استغاثة يا بورسعيدية

فى الحقيقة كل يوم حالياً في بورسعيد أو خصوصا في بورفؤاد نتفاجئ بإرتكـــاب جريمة بشعة و كل يوم جريمة شكل.

بداية بسرقة لمحل بقالة انتهى بحريقة انهت قضت على المحل ببورفؤاد، ثم سمعنا بعد ذلك قتل إمرأة من أجل عدد 2 غويشة ،

ثم الجريمة الأبشع من نوعها قتل طفل برئ كل زنبه انه لم يجري مثل زملائه هرباً من بطش سيدة انتزعت قلبها و وضعت بداخلها شيطـــان ليسول لها فعلتها. " حسبي الله و نعم الوكيل ".

و هذا نص ما جــاء بهذا الموضوع بجريدة المصري اليوم :-

حبس قاتلة تلميذ بورفؤاد.. وأسرته تطالب بالقصاص

أمرت نيابة بورفؤاد بحبس موظفة جامعة قناة السويس ٤ أيام علي ذمة التحقيقات، ووجهت لها تهمة القتل العمد، لإنهائها حياة طفل، طعنته بالسكين في الشارع لتسببه في كسر زجاج سيارتها.. «المصري اليوم» كانت هناك، سجلت لحظات الحزن علي أوجه زملاء الضحية، ومكانه الفارغ في لجنة الامتحان.

لم يصدق تلاميذ الصف الدراسي الابتدائي بمدرسة يوسف عاشور الابتدائية ببورفؤاد أن زميلهم كريم جمال عجمي سيغيب عن امتحان اللغة الإنجليزية لنصف العام أمس بعد أن تلقي طعنة قاتلة من «رانيا سراج الدين البربري» موظفة في فرع جامعة قناة السويس ببورسعيد.

المشهد كان دراميا، «المدرسة» .. «منزل التلميذ» .. «منزل المتهمة» .. «مستشفي بورسعيد العام» .. في محيط واحد لا يتجاوز ٢٠ متراً.

«كريم جمال عجمي» هو الابن الثاني للأسرة فالأب رحل عن الدنيا منذ عام تقريباً .. صباح يوم الأحد الماضي لم يمهل القدر التلميذ «كريم» من إبلاغ والدته بما حققه من نتيجة طيبة بعد أدائه امتحان «الحساب» فقام مسرعاً ليقابل أستاذه

ويبلغه أنه سيحقق الدرجة النهائية في الحساب وخرج مع بعض زملائه من باب المدرسة فوجئ بجارته تحمل سكيناً وتجري وراء التلاميذ فوقف مذهولاً من الموقف حتي وجد نفسه وجهاً لوجه معها.. طعنته بالسكين ليلقي مصرعه أثناء نقله إلي المستشفي،

صعدت المتهمة إلي بلكونة المنزل وحاولت الاتصال بوالدها تطالبه بالحضور ولم تحاول الهرب حتي ألقي العقيد إبراهيم مكي القبض عليها.. في اليوم التالي ذهب تلاميذ مدرسة يوسف عاشور الابتدائية لامتحانين «الإنجليزي والدين» وعلموا بمقتل زميلهم ولم يصدقوا إلا حينما وجدوا مكانه خالياً.

الموقف حزين داخل المدرسة لا حديث في الفناء قبل الامتحان إلا عن الجريمة، اهتزت قلوب أولياء الأمور للحادث البشع الذي وقع علي بُعد خمسة أمتار من باب المدرسة، زملاؤه وزميلاته حملوا الشموع وقرروا زيارة أسرة كريم ومواساة أسرته،

ولم تصدق أم كريم أن قاتلة فلذة كبدها هي جارتهم الشابة، وطالبت أسرة كريم العدالة بالقصاص، وعلي الجانب الآخر قال زملاء القاتلة إنها طيبة جداً ولكنها مرت بظروف عصيبة صعبة بعد أن تزوجت مواطنًا من السويس لم تعلم أنه متزوج من اثنتين قبلها،

إلا بعد أن تم زفافها له فأصيبت بصدمة نفسية وعصبية أثرت عليها، ويوم الحادث قال زملاؤها في جامعة قناة السويس إنها ذهبت مبكراً عن ميعاد خروجها لأنها لم تنم الليلة الماضية وأرادت أن تستريح وأكدوا أن لعب التلاميذ أغضبها فخرجت في حالة عصبية تطالب التلاميذ بالهدوء ولم تجد إلا السكين.


