المدارس مش عجباني

moky@mido · 21-04-2008, 12:35 PM

اقتباس:

المشاركة الأصلية كتبت بواسطة babys_cuteness2 [عزيزي الزائر يتوجب عليك التسجيل لمشاهدة الرابط للتسجيل اضغط هنا ]

هادفه ((((

0مستقبها كويس

)))) عندك مثلا ( علم النفس - الاحياء - الفيزياء - الكيمياء - .......) وغيره من المواد وكلها بتخرج ناس كويسين ومواد جميله كلها .... المشكله معدتش فالدراسه نفسها يا جماعه المشكله ان كل واحد دلوقتي بيحفظ ومبيحولش يفهم ...

اه انا عارف ان دور المدرس كبير دا فالمدرسه وانه لازم يفهم الطالب بس متلمش المدرس انه يدي دروس خصوصيه ... ارجع وشوف الراتب بتاعه((((

هتلاقيه ميأكلش كتاكيت

)))) .. المهم مش دا موضوعنا

المهم دلوقتي اننا بنتكلم فموضوع الدراسه ... انا شايف ان الدراسه اتغيرت دلوقتي بكتير عن الماضي
وشايف ان في شباب غير متقبلين للفكره بس اللي عايز اقوله فالوقت اللي احنا فيه دلوقتي لو نفس المواد موجوده سوري 95% من الطلاب مش هينجوا ... لان لا عاد في ناس بتذاكر ولا ناس بتهتم ودلوقتي كله بيجري ((((ورا البنات

)))) ويذاكر فالبيت شويه وخلاص وينزل يخرج مع صحابه ويشوف هيعمل ايه فشعره النهرده كاريه ولا جمبري وكدا يعني .. ... وغيره وغيره

وربنا يصلح حال الجميع

تقبلوا مروري جميعاً

انت متفائل جدا ليه ؟؟؟؟؟؟ انا مش عارف و الله معدش فيه تعليم
تعليم مين و الناس نايمين ده حتى المناهج ملهاش طعم بتدخل السنه الدراسيه زي ما خرجت منها بس هقول ف النهايه انت ممكن يكون ليك وجهة نظر و انا لازم احترمها ................ و شكرا

**SOSO** · 21-04-2008, 03:31 PM

موضوع جميل فعلا يا موكي ومهم فعلا
وفعلا التعليم في مصر بقي كارثه وده يمكن يكون للاسباب ( الدروس الخصوصيه - تفاههه المناهج وسطحيته - وحجاات تانيه كتيير )
وفعلا زي ما رئيس التحرير قال ان التعليم زماان كان افضل وده بسبب ان المدرس كان ليه احترامه تحس انه رئيس جمهوريه مش مدرس تعالي بقي بص ع المدرس دلوقتى حالته مايعلم بيها غير ربنا واتبهدل اااااخر بهدله كل ده ومش عايز التعليم يتدهور واعتقد ان السبب الاساسي هو الدروس الخصوصيه المدارس بقت ااخر مهزله الطلبه بتروح المدرسه عشان تغير جو هقولك ايه بس !! انا بنزل تربيه عملي وبدرس الطلبه مش طلبه يعنى ممكن اضرب في الفصل مفيش اي مشكله
اظن ده اسباب كافيه فعلا ان التعليم تبقي للاسوء

moky@mido · 24-04-2008, 10:17 AM

هههه لأ معلش يا ( soso ) أصل انا بعمل ف التربيه العملي دوووووول عمايل من الآخر بس متزعليش دي وجهة نظر هما لا يفقهون شيئا معلش دي والله وجهة نظر ( انا غير مستفز ) ههههههه
بس خلي عندك أمل انك تتعيني انا برده حاكم والدتي مدرسه علوووووووووووم اتعينت من أول اما اتخرجت مكانوش لاقين

الوقتي عالقهاوي يا سيدي

**رئيس التحرير** · 24-04-2008, 02:14 PM

طيب ممكن أسأل سؤال

لو أنت مكان وزير التربيه والتعليم ووزير التعليم العالي

وعندك تفويض من رئيس الجمهوريه بتطوير التعليم في مصر ... ماذا أنت بفاعل ؟

moky@mido · 26-04-2008, 03:54 AM

ماذا أنت بفاعل لأ انا مفعول
ماشي بجد أولا أرفع من مستوى الدخل للمدرس ( المواطن المطحووووووون )
معملش مناهج سطحيه لأ مناهج من غير حشو أخلي الدروس مقنعه تتفهم و في نفس الوقت أخليهم مش محتاجين لدروس خصوصية بحيث ان الطالب يدخل المدرسه يستفاد مش يدخل يتعلم ويخرج منفض و المهم ف الموضوع خلق فرص عمل و ده بقى عايز وحد دماااااااااااااااااااااااغ

**ahmed_ae** · 26-04-2008, 05:52 AM

و الله اعتقد ان موضوع المدارس شئ من الروتينية

بمعنى ان احنى فى بلدنا فى حالة من التخلف السائدة على التعليم يعنى المناهج بتدعو للتخلف الإجباري

انا بستعجب لما نستورد اصغر الاشياء من الصين يعنى مثلا على سبيل المثال الناس اللى فى المنتدى عارفين case الكمبيوتر ليه نستورد حاجة زي دي ؟؟ طيب يعنى الالكترونيات و المازر بورد و الهارد و الافلام دي ماشي لكن اصغر الاشياء اللي مفهاش تنقية من اساسه ليه؟

دا احنا ناقص نستورد امهات و ابهات بلاستيك صيني.

بجد والله حاجة غريبة.

moky@mido · 27-04-2008, 05:50 AM

اقتباس:

المشاركة الأصلية كتبت بواسطة ahmed_ae [عزيزي الزائر يتوجب عليك التسجيل لمشاهدة الرابط للتسجيل اضغط هنا ]

احنى فى بلدنا فى حالة من التخلف السائدة على التعليم يعنى المناهج بتدعو للتخلف الإجباري

انا بستعجب لما نستورد اصغر الاشياء من الصين
دا احنا ناقص نستورد امهات و ابهات بلاستيك صيني.[/color][/b]

بجد والله حاجة غريبة.

انت باينك جربت اللي انا جربته
بس هنقول ايه الكلاب تنبح والقافله الهبله تسير