المدارس مش عجباني

احنا ليه كل سنه ندخل المدرسة ناخد حاجات لا هتقدم و لا هتأخر يعني مثلا الدروس اللي فالكتب
و الله دروس ملهاش لازمة و مواضعها بايخة ليس لها موضوع هادف انا عن نفسي بخرج من لدراسة مش عايز افتكر حاجة يعني مثلا درس عن الموسيقى و الله كله طحن المدرس اللي بيدرسلي و آخد الاول ع الدفعة
و من اشطر المدرسين في نظري مشرحش الدرس هيشرح ايه في درس كله طحن و لما يجي الامتحان
اشوف والله اسئلة مش عارف أقول هي رخمه قد ايه يعني هي لو طلبت تفكير و او فزلكة ممكن يتحل
لكن اللي حاطتت السؤال مش عايز الا الحل اللي في دماغة
طب احنا لوقسمنا السنه ثلاثة أجزاء كل جزء 4 شهور هنلاقي ان 8 شهور مدارس يعني الثلثين و الثلث
الباقي راحة انا مبتكلمش ع الفترة انا بتكلم و بقول ليه نقضي8 شهور من التعب و الدروس و في الآخر نخرج من غير اي حاجة هو أساسا مفيش حلجة نخرج بيها ليه الدروس مش ملهاش لزمة انا مبتكلمش على مادة معينه انا بتكلم على كل المواد بس انا ممكن أقول مادة زي الرياضيات ماده ممكن اعوزها حتى لو كبرت واشتغلت لكن مثلا المواضيع بتاعة القراءة لا فيها تعابير جمالية و لا شئ من حسن التنسيق


انا عايز اعرف ليه الدروس احنا ساعات بنحس انها ملهاش لازمة ؟؟؟؟؟؟؟؟؟
بس ف النهاية انا هترككم مع شعر من تأليفي بألس فيه على شعر كان في الكتاب

و ان تكلمتي تكلمتي كان هناك أمطار
و قرأت شعرك فرأيت انه ثرثار
ورأيت شعرك يضحك و ما يبكي فقلت هذا الشعر جبار

__________________

__________________

والله احنا بالنسبة النا في مدارس الاردن طورو المناهج وصارت محوسبة وطورو التعليم

والدراسة كتير قوية في الاردن

شكرا ع الموضوع المهم

__________________

عندك حق يا shoshou ف الكلام بتاعك بس المدارس اللي في مصر ملهاش فياده يعني الواحد يقعد ف التعليم 14 سنه ع الاقل و في الاخر مفيش تعينات انا مبتكلمش على الشباب الضايع ع الاهاوي انا بتكلم وبقول ليه اللي قعد في الورشه من الاول و ريح دماغة كان احسن و هو المستفيد من الاخر التعليم فقد هويته

__________________

لو اكن مصريا لوددت ان اكون اردنيا و الله انتوا لو اخدتوا كتاب من كتبنا علشان تقرأوه هتفوا عيه بجد

__________________

بص يا موكى الحكاية بسيطة

يقال ان الطفل المصرى اذكى طفل فى العالم الى ان يدخل التعليم

بمعنى تانى اسلوب التعليم لا ينمى الذكاء و يساعد على الغباء و التخلف

تقبل مرورى

__________________

فتعلموا ف العلم غبي يا علا لم يبق بابا للغباء مغلقا
ههههههههههههه

__________________

__________________

طبعا الدراسه اتغيرت بكتير عن ايامنا وكل حاجه اتغيرت بصراحه
يعني انا الحمد لله فالابتدائي كانت المواد شيقه جدا وكل المدرسين بيشرحوا والمواد فيها هدف ونجاح وتحس انك عايش حياه تانيه

وبالنسبه لمرحلة الاعدادي وبردوا فيها كتب كلها جميله من عربي وعلوم ورياضه ودراسات وغيره وغيره
وكلها مفيده فالحياه اللي بنعشها دلوقتي واللي كنا بنشعها قبل كدا

بالنسبه للمرحله الثانويه على ما اعتقد انها اتغيرت شويه عن المرحله اللي كنت فيها وبعدين كل المواد هادفه ومستقبها كويس عندك مثلا ( علم النفس - الاحياء - الفيزياء - الكيمياء - .......) وغيره من المواد وكلها بتخرج ناس كويسين ومواد جميله كلها .... المشكله معدتش فالدراسه نفسها يا جماعه المشكله ان كل واحد دلوقتي بيحفظ ومبيحولش يفهم ...

اه انا عارف ان دور المدرس كبير دا فالمدرسه وانه لازم يفهم الطالب بس متلمش المدرس انه يدي دروس خصوصيه ... ارجع وشوف الراتب بتاعه هتلاقيه ميأكلش كتاكيت .. المهم مش دا موضوعنا

المهم دلوقتي اننا بنتكلم فموضوع الدراسه ... انا شايف ان الدراسه اتغيرت دلوقتي بكتير عن الماضي
وشايف ان في شباب غير متقبلين للفكره بس اللي عايز اقوله فالوقت اللي احنا فيه دلوقتي لو نفس المواد موجوده سوري 95% من الطلاب مش هينجوا ... لان لا عاد في ناس بتذاكر ولا ناس بتهتم ودلوقتي كله بيجري ورا البنات ويذاكر فالبيت شويه وخلاص وينزل يخرج مع صحابه ويشوف هيعمل ايه فشعره النهرده كاريه ولا جمبري وكدا يعني .. ... وغيره وغيره

وربنا يصلح حال الجميع

تقبلوا مروري جميعاً

__________________

No Signature

فريق على خطي الحبيب

كلام منطقي جدا يا ( رئيس التحرير ) وبجد مره كنت اتنقلت من مدرسه لمدرسه تانيه فكانوا سابقينا بدرس فقلت للاستاذ بتاع الماده يشرحولي قااااااالي : " ابق تعالالي الدرس و انا اشرحولك " و الله ده اللي حصل ف أول يوم ليا ف المدرسه دي تصدق دي؟؟ !!

__________________