيزي الزائر يتوجب عليك التسجيل لمشاهدة الرابط للتسجيل اضغط هنا ] فريق على خطى الحبيب |
|
#5
06-02-2008, 05:41 PM
| ||||
| ||||
الاسعار ارتفعت من اول كيس الملح لحد كيلو اللحمه كل حاجه بتغلى يوم بعد يوم.. انا عموما مكنتش بحس بالحكايه دى اوى لانى مش بتعرض كتير انى اشترى حاجات للبيت.. بس لما شوفت الكلام ده بنفسى اتصدمت  شوفت الفرق الفظيـــع بين اخر مره اشتريت والمره اللى قبلها الاسعار بتغلى بشكل مستفز.. بس الناس هتعمل ايه ؟ هتبطل تاكل ولا تشرب ؟  انا كان وصلى قبل كده ايميل عشان مواجهه الغلاء.. كان مضمونه : ان احنا نقاطع المنتجات اللى بتغلى.. عشان المنتج يواجه خساره ف الايرادات ف يضطر انه ينزل سعر المنتج.. بس بالزمه يعنى هنقاطع ايه ولا ايه ؟  الموضوع مش بالسهوله دى.. عموما ميرسي يا ايرك لموضوعك.. ومنتظربن مزيدك ان شاء الله.. ارق تحياتى..
__________________  |
|
#7
07-02-2008, 08:45 AM
| ||||
| ||||
شكرا لردك يا سكيتر....على فكرة انا بموت فى الاسم دا...بس قولي معلش انا مش ليا فى الاقتصاد ليه الجنيه اعلق بالدولار اوى كدا؟؟؟ شكرا يا شوشو على المرور...بس فعلا يعنى على كدا هانقاطع كل حاجة يعتبر !!! يعنى لو قاطعنا المناديل طيب هاننف فين؟؟؟  صح و الله يا abirfouad و ردك جميل...و شكرا على النصيحة...بس ما اظنش الناس هاتوقف الجواز يعنى !!! ولا ايه؟؟؟ |
|
#8
07-02-2008, 12:49 PM
| |||
| |||
طيب ليه مانتخذش إجراء صارم ويمنع الجشع اللي حاصل من التجار ده من ناحية إرتفاع الأسعار، يعني أنا بقترح إن أي واحد إتعرض لإرتفاع مقاجئ في الأسعار، يروح على أقرب مكتب تموين ويحكي له اللي حصل معاه بالضبط، ويوصف له مكان المحل اللي زود السعر فجأة من غير إحم ولا دستور، لإن الحكومة المصرية المبجلة مش حاطة مكاتب التموين "كمالة عدد" أو "سد خانة" لأ. الحكومة حاطة المكاتب دي لخدمة الجمهور والمواطنين ولو مكتب التموين ماعملش حاجة قيه اللي أعلى منه لحد مانوصل صوتنا لأعلى مستوى سواء كان وزير أو حتى رئيس الجمهورية، ومش عايزين يا جماعة نتعامل مع المشاكل اللي بتواجهنا بنوع من السلبية ونقف مكتوفي الأيدي ونعمل زي النعامة ونحط راسنا في التراب لحد مالمشكلة تعدي، عايزين نتعامل مع مشاكلنا بنوع من أنواع التحضر ومانقولش "يوه والله يا عبدوا انت مش عارف حاجة وبتقول كلام انشاء وخلاص، يعني لو رحنا لمكتب التموين تفتكر انهم هيحلوا حاجة، مش هايعملوا اي حاجة، دول موظفين غلابة والتجار جشعين والتاجر ممكن يسكت موظف التموين بكذا طريقة بداية من الارهاب لحد الرشوة" وانا في الحقيقة ارى ان موظف التموين ده ماهو الا اخويا واخوك وبيعاني برضه من نفس معاناتك من زيادة الاسعار، وممكن تقول لي طيب ماهو التاجر نفسه هو اخويا واخوك، هاقولك كلامك صح بس التاجر كان اخويا واخوك ولما داق طعم وهلاوة القرش مابقاش أخويا ولا اخوك اصبح انسان من كوكب تاني ماعندوش رحمة بالناس ولا الموظفين واصبح شغله الشاغل هو كيفية تجميع القرش. تحيــــــــــــاتي |
|
#10
21-02-2008, 03:45 PM
| ||||
| ||||
ههههههههههههههههههههه انا بصراحة معنديش تعليق على الموضوع بس من راي الشخصى اوعى تاكل او تشرب او تمشى او تقعد او تقف او تبص يمين ولا شمال ولا فوق ولا تحت ولا قدامك ولا وراك تقبل مرورى
__________________  فريق على خطى الحبيب [عزيزي الزائر يتوجب عليك التسجيل لمشاهدة الرابط للتسجيل اضغط هنا ] Here I am |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | تقييم هذا الموضوع |
| |
الاسعااااااااااااار....اوعا الوحش !!! 
العرض العادي
