¤¤¦‡¦ للأذكياء فقط ¦‡¦¤¤

**Shoshou** · #1 (**permalink**) 26-01-2008, 12:54 PM

استدعى الأب ابنه لغرفته وما ان رأه أمامه الا وبادر بتوجيه هذا السؤال
الأب : هتعرف يابنى تحافظ على الثروه اللى هتورثها من بعدى
الابن : طبعا يا بابا دانا تربيتك
الأب : يعنى هتعرف تربى الكتاكيت زى ما انا ربيتهم
الابن : باندفاع وحماسه الشباب .. اكيد
الأب : طيب هات الكرتونه اللى فيها الكتاكيت دى
سارع الابن باحضار الكرتونه ووقف امام ابيه
الأب : اقلب الكرتونه على الارض وورينى ازاى هتقدر تلم فيها الكتاكيت
وبسرعه قلب الابن الكرتونه وما ان رفعها حتى انطلقت الكتاكيت فى ارجاء الغرفه
واندفع الابن خلفها يحاول جمعها مره اخرى
لكن هيهات .. وبعد ان ادركه الفشل
وقف امام ابيه وقد ارتسمت على وجهه البلاهه والغباء ولم يوقظه الا صفعه قويه من ابيه
الأب : شوف يا بنى اللى هاوريهولك .. ده خلاصه 27 سنه فى تربية الكتاكيت
ثم اخذ الأب الكرتونه بعد ان جمع فيها الكتاكيت اخذ يهزها بقوه
يمينا ويسارا وسط صراخ متواصل من الكتاكيت ما لبث ان تلاشى
وانقطع نتيجه ما اصابها من اعياء
الأب : الان فقط نقلب الكرتونه
وما ان رفعها الا وشاهد الابن الكتاكيت لا تحرك ساكنا مما اصابها من اعياء ودوار
ثم قام بتعبئتها فى الكرتونه بمنتهى السهوله واليسر
الأب : الوقت يا ابنى اتعلمت اهم حاجه فى تربيه الكتاكيت وهى :
اتعبهم يريحوك لكن لو ريحتهم هيتعبوك

والذكى يفهم بقى

ارق تحياتى..

~~سكيتر~~ · 27-01-2008, 01:23 AM

هههههههههههههههه

لا جامدة يا شوشو .. الله ينور

والذكى او الحق يفهم !!

انا عن نفسى فهمت .. بجد جامدة وروعة

تقبلى تحيتى

**Shoshou** · 27-01-2008, 01:33 AM

ميرسي كتير سكيتر لمرورك وردك
وهنعتبرك واحد م الاذكياء اللى عندنا ف المنتدى

ارق تحياتى..

**3abdo** · 27-01-2008, 04:36 AM

يا شوشو دي قصة جميلة، بس تحتمل معنيين، تحمل ان الستات لازم يتعبوا الرجالة علشان الرجالة تريحهم، والمعنى التاني إن الرجالة لازم تتعب الستات علشان الرجالة ترتاح، وبما ان القصة دي كان حديث بين الاب وابنه يبقى المعنى التاني هو الادق وهو ان الرجالة تتعب الستات، ولكن اللي قال وحكى القصة هي بنت فلازم يكون المعنى الاول هو المقصود يعني الستات هي اللي تتعب الرجالة، وعارفة المعنى الأدق كمان طالما احنا في منتدى سياسي هو ان الحكومة تتعب الشعب علشان الحكومة ترتاح من ناحية الشعب بمعنى اخر ان الحكومة تضمن عدم وجود مظاهرات واعمال شغب وارهاب من الشعب علشان هما تعبانين‘ على فكرة انا بقول الكلام دة وماليش دعوة حاسبوا اللي كتب الموضوع واللي بيحاول يفتح عيون الناس على حاجات المفروض يكونوا مغمضين عنها، عايزة الصراحة انا احترت، ماتقولي بقة تقصدي ايه وليكي نص الجايزة هههههههههه.

**Shoshou** · 27-01-2008, 04:41 AM

ههههههههههه
يا عبده الموضوع ملوش اى علاقه بالرجاله ولا بالستات.. والا مكنتش هنزله ف المنتدى السياسى

ركز كده شويه ف القصه..
اب
ابن
27 سنه
كتاكيت بتفرفر
مش بتشبه ؟