طيب لو قلنا السرقة و القتل فى الحالتين الأولي و التانية بغرض المال.

طيب و الحالة التالتة دي ليه انا مش فاهم طفل ليه يتقتل بالطريقة دي انا هتجنن انا مش فاهم حاجة مش عارف ايه اللي بيحصل في بلدنا. بورفؤاد عمرها ما كانت كدا ولا ناسها كانو بالشكل دا. ايه اللي بيحصل.

لا حول ولا قوة إلا بالله.

__________________

والله يا احمد حاجه تحزن بجد
انا سمعت عن الموضوع بتاع الولد و الست ده بس مكنتش مصدق بس دلوقتي صدقت
حسبي الله و نعم الوكيل

__________________

ياجدعان فى اول كلامى احب اعرفكو بنفسى
انا يحيى نبيل حسن موظف فى فرع جامعه قناه السويس فى بورسعيد انا مش كبير اوى انا عندى 23 سنه تعييين ابناء عاملين
فى البدايه احب انبه صاحب الموضوع ان فى اقويل كتير وطبعا الشائعات مبترحمش حد هيه اول حاجه اسمها داليا ومعندهاش عربيه ومفيش حاجه تخص العربيه خالص وده طبعا شائعات مش ده موضوعنا موضوعنا لو نفترض ان حضرتك اتعرضت لمشاكل كتير وحاجات اثرت على نفسيتك ولسه العرض مستمر واتلقيت حاجات اسخم وادل من كده من الناس المحوطيين ليك ان واتلقت تهديد من جوزها يوميا انه يجى يخطف بنتها ولعلمك انا كنت صديق ليها بحكم انها كانت معانا فى المكتب وهيه مش مجنونه ولا حاجه بس الواحد تعب من الى بيحصل وصدقونى بس هيه فعلا انها مش المفروض انها تقتل ونا مش هقولك الولا برئ وغلبنا وابن حلال احنا عرفين شقاوه الاطفال وحركاتهم الى تجن وبزات لما يكون عيل متربى فى الشارع ويتبت فى دور الرجوله بس برضه مكنتش قتلته انا معاكو فى النقطه دى بس والله انا مقدرش اقول الا حكم ربنا هوه الى هينفز ولو ربنا حكم مفيش اى مخلوق هيقدر يعترض على قدائه وحكمته وربنا يصبر اهل الولا ومتنسوش برضه ان للست دى بنت صغيره ولازم تربيها وشكرا لانكو سمعتونى

بصراحه انا مستغربه جدا من وجهه نظر حضرتك ف الموضوع
دى انسانه مضغوطه نفسياً واعصابها تعبانه وبتتعرض لمشاكل كتير ف حياتها و..و..و.. على عيني وعلى راسى والله
لكن ايه ذنب طفل برئ ف مشاكلها دى ؟
وعشان ايه ؟ عشان "شقى" على حد تعبيرك ؟
ما كل الاطفال بيتشاقوا.. وكل الاطفال عليهم حركات تجيب الضغط والسكر وشلل رباعى كمان..
وكل انسان عنده مشاكل وضغوط
هل ده مبرر عشان كل واحد مضغوط ومعنده مشاكل يطلع مشاكله ع الاطفال ويقتلهم ؟
كان زمان الجنس البشرى ده انقرض من قديم الأزل.. وكان زمان مفيش حاجه اسمها وجود للاطفال.. وكل واحد عنده طفل يخبيه م الشارع.. احسن واحد اعصابه تعبانه يتهور عليه ويموته.. ولا ايه ؟
ميرسي لرأيك ولو انى معارضاه مليون % بس منتظرين وجودك تانى ان شاء الله..

ارق تحياتى..

__________________

__________________

][ ويبقى التـ س ـاؤلـ ،، لما كلـ هذا .؟.؟. ][
.
.
.

hi ya gama3a

eeh almawdo3

__________________

][ ويبقى التـ س ـاؤلـ ،، لما كلـ هذا .؟.؟. ][
.
.
.